Հա

Համայնք

23/07/2018 - 09:10

Վարդավառի տօնակատարութիւն Կ.Օ.Մ.-ի հովանաւորութեան ներքոյ գտնւող ընտանիքների համար

Թեհրանի հայոց թեմի Կարիքաւորներին օժանդակող մարմնի (Կ.Օ.Մ.) նախաձեռնութեամբ, երեքշաբթի յուլիսի 10-ին, կազմակերպւեց դաշտահանդէս՝ Վարդավառի, Քրիստոսի Այլակերպութեան ու Պայծառակերպութեան տօնի առիթով, մեր կարիքաւոր համայնքի համար, «Նայիրի» համալիրի շրջափակում:

Թեհրանի հայոց թեմի Կարիքաւորներին օժանդակող մարմնի (Կ.Օ.Մ.) նախաձեռնութեամբ, երեքշաբթի յուլիսի 10-ին, կազմակերպւեց դաշտահանդէս՝ Վարդավառի, Քրիստոսի Այլակերպութեան ու Պայծառակերպութեան տօնի առիթով, մեր կարիքաւոր համայնքի համար, «Նայիրի» համալիրի շրջափակում: 

Ծրագրին ներկայ էին Թ. Հ. Թ. Թեմական խորհրդի անդամներից՝ պարոնայք Սերոժ Մատթէոսեանն ու Արամ Նովշադեանը, Կ.Օ.Մ.-ի յանձնախումբը, արժ. Տ. Կոմիտաս քհնյ. Ղարախանեանը, Սրբոց Թարգմանչաց եկեղեցու Կանանց եկեղեցասէր միութեան անդամների ներկայացուցիչները, «Սահակեան» ազգային բարեսիրական կենտրոնի վարիչ մարմինը, պաշտօնեան ու բնակիչները, նոյն համալիրում աշխատող՝ «Արմենուհի» միութեան եւ Աշխարհատեսների հայկական կենտրոնի անդամներից եւ մեծ թւով հայրենակիցներ: 

Նախ տկն. Մայրենի Յովասափեանը բացատրեց Վարդավառ բառի ստուգաբանութեան եւ մեկնաբանութեան մասին ըստ՝ Հայր Ղեւոնդ Ալիշանի, Ղափանցեանի եւ Մելիք Փաշաեանի, որպէս հեթանոսական շրջանից՝ «Անահիտ եւ Աստղիկ» դիցուհիների պաշտամունքներից մնացած տօն, ու պատմական Հայաստանում նոյն տօնին կատարւող «Պասալու» ձիավարութեան ու գետի կամ լճի ջրում ցատկման մասին: Նաեւ Վարդավառ տօնի հեթանոսական շրջանից մնացած աւանդութիւնը, Ս. Գրիգոր Լուսաւորչի միջոցով կապւած քրիստոնէական Քրիստոսի Այլակերպութեան ու Պայծառակերպութեան տօնին: 

Ապա արժ. Տ. Կոմիտաս քհնյ. Ղարախանեանը բացատրեց Յիսուսի ու նրա երեք առաքեալների՝ Պետրոսի, Յակոբոսի ու Յովհաննէսի հետ բարձրացած Թափոր լեռան վրայ եւ կատարւած Քրիստոսի պայծառակերպութեան հրաշալի երեւոյթի մասին, երբ հանդիպեց Մովսէս ու Եղիա մարգարէներին, որոնք Յիսուսին պատրաստում էին Երուսաղէմում կայանալիք չարչարման ու խաչման իրադարձութիւններին: Տ. Կոմիտասը հաւատացեալներին քարոզելով Քրիստոսի խաչման ու զոհողութեան կարեւորութեանը համայն մարդկութեան փրկութեան համար, բոլորին յորդորեց, որ հաւատարիմ մնան Հայ Առաքելական եկեղեցու դաւանանքներին: 

Դաշտահանդէսին հնչեցին կենդանի երաժշտութեամբ ուրախ երգեր ու մթնոլորտը ընդառաջւեց ներկաների պարերով: Նաեւ նւէրներ ստացան նոյն տօնին կապւող անուններ ունեցող անհատներ:Ընթրիքը մատուցելուց յետոյ, Կ.Օ.Մ.-ի ատենապետ՝ պրն. Մուշեղ Ծատուրեանը լրիւօրէն բացատրեց մարմնի ուղեգծի եւ յանձնախմբի անդամների տքնաջան աշխատանքների մասին, իրենց առաքելութիւնը կատարելու մեր համայնքի համար: Նաեւ արտայայտեց, որ տնտեսական սղաճի օրէցօր բարձրացման պատճառով ու մեր կարիքաւորների թիւը շատանալով, մարմինն աւելի յետամուտ է տարբեր կազմակերպութիւնների հետ համագործակցելու եւ օժանդակութեան հնարաւորութիւններ հայթայթելու համար: 

