Հա

Համայնք

15/08/2018 - 14:50

Հայաստանի Հանրապետութեան 100-ամեակի Թեհրանի Կենտր. յանձնախմբի նախաձեռնութեամբ Թեհրանում կայացաւ «Հայոց տաժանքի ճամբաներով» գրքերի շնորհանդէսը

Հարիւրամեակի Թեհրանի Կենտր. յանձնախմբի նախաձեռնութեամբ երէկ, Ս. Թարգմանչաց եկեղեցու շրջափակում տեղի ունեցաւ «Հայոց տաժանքի ճամբաներով» երկհատորանոց գրքի շնորհանդէսը: Գրքերի հեղինակն է Տ. Յովհաննէս աւագ քհնյ. Հաճեանը:

«ԱԼԻՔ» - Հարիւրամեակի Թեհրանի Կենտր. յանձնախմբի նախաձեռնութեամբ երէկ, Ս. Թարգմանչաց եկեղեցու շրջափակում տեղի ունեցաւ «Հայոց տաժանքի ճամբաներով» երկհատորանոց գրքի շնորհանդէսը: Գրքերի հեղինակն է Տ. Յովհաննէս աւագ քհնյ. Հաճեանը:

Թ. Հ. Թ. Թեմական խորհրդի ատենապետ, Առաջին Հանրապերութեան 100-ամեակի Թեհրանի Կենտր. յանձնախմբի նախագահ՝ Ռոբերտ Բեգլարեանը, որպէս օրւայ բանախօս ելոյթ ունենալով, կարեւորեց նման հատորների հրատարակումը Հայաստանի Ա Հանրապետութեան հարիւրամեակին, որով հնարաւոր է ժողովրդի սեփականութիւնը համարւող պատմութիւնից նորովի դասեր քաղել: Նա բովանդակութեան մասին նշումներ կատարելով անդրադարձաւ հայ ժողովրդի պատմութեան, ի մասնաւորի միջնադարեան, համառօտ հանրագիտարանի դերում երեւացող հատորներին:

Սրբազան Հայրն իր օրհնանքի խօսքն ուղղելով ներկաներին, կարեւորեց «Հայոց տաժանքի ճամբաներով» գրքերի հրատարակման փաստը, միաժամանակ այն մեկնաբանելով որպէս հայ ժողովրդի պատմութեան ամփոփ պատկերը: «Սա մեր ժողովրդի ամփոփ պատմութիւնն է, բայց արժէքը նրա մէջ է, որ այդ պատմութիւնը տւեալ ժողովրդի կենսագրութիւնն է հանդիսանում. ի վերջոյ պատմութիւնն ինչ է, եթէ ոչ ժողովրդի ինքնակենսագրութիւնը»,- յաւելեց Սրբազան Հայրը:

Օրւայ հանդիսավար՝ Արտոյտ Զոհրաբեանը ներկայացնելով գրքի մասին կազմւած մի գրախօսական, անդրադարձաւ նաեւ հատորների մեկենասներին: Նա յաւելելով, որ հատորները լոյս են տեսել Հայաստանի Ա Հանրապետութեան անկախութեան եւ պետականութեան հաստատման հարիւրամեակի առիթով նշեց, որ հատորներից մէկը հրատարակւել է Տ. Սեպուհ արք. Սարգսեանի մեկենասութեամբ՝ Լիսբոնի տղաների յիշատակին, իսկ միւսը Հարմիկ Մահմուդեանի տրամադրած միջոցներով՝ իր վաղամեռիկ կնոջ՝ Ռիտա Իսաղուլեանի եւ իր ծնողների յիշատակին:

Ծրագրի գեղարւեստական բաժինը վստահւած էր Թենի եւ Թեմա Յակոբեաններին, որոնց կատարմամբ հնչեց «Երեւան դարձած» եւ «Հայաստան» համարները:

Յիշեցնենք, որ հասարակայնութեան հետ ձեռնարկին ներկայ էին Թ. Հ. Թ. Թեմական խորհրդի, ՊԺ-ի ներկայացուցիչները, ԻԻՀ-ում Հայաստանի Հանրապետութեան արտակարգ եւ լիազօր դեսպանը՝ դեսպանութեան անձնակազմի ընկերակցութեամբ, Թեհրանի հայոց թեմի առաջնորդական փոխանորդը, Հայ Կաթողիկէ համայնքի առաջնորդը, Աւետարանական եկեղեցու հոգեւոր առաջնորդները, ազգային մարմինների եւ միութիւնների ներկայացուցիչները:

Յարակից լուրեր

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ
    Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ

    Քրիստոսի Հրաշափառ Յարութեան խորհրդով մեզ շնորհւած նոր կեանքը պէտք է դարձնենք մեկնակէտ աստւածատուր կեանքի, որ է սիրոյ, զոհողութեան ու նւիրումի, բարեգործութեան ու խաղաղութեան կեանք, չարի վրայ տարւած յաղթական կեանք։ Չմոռանանք, որ Քրիստոս իր Յարութեամբ չարը խափանեց եւ բարի կեանքով մեզ արժանացրեց իր շնորհքին եւ օրհնութեան։

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թ. Հ. Թ. առաջնորդը շնորհաւորել է Բանակի օրը
    Թ. Հ. Թ. առաջնորդը շնորհաւորել է Բանակի օրը

    Թեհրանի հայոց թեմի առաջնոդը՝ Իրանի Իսլ. Հանրապետութեան Բանակի օրւայ կապակցութեամբ շնորհաւորական ուղերձ է յղել յեղափոխութեան առաջնորդ այաթ. Խամենէիին: Ուղերձում մասնաւորապէս նշւած է. «Մի երկրի եւ նրա ժողովրդի ապահովութեան, խաղաղ կեցութեան, անվտանգութեան երաշխիքը իր բանակն է, քաջ ու մարտունակ բանակը։

  • Կոչ մեր սիրելի ժողովրդին
    Կոչ մեր սիրելի ժողովրդին

    Տօնական այս օրերին, երբ Աւագ Շաբաթւայ խորհրդով ենք ապրում, կոչ եմ անում մեր ժողովրդի սիրելի զաւակներին, որ իրենց անվերապահ մասնակցութիւնը բերեն Իրանի տարբեր շրջաններում տեղի ունեցած աղէտի պատճառով տուն-տեղ կորցրած աղէտահարների համար ընթացքի մէջ եղող հանգանակութեան։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։