Հա

Համայնք

23/09/2018 - 10:00

Ողջոյնի խօսք տարրական դպրոցների աշակերտութեան

Սիրելի աշակերտ-աշակերտուհիներ,

Քրիստոնէական ու հայրական ջերմ սիրով ողջունում եմ ձեզ բոլորիդ, բարի գալուստ եմ մաղթում ձեզ ձեր դպրոցում, շնորհաւորում ու յաջողութիւն մաղթում բոլորիդ։

Սիրելի աշակերտ-աշակերտուհիներ,

Քրիստոնէական ու հայրական ջերմ սիրով ողջունում եմ ձեզ բոլորիդ, բարի գալուստ եմ մաղթում ձեզ ձեր դպրոցում, շնորհաւորում ու յաջողութիւն մաղթում բոլորիդ։

Ինչ լաւ է որ դպրոց էք եկել, որովհետեւ դպրոցը մեր երկրորդ տունն է, մեր հայրենիքն է, մեզ պաշտպանում ու դաստիարակում է, աւելին դպրոցը Ս. Մեսրոպ Մաշտոցի տունն է, Ս. Գրիգոր Լուսաւորչի հաւատքի բերդն է։

Դպրոցում սովորելու ենք մեր մայրենի լեզուն, այն լեզուն, որ Ս. Մեսրոպ Մաշտոցը մեզ համար ստեղծեց. սովորելու ենք մեր հաւատքն ու պատմութիւնը եւ դրանցով զօրացած կը լինենք ապագայ լաւ հայորդիներ։

Ժոցովուրդները գոյատեւում, երկար ու երկար են ապրում երբ հաւատարիմ են իրենց լեզւի, հաւատքի, ու պատմութեան։ Սրանք մեզ համար սրբութիւն են։ Ս. Գրիգոր Լուսաւորիչը մեզ ամրացրեց մեր հաւատքով.Ս. Մեսրոպ Մաշտոցը մեզ տւեց աշխարհում ամենաթանկը, մեր լեզուն, մեր Ա.Բ.Գ.-ն, որոնց շնորհիւ այսօր մենք ապրում եւ ստեղծագործում ենք։ Վարդան Մամիկոնեանն մեզ սովորեցրեց հաւատարմութիւն հայրենիքի եւ մեր հաւատքի նկատմեմբ եւ դրա համար մենք ասում ենք։

«Մենք քաջ Վարդանի թոռներն ենք հարազատ»

Գիտէք այս տարի Հայաստանի Ա Հանրապետութեան Անկախութեան եւ պետականութեան հաստատման հարիւրամեակն է. սա մեր պատմութիւնն է, պիտի սովորենք այս բոլորը, որպէսզի մեծանալիս տէր կանգնենք նրանց։

Սիրելի աշակերտ-աշակերտուհիներ,

Դպրոցական վերամուտի առիթով իմ հայրական թալադրանքն ու պատգամը ձեզի այս է, որ լինէք բարի եւ աշխատասէր աշակերտ-աշակերտուհիներ, սիրով եւ յարգանքով վարւէք միմեանց հետ եւ ուշադրութեամբ լսէք ձեր ուսուցիչների խօսքը, որովհետեւ նրանք սիրում են ձեզ եւ ուզում են որ դուք աշխարհի լաւագոյն աշակերտ-աշակերտուհիները լինէք։ Այս բոլորից վեր ամուր պահեցէք ձեր հաւատքն ու Աստծոյ խօսքը, որովհետեւ Դաւիթ մարգարէն ասում է։

«Խօսքդ ճրագ է քայլերիս, լուսաւորող ճամբաներիս». այո՛, Աստծոյ խօսքը կեանքի լոյս է, որ իմաստնացնում է պարզամիտների. Աստւածաշնչում կարդում ենք «Իմաստութեան աղբիւրը, բարձրեալ Աստծոյ խօսքն է, եւ նրա ճանապարները յաւիտենական պատգամներն են»։

