Հա

Համայնք

29/01/2019 - 08:20

Մշակոյթի նախարարութեան մշակութային հարցերի տեղակալի այցն ազգային առաջնորդարան

Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ:

Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ: 

Պրն. Ջաւադիին ընկերակցում էին նոյն նախարարութեան կրօնական փոքրամասնութիւնների գրասենեակի պատասխանատուներ՝ դոկտ. Ալի Ֆերէյդունին, պրն. Ալի Ալիփուռը, պրն. Սաիդ Թաղաւին եւ օր. Մոբարհանը: 

Այցին ներկայ էին Թ.Հ.Թ. Թեմական խորհրդի ատենապետներ՝ պարոնայք Ռոբերտ Բեգլարեանը եւ Վարուժ Յովհաննիսեանը, նաեւ առաջնորդարանի դիւանապետ՝ պրն. Սերոժ Օհանեանը, առաջնորդի օգնական գերշ. Տ. Մեղրիկ Ս. եպս. Բարիքեանը եւ արժ. Տ. Սարգիս քհնյ. Խոսրովեանը: 

Հանդիպման ժամանակ գերշ. Տ. Սեպուհ Ս. արք. Սարգսեանն ողջունելով հիւրերին յայտնեց, որ այս երկրի քաղաքացիները ձեռք-ձեռքի տւած ոչ մի ճիգ ու ջանք չեն խնայում երկրի զարգացման համար: Ապա նշելով Վեհափառ Հայրապետի 2019-ը «Հայ մամուլի տարի» հռչակելը, շեշտեց՝ «Առաջին անգամ Միջին Արեւելքում տպագրութիւնը եղել է Սպահանում, 1638 թւին, հայ վարդապետ՝ Խաչատուր Կեսարացու միջոցով, ով տպեց Իրանի առաջին գիրքը»: 

Սրբազան Հայրը յաւելեց՝ «Ես ամէն տեղ ասել եմ եւ կասեմ, որ հայ ժողովուրդը Իրանի մէջ իրանցի հայ է եւ հայ իրանցի, այն ինչ անում է, ոչ թէ որպէս փոքրամասնութիւն է անում, այլ որպէս իրանցի»: Ապա նշեց, որ մենք Իրանում ոչ մի դժւարութեամբ տպում ենք Աստւածաշունչը, Նոր Կտակարանը եւ կրօնական գրքեր եւ կառավարութիւնը ոչ թէ արգելք չի հանդիսանում, այլ մեզ գնահատում է: 

«Հայ մամուլի տարւայ առիթով ծանր աշխատանք պէտք է տանենք եւ հայ մամուլը օգտակար պիտի լինի Իրանին ներկայացնլու օտար շրջանակներում» եզրակացրեց Սրբազան Հայրը: 

Մոհսէն Ջաւադին էլ իր հերթին նախ շնորհաւորեց Ամանորն ու Ս. Ծնունդը, շեշտեց՝ «Երկրի գիտական զարգացման մեծ բաժինը կապւած է իրանահայերի նեղութիւններին: Յոյսով այս եղբայրութիւնը եւ բարութիւնը կը շարունակւի ապագայում»: «Մենք պատրաստ ենք համագործակցել մամուլի տարւայ բոլոր ծրագրերին» եզրակացրեց պրն. Ջաւադին: 

Ազգային առաջնորդարանի Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։