Դաշտահանդէսը աւարտւեց գիշերւայ ուշ պահին, ուրախութիւն պատճառելով ներկաներին:

Կ.Օ.Մ.-ի գրասենեակ

Յարակից լուրեր

  • Իսլ. յեղափոխութեան յաղթանակի 40-ամեակի տօնակատարութիւն՝ Հ. Մ. Մ. «Նայիրի» միութեան յարկի տակ
    Իսլ. յեղափոխութեան յաղթանակի 40-ամեակի տօնակատարութիւն՝ Հ. Մ. Մ. «Նայիրի» միութեան յարկի տակ

    Ուրբաթ, փետր. 15-ին Հ. Մ. Մ. «Նայիրի» միութեան կենտրոնատեղիում տեղի ունեցաւ Իսլ. յեղափոխութեան յաղթանակի 40-ամեակի տօնակատարութիւնը եւ Յովիկ Մինասեանի գրչին պատկանող (Փէյւանդէ խուն գոսասթանի նիսթ) «Արեան կապը անքակտելի է» գրքի շնորհանդէսը:

  • Նոր Ջուղայի հայ համայնքը նշեց ԻԻՀ 40-ամեակը
    Նոր Ջուղայի հայ համայնքը նշեց ԻԻՀ 40-ամեակը

    Չորեքշաբթի՝ 2019 թւականի փետրւարի 6-ի երեկոյեան, Նոր Ջուղայի հայոց ազգային կրթահամալիրի «Ալենուշ Տէրեան» դահլիճում հանդիսութեամբ նշւեց Իրանի Իսլամական Հանրապետութեան հիմնադրման 40-ամեակը: Ծրագրին ներկայ էին՝ Սպահանի հայոց թեմի առաջնորդ գերշ. Տ. Սիփան եպս. Քէչէճեանը, ազգային մարմինների ներկայացուցիչներ, պետական պաշտօնատարներ, միաստւածութեան կրօնների ներկայացուցիչներ եւ ժողովուրդ:

  • Երեւանում նշել են Իսլ. յեղափոխութեան յաղթանակի 40-ամեակը
    Երեւանում նշել են Իսլ. յեղափոխութեան յաղթանակի 40-ամեակը

    Իսլ. յեղափոխութեան յաղթանակի 40-ամեակը նշւել է Երեւանում: Այս մասին տեղեկանում ենք ՀՀ-ում Իրանի դեսպանութեան պաշտօնական կայքից:

  • ՀՅԴ 128-ամեակի ժողովրդային տօնակատարութիւն` Այնճարի մէջ
    ՀՅԴ 128-ամեակի ժողովրդային տօնակատարութիւն` Այնճարի մէջ

    Շաբաթ, 12 յունուարի երեկոյեան ժամը 7:00-ին, Այնճարի հայութիւնը արժանաւոր կերպով նշեց ՀՅ Դաշնակցութեան 128-ամեակը` ժողովրդային տօնակատարութեամբ մը, որ տեղի ունեցաւ Այնճարի «Գալուստ Կիւլպէնկեան» սրահին մէջ, կազմակերպութեամբ` ՀՅԴ «Կարմիր Լեռ» կոմիտէի քարոզչական յանձնախումբին:

  • Արթուր Խաչատրեան. «Իշխանութիւնը մեզ համար երբեք ինքնանպատակ չի եղել»
    Արթուր Խաչատրեան. «Իշխանութիւնը մեզ համար երբեք ինքնանպատակ չի եղել»

    128-ամեայ սակայն երիտասարդ աւիւնով իր ազգանւէր աշխատանքը շարունակող Հայ Յեղափոխական Դաշնակցութիւնը, թեւակոխեց եւս մէկ ամեակ: Ամեակներ, որոնք շաղկապւած են եղել ու կը լինեն հայ ժողովրդի վերիվայրումներով լի պատմութեամբ: Հայ ժողովրդի ազգային-ազատագրական շարժումից ակունքաւորւած դաշնակցութեան 128-ամեակի հանդիսութիւնը նշանաւորւեց դեկտ. 20-ին Հ.Մ.Ա.Կ.-ի կենտրոնատեղի «Կոմիտաս» սրահում: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։