Հա

Համայնք

05/07/2018 - 13:00

Նշւեց Հ.Մ.Ա.Կ-ի 74-ամեակը

Հ. Մ. «Արարատ» կազմակերպութիւնը թեւակոխեց իր 74-ամեակը: Այդ առիթով երէկ, յուլիսի 4-ին, «Արարատ» մարզաւանի «Այգեստան»-ում կազմակերպւել էր տօնախմբութիւն: Հանդիսութիւնը մէկտեղւած էր գեղարւեստական կատարումներով, որոնք իրականացրեցին կազմակերպութեան տարբեր միաւորների անդամները:

«ԱԼԻՔ», Կ. Դ. - Հ. Մ. «Արարատ» կազմակերպութիւնը թեւակոխեց իր 74-ամեակը: Այդ առիթով երէկ, յուլիսի 4-ին, «Արարատ» մարզաւանի «Այգեստան»-ում կազմակերպւել էր տօնախմբութիւն: Հանդիսութիւնը մէկտեղւած էր գեղարւեստական կատարումներով, որոնք իրականացրեցին կազմակերպութեան տարբեր միաւորների անդամները:

Հ.Մ.Ա.Կ-ի «Արարատ» երգչախումբը ղեկավարութեամբ Արփի Սիմրոջեանի եւ դաշնակահար Ալին Թաշճեանի, սկզբում հնչեցրեցին Տէրունական աղօթքը, «Արարատ»-ի հիմներգը եւ ազգային-ժողովրդական երգեր, իսկ սկաուտները «Այգեստան» բերեցին կազմակերպութեան դրօշը՝ այն ծածանելով: Անահիտ Աւետեանի ղեկավարութեամբ «Արարատ» պարախմբի փոքրիկ սաները հայկական հեզաճկուն պարը հրամցրեցին ներկաներին, եւ կազմակերպութեան մէկամեայ բազմաբնոյթ աշխատանքների արգասիքը ներկայացւեց տեսաֆիլմի միջոցով, որը պատրաստել էր կազմակերպութեան Հանրութեան հետ կապը:

Միջոցառմանը հրաւիրւեց արտայայտւելու կազմակերպութեան Կենտրոնական վարչութեան նախագահ Գէորգ Վարդանը, ով զեկուցելով մէկամեայ աշխատանքների մասին անդրադարձաւ կազմակերպութեան մարզական, սկաուտական եւ արւեստի բնագաւառների յաջողութիւններին, միաժամանակ օգտւելով ընձեռնւած առիթից, կարեւորեց օրերս Վրաստանում կազմակերպութեան պարախմբի յաջողութիւնը պարի միջազգային փառատօնում:

Գեղարւեստական բաժնի աւարտին հրաւիրւեց արտայայտւելու Թեհրանի հայոց թեմի առաջնորդական փոխանորդ Տ. Մակար եպս. Աշգարեանը:

Օրւայ հաղորդավարներն էին Էմիլ Սէթխանեանը եւ Գարունէ Բանդարիին: Վերջում կազմակերպութեան ներկայի եւ անցեալի վարչութիւնների նախագահների եւ վարչականների ձեռամբ եւ Սրբազան Հօր մասնակցութեամբ հատւեց ամեակը խորհրդանշող տորթը: Միջոցառմանը ներկայ էին, Իրանում ՀՀ դեսպանութեան, ազգային իշխանութեան, «Ալիք» հաստատութեան, ազգային մարմինների ու միութիւնների ներկայացուցիչներ:

Վերջում կազմակերպիչ յանձնախմբի նախաձեռնութեամբ տեղի ունեցաւ ընդունելութիւն՝ Ս. Խաչ մատուռի շրջափակում:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։