Հա

Համայնք

27/10/2018 - 13:20

«Զարթօնք»-ն իր 30-ամեակի հետ միասին տօնեց Հայ Մշակոյթի օրը «Սիփան»-ում «Ոգու մարտակոչ»-ը «Սասունցիների» բեմում

Հինգշաբթի, հոկտ. 25-ին, Հ. Մ. «Սիփան» միութեան «Նորայր Էլսայեան» մարզադահլիճն հերթական անգամ ականատեսն եղաւ «Զարթօնք» պարախմբի «Ոգու մարտակոչ» խորեոգրաֆիկ ներկայացմանը գլխաւորութեամբ Լոռեթա Աւետիսեանի, պրոֆ. Կարէն Գէորգեանի բեմադրութեամբ:

«ԱԼԻՔ» - Հինգշաբթի, հոկտ. 25-ին, Հ. Մ. «Սիփան» միութեան «Նորայր Էլսայեան» մարզադահլիճն հերթական անգամ ականատեսն եղաւ «Զարթօնք» պարախմբի «Ոգու մարտակոչ» խորեոգրաֆիկ ներկայացմանը գլխաւորութեամբ Լոռեթա Աւետիսեանի, պրոֆ. Կարէն Գէորգեանի բեմադրութեամբ:

Տեւողութեամբ 50 րոպէ «Ոգու մարտակոչ» անունը կրող խորեոգրաֆիկ ներկայացումը պարային լուծումներով, ինչպէս նաեւ էկրանով ցուցադրւող պատկերների միջոցով հանդիսատեսին իր հետ տարաւ Հայոց աշխարհին պատած նախորդ հարիւրամեակի սկզբնական՝ Մեծ արհաւիրքին նախորդող ժամանակաշրջան, ապա Եղեռնին յաջորդած ժողովրդի զարթօնքի ու յանուն մշակոյթի պահպանմանն ու ազատ ապրելու իրաւունքի պայքարի շրջան:

«Զարթօնք» պարախմբի գեղարւեստական ղեկավար Լոռեթա Աւետիսեանը ներկայացման մասին մեզ յայտնեց, որ այն իրականացւում է «Զարթօնք» պարախմբի 30-ամեայ գործունէութեան ամեակը ծրագրերի շարանում եւ նւիրւած է Հայ Մշակոյթի օրւան, որտեղ փորձ է արւել ժողոովրդի գոյատեւման եւ պայքարունակութեան ոգու հիմքում տեսնել հէնց մշակոյթի հզօր ներկայութիւնը միաժամանակ ճանաչելով այն, որպէս ժողովրդի ինքնութեան իմաստաւորման գործօն:

Հանդիսատեսի շարքերում ներկայ էին Թ. Հ. Թ. եւ Հայ Կաթողիկէ համայնքի սրբազան հայրերը, Թեմական խորհրդից ու Պատգամաւորական ժողովից ներկայացուցիչներ, ինչպէս նաեւ անւանի արւեստագէտներ:

Ներկայացման աւարտին Թ. Հ. Թ. առաջնորդ Տ. Սեպուհ արք. Սարգսեանը իր օրհնանքն ուղղեց խմբին, կարեւորելով «Զարթօնք»-ում տղաների քանակի ու կատարողականութեան նախանձելի փաստը, նշելով, որ այն խօսում է պարախմբի վայելած հեղինակութեան մասին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։