Աստւածային լոյս ու առաջնորդութիւն եմ ցանկանում բոլորիդ։ 

ԱՂՕԹԱՐԱՐ՝ 

ՍԵՊՈՒՀ ԱՐՔ. ՍԱՐԳՍԵԱՆ

ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ 

23 սեպտեմբեր 2018  

Թեհրան

Յարակից լուրեր

  • Ներկայացուցչական ժողով ազգային առաջնորդարանում
    Ներկայացուցչական ժողով ազգային առաջնորդարանում

    Երկուշաբթի, 22 յուլիս 2019 թ.-ի առաւօտեան, հրաւէրովը թեմիս առաջնորդ գերշ. Տ. Սեպուհ Ս. արք. Սարգսեանի եւ կազմակերպութեամբ՝ Քրիստոնէական դաստիարակութեան գրասենեակի պատասխանատու տկն. Շաքէ Եղիայեանի, տեղի ունեցաւ Կրօնական խորհրդի, Քահանայից դասի եւ եկեղեցիների Եկեղեցական խորհուրդների ներկայացուցիչների ժողով։

  • Հոգեհանգստեան արարողութիւն
    Հոգեհանգստեան արարողութիւն

    Կիրակի, 21 յուլիս 2019-ի առաւօտեան, յաւարտ ս. եւ անմահ պատարագի, Ս. Սարգիս առաջնորդանիստ մայր եկեղեցում տեղի ունեցաւ յատուկ հոգեհանգստեան արարողութիւն, 2009 թւականի 15 յուլիսին Թեհրան-Երեւան օդանաւային դժբախտ արկածին զոհ գնացած անմեղ զոհերի հոգիների խաղաղութեան համար։

  • Ասիայի Եկեղեցիների խորհրդի Գործադիր վարչութեան ժողովին մասնակցում է Թեհրանի հայոց թեմի թեմակալ առաջնորդը
    Ասիայի Եկեղեցիների խորհրդի Գործադիր վարչութեան ժողովին մասնակցում է Թեհրանի հայոց թեմի թեմակալ առաջնորդը

    Ասիայի Եկեղեցիների խորհուրդը ընդգրկում է Ասիայի բոլոր եկեղեցիները, որոնք գործում են աւելի քան 22 երկրների մէջ, ներառեալ Իրանը։ Իրանի հայոց եկեղեցին, 2010 թւականի ապրիլից մաս է կազմում սոյն խորհրդին եւ իր գործօն մասնակցութիւնն է բերում նրա աշխատանքներին։ Յայտնենք, որ 2018-ի յուլիսին սոյն խորհրդի Գործադիր վարչութիւնը իր տարեկան ժողովը գումարեց Անթիլիասում, Ն.Ս.Օ.Տ.Տ. Արամ Ա կաթողիկոսի տնօրինութեամբ եւ հրաւէրով Թեհրանի հայոց թեմի առաջնորդ Տ. Սեպուհ արք. Սարգսեանի։ Սեպուհ արքեպիսկոպոսը 2010-ից սկսեալ Գործադիր վարչութեան անդամ է։

  • Հաղորդագրութիւն
    Հաղորդագրութիւն

    Այսու յայտնում ենք մեր ժողովրդի սիրելի զաւակներին, որ թեմիս առաջնորդ Տ. Սեպուհ արք. Սարգսեանն, այսօր, կիրակի, 14 յուլիս 2019-ի վաղ առաւօտեան ժամերին մեկնեց Կամբոջիա - Փնոմ Փէն, մասնակցելու Ասիայի Եկեղեցիների խորհրդի Գործադիր վարչութեան տարեկան հերթական ժողովին՝ 16-19 յուլիս 2019-ին:

  • Ուխտագնացութիւն դէպի Արաք
    Ուխտագնացութիւն դէպի Արաք

    Հայաստանեայց Առաքելական Ս. Եկեղեցւոյ մեծագոյն Սրբեր՝ Ս. Սահակ եւ Մեսրոպի տօնը, այս տարի կատարւեց թւականիս 11 եւ 12 յուլիս օրերի ընթացքին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։