Հա

Համայնք

17/07/2018 - 08:20

«Ջաւախքի անցեալն ու ներկան»՝ բանախօսութիւն Երէցների միութեան յունիս ամսւայ հանդիպումին

Երկուշաբթի, յունիսի 11-ին տեղի ունեցաւ Երէցների միութեան ամսական հանդիպումը Մարզաւանի «Վաչիկ Ղարաբէգեան» սրահում:

Երկուշաբթի, յունիսի 11-ին տեղի ունեցաւ Երէցների միութեան ամսական հանդիպումը Մարզաւանի «Վաչիկ Ղարաբէգեան» սրահում:

Ծրագրի սկզբում միութեան նախագահ՝ ընկեր Հարմիկ Զովէլեանը ներկայացրեց միութեան երիցագոյն անդամներից՝ ընկեր Սրբուհի Տէր-Յակոբեանին ու բարձր գնահատեց նրա տարիների անխոնջ գործունէութիւնը միութիւնում: Նրա կենսագրականը ընթերցեց ընկեր Դիանա Տէր-Յովսէփեանը, միաժամանակ պատկերներ ցուցադրւեցին նրա կեանքի տարիներից: Ապա միութեան նախագահը գնահատական խօսքերով ու բարեմաղթանքներով վաստակաշատ ընկեր Սրբուհուն յուշանւէր յանձնեց:

Ընկեր Սրբուհին ծնւել է Արաքում, սովորել է Թեհրանի «Դանայի», «Քուշէշ-Դաւթեան» ու «Մարիամեան» դպրոցներում: Որպէս հաշւապահ աշխատել է Իրանի ազգային նաւթային ընկերութիւնում: Աւարտել է նոյն ընկերութեան հաշւապահական համալսարանը` լիսանսի աստիճանով: Մասնակցել է Հ.Մ.Ա.Կ.-ի Սկաւուտական, երգչախմբային ու թատերական աշխատանքներին: 1980-ական թւականներից անդամակցել է Երէցների միութեանը, մասնակցել է զանազան յանձնախմերում՝ կրպակի, հիւրընկալութիւնների, հասութաբեր ձեռնարկների եւ այլ աշխատանքներին:

Բանախօսութեամբ ելոյթ ունեցաւ ծանօթ մտաւորական՝ Գրիգոր Ղազարեանը, նիւթ ունենալով՝ «Ջաւախք, անցեալն ու ներկան»:

Բանախօսը Ջաւախքի մասին ամփոփ տեղեկութիւն փոխանցելով, անդրադարձաւ Վրաստանի տարածքում գտնւող հայկական այդ շրջանի կարեւորութեան մասին, որին վերջերս, իր առաջին ուղեւորութեան ընթացքում այցելել է ՀՀ նորընտիր վարչապետ՝ Նիկոլ Փաշինեանը: Ջաւախքը ներկայիս մաս է կազմում Սամցխէ-Ջաւախեթի վրացական մարզին եւ բաղկացած է վեց շրջանից՝ Ախալքալաք, Ախալցխա, Նինոծմինդա, Ասպինձա, Բորժոմ եւ Ադիգէն: Տարածքը՝ շուրջ 7500 քառ. կմ. է, 160-170 հազար բնակչութեամբ եւ 132 հայկական գիւղերով: Պատմականօրէն Ջաւախքը գտնւել է Մեծ Հայքի տարածքում եւ աւելի վաղ ժամանակում Զաբախա է կոչւել: 7-րդ դարում իսլամ արաբները գրաւեցին Ջաւախքը: 10-րդ դարում Ջաւախքը գտնւում էր հայկական Բակրատունեաց թագաւորութեան կազմում: Հետագային այն ենթարկւում է սելջուկների ապա 13-րդ դարում մոնգոլների յարձակմումներին: 1587-ին Օսմանեան թուրքերը գրաւում են Ջաւախքը: 1828-29 թթ. ռուս-թուրքական պատերազմից յետոյ Ջաւախքը անցնում է ռուս իշխանաւորների տիրապետութեան ներքոյ: 1843 թւականի վիճակագրութեամբ Ջաւախքը ունեցել է 63800 բնակչութիւն: 1921թ.-ին Ջաւախքը ներառւում է Խորհրդային Վրաստանի կազմում:

