Հա

Համայնք

28/07/2018 - 13:30

Հոգեհանգիստ Լիսբոնի նահատակ հինգ հերոսների հոգիների խաղաղութեան համար

Երէկ, ուրբաթ 27 յուլիս 2018 հայ դատի ու պահանջատիրական պայքարի ճանապարհին, իրենց գիտակից ինքնամատուցով ազատագրական պայքարի ոսկեայ շղթան ադամանդիայ օղակով հարստացուցած Լիզբոնի արիասիրտ հինգ հերոսների՝ Վաչէ Տաղլեանի, Սեդրակ Աճէմեանի, Սիմոն Եահնեանի, Արա Քրջլեանի եւ Սարգիս Աբրահամեանի նահատակութեան 35-ամեակն էր։ 

Երէկ, ուրբաթ 27 յուլիս 2018 հայ դատի ու պահանջատիրական պայքարի ճանապարհին, իրենց գիտակից ինքնամատուցով ազատագրական պայքարի ոսկեայ շղթան ադամանդիայ օղակով հարստացուցած Լիզբոնի արիասիրտ հինգ հերոսների՝ Վաչէ Տաղլեանի, Սեդրակ Աճէմեանի, Սիմոն Եահնեանի, Արա Քրջլեանի եւ Սարգիս Աբրահամեանի նահատակութեան 35-ամեակն էր։ 

Այս առիթով տնօրինումով եւ հովանաւորութեամբ թեմիս առաջնորդ գերշ. Տ. Սեպուհ Ս. արք. Սարգսեանի տեղի ունեցաւ հանդիսաւոր հոգեհանգիստ Լիզբոնի նահատակների հոգիների խաղաղութեան համար։ Հոգեհանգստեան արարողութիւնից առաջ թեմակալ առաջնորդը իր քարոզում անդրադարձաւ Լիզբոնի հերոսական արարքին, որի հետեւանքով աշխարհը սկսաւ անդրադառնալ հայ ժողովրդի անժամանցելի դատին եւ նրան կապւած պատմական եւ իրաւական հարցերին։ Իր քարոզում Սրբազան Հայրը նախ դրւատեց հինգ հերոսների անձնազոհ ու ինքնամատոյց նւիրաբերումը հայ ժողովրդի արդար դատի բագինի եւ ասաց «Լիզբոնի հինգ տղաքը հայրենիքը չէին տեսած սակայն հայրենիքը իր ողջ էութեամբ իրենց հոգիների մէջ կենդանի էր, Այո՛, չէին տեսած հայրենիքը, սակայն հաւատացել էին հայրենիքին եւ իր պատմութեան եւ դրա համար անսակարկ զոհողութեամբ Լիզբոնը դարձուցին նորօրեայ մեր պատմութեան պայքարի խորհրդանիշ»։ 

Իր քարոզի մի այլ բաժնում Սրբազան Հայրը կարեւորութեամբ անդրադարձաւ այն իրողութեան, որ Լիզբոնի նահատակների հոգին ու ոգին Արցախեան ազատագրական պայքարի հերոսների ներշնչման ու զօրութեան աղբիւր հանդիսացաւ եւ իբրեւ այդպիսին Լիզբոնի նահատակների երազանքի իրականացման ճանապարհը հարթեցին։ Այսօր Լիզբոնի հերոսների նահատակութեան ոգեկոչումը կոչ է ու պատգամ հաւատարմութեան մեր երիտասարդութեան, նոր սերունդին, որպէսզի իր կեանքը ապրի տեսիլքովն ու հեռանկարովը իր ամբողջական հայրենիքի, իր ամբողջական ժողովրդով։ Վերջապէս Լիզբոնի հերոսները հայրենիքը չտեսած հայրենիքով արարատացած իրենք իրենց պատարագեցին։ Վստահաբար մեր աննման հերոսները լսել էին Քրիստոսի այն խօսքը, որ նա Թովմաս առաքեալին էր ասել «Տեսար իմ ձեռքերի վերքը ու հաւատացիր, բայց երանի նրանց ովքեր առանց տեսնելու հաւատում են»։ Ահա հինգ երանելիները մեր նորագոյն պատմութեան, որոնք աւետարանական այդ հրանիբիայ հաւատքով օծուն իրենց կեանքը վերածեցին պայքարի խորհրդանիշի։ 

Թղթակից

Յարակից լուրեր

  • Ողջոյն քառասնամեայ յեղափոխութեան
    Ողջոյն քառասնամեայ յեղափոխութեան

    Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ 

  • Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում
    Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում

    Ինչպէս նախօրօք յայտնած էինք թեմիս առաջնորդ գերշ. Տ. Սեպուհ Ս. արք. Սարգսեան յունւարի 21-24 2019-ին Լիբանանում մասնակցեց Միջին Արեւելքի եկեղեցիների խորհրդի Գործադիր վարչութեան տարեկան ժողովին, որը գումարւեց Ասորի Ուղղափառ եկեղեցու պատրիարքարանում Աթշանէ հիւրընկալութեամբ Ասորի եկեղեցու հոգեւոր պետ նորին սրբութիւն Մար Աֆրամ Բ. Պատրիարքի։

  • Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը
    Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը

    Հայաստանի Հանրապետութեան Բանակի օրը՝ յունւարի 28-ը նշւում է ոչ միայն Հայաստանում, այլեւ իւրաքանչիւր երկրում, ուր ՀՀ-ն ունի դեսպանատուն եւ պաշտօնական ներկայացուցչութիւն:

    Իրանում ՀՀ դեսպանութեան նախաձեռնութեամբ, երէկ յունւարի 28-ի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում նւիրւած ՀՀ Բանակի կազմաւորման 27-ամեակին:

  • Մշակոյթի նախարարութեան մշակութային հարցերի տեղակալի այցն ազգային առաջնորդարան
    Մշակոյթի նախարարութեան մշակութային հարցերի տեղակալի այցն ազգային առաջնորդարան

    Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Կիրակի 27 յունւարին, գաղութիս ազգային գործիչ եւ գործարար՝ պրն. Յովսէփ Ղուկասեանը, Էսթոնիայի Հանրապետութեան պատւոյ հիւպատոս՝ պրն. Արմէն Մութաֆեանը եւ իր եղբայր՝ պրն. Ալբերտ Մութաֆեանը քաղաքավարական այցելութիւն տւին թեմիս առաջնորդ՝ գերշ. Տ. Սեպուհ Ս. արք. Սարգսեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։