Հա

Համայնք

01/08/2018

Մեծարանքի երեկոյ նւիրւած իրանահայ երաժշտագէտ Վարդան Սահակեանին

Երէկ, յուլիսի 31-ին, երաժշտասէր բազմութիւն էր համախմբւել Թեհրանի «Վահդաթ» դահլիճում, մասնակցելու իրանահայ երաժշտագէտ Վարդան Սահակեանի մեծարման հանդիսութեանը, ով երկարամեայ ստեղծագործութեան անցեալ եւ բեղմնաւոր դասախօսական աշխատանք է ծաւալել Իրանի երաժշտութեան ասպարէզում:

«ԱԼԻՔ» - Երէկ, յուլիսի 31-ին, երաժշտասէր բազմութիւն էր համախմբւել Թեհրանի «Վահդաթ» դահլիճում, մասնակցելու իրանահայ երաժշտագէտ Վարդան Սահակեանի մեծարման հանդիսութեանը, ով երկարամեայ ստեղծագործութեան անցեալ եւ բեղմնաւոր դասախօսական աշխատանք է ծաւալել Իրանի երաժշտութեան ասպարէզում: Միջոցառումը նախաձեռնել էր «Ռադ Նօ Անդիշ» մշակութային-գեղարւեստական կենտրոնը, համագործակցութեամբ «Ռուդաքի» հիմնադրամի:

Վարդան Սահակեանը աւարտել է գեղարւեստի ֆակուլտետը եւ Իսլ. մշակոյթի եւ առաջնորդութեան նախարարութեան կողմից նրան շնորհւել է գեղարւեստի առաջին կարգի վկայական, որը համազօր է դոկտորականի եւ գնահատանքի է արժանացել «Ֆաջր» երաժշտական 27-րդ փառատօնի ընթացքում:

Նա դասաւանդում է Իրանի զանազան համալսարաններում եւ անդամակցում է Իրանի կինոյի երաժիշտների կենտրոնին, անդամակցել է «Ֆաջր» երաժշտական փառատօնի զանազան շրջանների իրաւարարների կազմին, Իրանի երաժշտական տանը: Նա իրանական ֆոլկլոր ստեղծագործութիւնները մշակել է օրկեստրի համար եւ թարգմանել է երաժիշտ Նիկոլա Ռիմսկի Կորսակովի «Կիրառարական հարմոնիա» գիրքը: Նա երաժշտութիւն է մշակել իրանական մի շարք ֆիլմերի համար ինչպէս իրանցի կինոռեժիսոր Բահրամ Բէյզայիի «Սագ քոշի» եւ Ֆէրէյդուն Ջէյրանիի «Սուրաթի» ֆիլմերի համար: Տարիներ համագործակցել է Թ. Հ. Թ. Կրթական խորհրդի կողմից կազմակերպւող Մշակութային փառատօնի երաժշտական բաժնի իրաւարար կազմի հետ:

Երեկոն իրենց ներկայութեամբ պատւել էին Իրանի եւ իրանահայ համայնքի երաժշտութեան, արւեստի եւ հասարակական ականաւոր դէմքեր: Ներկայ էին Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ. Հ. Թ. Պատգամաւորական ժողովի, Թեմական խորհրդի, «Ալիք» հաստատութեան, «ՀՈՒՍԿ» հաստատութեան, ազգային մարմինների ու միութիւնների ներկայացուցիչներ: Ծրագրի ընթացքում հաղորդավարի կողմից ընթերցւեց ազգային իշխանութեան, «Ալիք»-ի, «ՀՈՒՍԿ»-ի եւ միութիւնների յղւած համատեղ ուղերձը: Միջոցառումը մէկտեղւած էր ելոյթներով եւ գեղարւեստական կատարումներով: «Օրդիբեհեշթ» երգչախումբը ղեկավարութեամբ դոկտ. Համիդ Ասգարիի, հանդէս եկաւ ելոյթներով, ներկայացնելով Կոմիտասից եւ իրանական ֆոլկլոր երաժշտական նմուշներից, որոնք նորովի մշակւել են Վարդան Սահակեանի միջոցով:

Միջոցառմանը պատկերասփռւող տեսաֆիլմով Վարդան Սահակեանը ներկայացրեց իր կենսագրական տւեալները:

Դաշնամուրային կատարումներով ելոյթ ունեցան նրա աշակերտներից, եւ միաժամանակ պատկերասփռւեցին տեսաֆիլմեր, որոնք սփռում էին նրա մշակած երաժշտական կատարումները սիմֆոնիկ նւագախմբերի միջոցով, նաեւ ներկայացւեց տեսաֆիլմ, որի ընթացքում Իրանի երաժշտութեան երկնակամարի մեծերը արտայայտւում էին նրա անհատականութեան ու մարդկային արժանիքների մասին եւ ընդգծւեց հետեւեալը՝ նա աննման է:

Վերջում Իրանի երաժշտութեան ոլորտում դասախօսների, ինչպէս մայեստրօ Լորիս Ճգնաւորեանի ձեռամբ գնահատագիր յանձնւեց վաստակաւոր դասախօս Վարդան Սահակեանին, որից յետոյ նա իր գնահատանքի խօսքն ուղղեց կազմակերպիչներին եւ մասնակիցներին, մատնանշելով Իրանին ու հայ արւեստին իրենց ծառայութիւնը մատուցած հայ արւեստագէտներին, որոնցից շատերը ներկայ էին դահլիճում:

Յարակից լուրեր

  • Հայ ազատորդիների մեծարանքի երեկոյ
    Հայ ազատորդիների մեծարանքի երեկոյ

    Իրան-Իրաք պարտադրեալ պատերազմի հայ ազատորդիներին մեծարելու նպատակով օգոստոսի 14-ին իւրայատուկ միջոցառում էր կազմակերպւել Թեհրանում «Շաֆաղ» մշակութային կենտրոնում: Միջոցառումը նախաձեռնել էր Թեհրանի 6-րդ շրջանի քաղաքապետարանը, համագործակցութեամբ Թ. Հ. թեմի Թեմական խորհրդի կողմից կեանքի կոչւած 8-ամեայ պարտադրեալ պատերազմի արժէքները պահպանող յանձնախմբի:

  • «Չարենցը Կապոյտ Մզկիթի պահպաններից էր». «Կապոյտ մզկիթ»-ում մեծարեցին Չարենցին
    «Չարենցը Կապոյտ Մզկիթի պահպաններից էր». «Կապոյտ մզկիթ»-ում մեծարեցին Չարենցին

    Կապոյտ մզկիթի պահպանման գործում մեծ դերակատարութիւն ունեցած մեծանուն գրող Եղիշէ Չարենցին երախտագիտութիւն յայտնելու նպատակով Հայաստանում Իրանի Իսլամական Հանրապետութեան դեսպանութեան մշակոյթի կենտրոնի նախաձեռնութեամբ գրողի մեծարման երեկոյ անցկացւեց: Միջոցառումը տեղի ունեցաւ յունիսի 19-ին Կապոյտ մզկիթի բակում:

  • Մեծարանքի երեկոյ նւիրւած ազգային-հասարակական գործիչ եւ վաստակաւոր ճարտարապետ Վարուժան Առաքելեանին
    Մեծարանքի երեկոյ նւիրւած ազգային-հասարակական գործիչ եւ վաստակաւոր ճարտարապետ Վարուժան Առաքելեանին

    Մեծարանքի եւ գնահատանքի երեկոյ նւիրւած ազգային-հասարակական գործիչ եւ վաստակաւոր ճարտարապետ Վարուժան Առաքելեանին, մարդ, որի ֆինանսական ու աշխատանքային ջանքերի շնորհիւ հնարաւոր դարձաւ ոչնչացումից փրկել Իրանի Ատրպատական նահանգում գտնւող պատմական Ծործորի վանքը:

  • «ՀՈՒՍԿ»-ի նախաձեռնութեամբ՝ մեծարանքի երեկոյ՝ նւիրւած Ահմադ Նուրիզադէին
    «ՀՈՒՍԿ»-ի նախաձեռնութեամբ՝ մեծարանքի երեկոյ՝ նւիրւած Ահմադ Նուրիզադէին

    Նախաձեռնութեամբ Հայկական հարցերի ուսումնասիրական կենտրոնի (ՀՈՒՍԿ) եւ համագործակցութեամբ Թ. Հ. Թ. Թեմական խորհրդի եւ «Բոխարա» հանդէսի, ի մասնաւորի դրա հրատարակիչ՝ Ալի Դեհբաշիի, երէկ՝ յունւարի 22-ի երեկոյեան, «ՀՈՒՍԿ»-ի կենտրոնատեղիում կազմակերպւել էր մեծարանքի երեկոյ ի պատիւ իրանցի բանաստեղծ, հայերէնագէտ մտաւորական եւ թարգմանիչ Ահմադ Նուրիզադէի:

  • Հ. Մ. «Սիփան» միութեան նախաձեռնութեամբ. Մեծարման երեկոյ՝ նւիրւած Լալիկ Թաշճեանին
    Հ. Մ. «Սիփան» միութեան նախաձեռնութեամբ. Մեծարման երեկոյ՝ նւիրւած Լալիկ Թաշճեանին

    Հ. Մ. «Սիփան» միութեան Արւեստից բաժանմունքի նախաձեռնութեամբ երէկ՝ հոկտեմբերի 23-ին, միութեան «Նայիրի» սրահում կազմակերպւել էր իրանահայ վաստակաւող գեղանկարիչ Լալիկ Թաշճեանի մեծարման երեկոն:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։