Պատմական տեղեկութիւններ փոխանցելուց յետոյ բանախօսը անդրադարձաւ Ջաւախքի ռազմավարական նշանակութեանը՝ Հայաստանի համար: Ջաւախքը սահմանակից է ՀՀ-ին, հայաբնակ շրջան է, արտաշխարհ դուրս գալու՝ ծովաւին նաւահանգիստ տանող տարանցիկ ճանապարհ է: Վրաստանի իշխանութիւնները, տարիներ է ինչ, վրացականացման քաղաքականութիւն են գործադրում Ջաւախքում, թուլացնում են Հայաստանի հետ նրա կապը, ճնշում են դպրոցներին եւ ուսուցչական կազմերին, արգելում են Հայաստանից դասագրքերի առաքումը Ջաւախք, շրջանում բարձր ուսման հաստատութիւններ չկան, հայկական եկեղեցիները իւրացւում ու վրացականացւում են, ազգային-կրօնական արարողութիւնները սահմանափակւում են եւ խտրական օրէնքներ են իշխում, որ սատարում են Ջաւախքի հայաթափմանը: Այդ իրողութիւններից ելնելով, բանախօսը գնահատելով Ջաւախքի ներկայ կացութիւնը, անդրադարձաւ տիրող երկկողմ անվստահութեան մթնոլորտին, գործազրկութեան եւ արտագաղթի երեւոյթին: Նաեւ անդրադարձաւ շրջանում դերակատար ուժերին ու նրանց ազդեցութեան լծակներին ու շահերին: Այդ դերակատարներն են, ըստ բանախօսի` Ռուսաստանը, Հայաստանը, վրացական իշխանաւորները, Սփիւռքը, Հայոց Առաքելական եկեղեցին, Հ.Յ.Դ.-ն, միջազգային շրջանակները, վրաց եւ հայ քաղաքացիական կազմակերպութիւնները, տեղի բնակչութիւնը, թուրքերը, ադրբեջանցիները եւ այլն:

Իր խօսքի վերջում բանախօսը յիշատակեց ջաւախքահայ նշանաւոր մի քանի անուններ՝ Ռուբէն, Դերենիկ Դեմիրճեան, Վահան Տէրեան, Յովհաննէս Քաջազնունի եւ ուրիշներ, նաեւ ներկայացրեց Ջաւախքին սատարելու ուղղութեամբ հնարաւոր առաջադրանքներ:

Հանդիպման վերջում ընկերական ջերմ միջավայրում հիւրասիրւեցին ներկաները ու նշւեցին ամսւայ տարեդարձները:

Նիւթը ստացել ենք ընկեր Էդւարդ Յարութիւնեանից:

Հ. Մ. «Արարատ» Կ.

Յարակից լուրեր

  • Երէցների միութեան ամսական հանդիպումը նւիրւած Արա Գիւլէրին ու Շառլ Ազնաւուրին
    Երէցների միութեան ամսական հանդիպումը նւիրւած Արա Գիւլէրին ու Շառլ Ազնաւուրին

    Երկուշաբթի, նոյ. 5-ին, տեղի ունեցաւ Հայ մշակութային «Արարատ» կազմակերպութեան Երէցների միութեան ամսական հանդիպումը «Վաչիկ Ղարաբէգեան» դահլիճում:

  • Հ.Մ.Ա.Կ.-ի Երէցների միութեան օգոստոս ամսւայ հանդիպումը
    Հ.Մ.Ա.Կ.-ի Երէցների միութեան օգոստոս ամսւայ հանդիպումը

    Երկուշաբթի, օգոստոսի 6-ին տեղի ունեցաւ Երէցների միութեան ամսական հանդիպումը, Մարզաւանի «Վաչիկ Ղարաբէգեան» սրահում՝ «Հայաստան, իրանահայութիւն, հեռանկարներ» թեմայով, որն ունէր մտքերի փոխանակման բնոյթ: Ներկաների մէջ կային նաեւ հրաւիրեալներ եւ միութեան երիտասարդ անդամներ:

  • Համբարձման դաշտահանդէս
    Համբարձման դաշտահանդէս

    Ուրբաթ, 2018 թւի մայիս 11-ին տեղի ունեցաւ Հ.Մ.Ա.Կ.-ի Երէցների միութեան կազմակերպած Համբարձման դաշտահանդէսը մեր սիրելի հայրենակիցների մասնակցութեամբ:

  • Երէցների միութեան մայիս ամսի հանդիպումը
    Երէցների միութեան մայիս ամսի հանդիպումը

    Հայ մշակութային «Արարատ» կազմակերպութեան Երէցների միութեան մայիսի ամսական հանդիպումը, մէկ շաբաթ առաջաձգումով, տեղի ունեցաւ ապրիլի 30-ին մարզաւանի «Վաչիկ Ղարաբէգեան» սրահում:

    Բացման խօսքով հանդէս եկաւ միութեան նախագահ՝ընկեր Հարմիկ Զովէլեանը: Նա սկզբում ներկաներին հրաւիրեց մէկ րոպէ լռութեամբ յոտնկայս յարգել երէցների վաստակաւոր ընկեր, միութեան անդրանիկ նստաշրջանի վարչութեան անդամ, նորոգ հանգուցեալ՝ Ժան Աբրահամեանի յիշատակը:

  • Նոր Ջուղայի Հայ Դատի գրասենեակի նախաձեռնութեամբ դասախօսական երեկոյ՝ Շիրազում
    Նոր Ջուղայի Հայ Դատի գրասենեակի նախաձեռնութեամբ դասախօսական երեկոյ՝ Շիրազում

    Ուրբաթ՝ 2018 թւականի ապրիլի 20-ի առաւօտեան, Շիրազի «Հայ տուն»-ում, տեղի հայ համայնքի ներկայութեամբ իրականացւեց դասախօսական ծրագիր, Նոր Ջուղայի Հայ Դատի գրասենեակի նախաձեռնութեամբ։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։