Հա

Համայնք

30/01/2019 - 08:00

Ամանորեան այցելութիւններ ծերանոցներում

Հովանաւորութեամբ թեմիս բարեխնամ առաջնորդ՝ գերշ. Տ. Սեպուհ արք. Սարգսեանի եւ Թեհրանի հայոց թեմի Կրօնական խորհրդի Քրիստոնէական դաստիարակութեան յանձնախմբի նախաձեռնութեամբ, նաեւ Կարիքաւորներին օժանդակող մարմնի համագործակցութեամբ այս տարի եւս Ամանորի եւ Սուրբ Ծննդեան տօների առիթով, տեղի ունեցաւ այցելութիւն ծերանոց-հանգստեան տներում բնակւող հայ եւ քրիստոնեայ բնակիչներին: 

Հովանաւորութեամբ թեմիս բարեխնամ առաջնորդ՝ գերշ. Տ. Սեպուհ արք. Սարգսեանի եւ Թեհրանի հայոց թեմի Կրօնական խորհրդի Քրիստոնէական դաստիարակութեան յանձնախմբի նախաձեռնութեամբ, նաեւ Կարիքաւորներին օժանդակող մարմնի համագործակցութեամբ եւ ընկերակցութեամբ արժ. Տիարք Գրիգորիս եւ Արիստակէս քահանայ հայրերի, այս տարի եւս Ամանորի եւ Սուրբ Ծննդեան տօների առիթով, տեղի ունեցաւ այցելութիւն «Ռազի» եւ «Էհսան»  հոգեբուժական կենտոններ նաեւ «Քահրիզաք», «Օմիդ», «Խանէ Մոհաբաթ», «Սուրբ Մարիամ» եւ Ռուս ուղղափառ եկեղեղու ծերանոց-հանգստեան տներում բնակւող հայ եւ քրիստոնեայ բնակիչներին:

Քահանայ հայրերը նրանց համար տնօրհնեաց արարողութիւն կատարելով, մի անգամ եւս հոգեւոր եւ հոգեհարազատ մթնոլորտ ստեղծեցին։

Ապա ներկաները ստացան Կենսատու Սուրբ Հաղորդութիւն, որով Աստւածային շնորհներով լիցքաւորւելով իրենց սրտում եւ հոգում առաւել եւս վայելեցին Քրիստոսի ներկայութիւնը։

Կատարւած աշխատանքի մարմնաւորումն էր Տէրունի երանաւետ պատւիրանի՝ «Այցելիր հիւանդին ու կարօտեալին» (հմմ․ Մտթ. 25։31), որը պիտի դառնայ իւրաքանչիւր հայ քրիստոնիայի ապրելակերպը։

Այցելութիւնների ընթացքին Քրիստոնեայ բնակիչները, այցելու մարմինների ներկայացուցիչների կողմից ստացան նւէրներ, որոնք խանդավառեցին վերջիններին։

 

Թ. Հ. Թ. Կրօնական խորհրդի

Քրիստոնէական դաստիարակութեան յանձնախումբ

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։