Հա

Համայնք

06/02/2019 - 14:40

Յեղափոխութեան յաղթանակի 40-ամեակի առիթով Իսլ. մշակոյթի նախարարի հանդիպումը Իրանում կրօնական փոքրամասնութիւնների ներկայացուցիչների հետ

Իսլ. յեղափոխութեան յաղթանակի 40-րդ տարեդարձի ծրագրերի ու հանդիսութիւնների շարանում, երէկ փետրւարի 5-ին Իսլ. Մշակոյթի եւ առաջնորդութեան նախարարութեան նախաձեռնութեամբ կազմակերպւել էր հանդիպում, ընդունելութիւն Իրանում կրօնական փոքրամասնութիւնների հոգեւոր եւ աշխարհիկ ներկայացուցիչների հետ, ներկայութեամբ Իսլ. մշակոյթի եւ առաջնորդութեան նախարարի եւ պետական բարձրաստիճան հիւրերի:

«ԱԼԻՔ», Կ. Դ. - Իսլ. յեղափոխութեան յաղթանակի 40-րդ տարեդարձի ծրագրերի ու հանդիսութիւնների շարանում, երէկ փետրւարի 5-ին Իսլ. Մշակոյթի եւ առաջնորդութեան նախարարութեան նախաձեռնութեամբ կազմակերպւել էր հանդիպում, ընդունելութիւն Իրանում կրօնական փոքրամասնութիւնների հոգեւոր եւ աշխարհիկ ներկայացուցիչների հետ, ներկայութեամբ Իսլ. մշակոյթի եւ առաջնորդութեան նախարարի եւ պետական բարձրաստիճան հիւրերի:

Իրանի պետական հիմնով մեկնարկած միջոցառման հաղորդավարն էր Արտոյտ Զոհրաբեանը, ով կարեւորութեամբ անդրադարձաւ երկրում հրատարակչական աշխատանքների բնագաւառում Իրանում կրօնական փոքրամասնութիւնների ներկայութեանը եւ իւրայատուկ կարեւորութեամբ խօսեց 88-ամեայ «Ալիք»-ի մասին որպէս Իրանի 2-րդ օրաթերթ:

Միջոցառմանը նախարարութեան մշակութային աշխատանքների կազմակերպութիւնների եւ հաւաքականութիւնների հարցով գերատեսուչ Ալի Ֆերէյդունին շնորհաւորելով յեղափոխութեան յաղթանակի 40-ամեակը՝ իր ողջոյնի խօսքը փոխանցեց:

Հրաւիրւեցին արտայայտւելու Իսլ. խորհրդարանում հրեաների պատգամաւորը, ասորիների արեւելեան եկեղեցու հոգեւոր առաջնորդը, զրադաշտների մոգպետը, Իսլ. խորհրդարանում ասորիների պատգամաւորը, Իրանի տարւայ գրքի համաշխարհային մրցանակաբաշխութեան մրցանակակիրներից մէկը:

Թ. Հ. թեմից հրաւիրւեց իր խօսքը փոխանցելու Տ. Մեղրիկ եպս. Բարիքեանը, ով հայոց թեմի առաջնորդի կողմից նախարարին եւ ներկաներին շնորհաւորելով Իսլ. յեղափոխութեան յաղթանակի 40-րդ տարեդարձի առիթով, կարեւորութեամբ անդրադարձաւ Իսլ. յեղափոխութեան հիմնադիր առաջնորդ Էմամ Խոմէյնիի իւրայատկութիւններին, նշելով, որ նրա ղեկավարութեամբ արդիւնաւորւած յեղափոխութիւնը ոչ միայն մարդկային յեղափոխութիւն էր, այլ դաստիարակութիւն: Նա նշեց, որ մենք պատմութեանը նայում ենք սովորելու համար, որովհետեւ պատմութիւնը անցեալի չէ եւ անցեալ չի կարող լինել:

Եզրափակիչ ելոյթի համար հրաւիրւեց իր խօսքը փոխանցելու Իսլ. մշակոյթի եւ առաջնորդութեան նախարար դոկտ. Սէյէդ Աբբաս Սալեհին, որ կարեւորութեամբ անդրադարձաւ Իրանում բոլոր կրօնական փոքրամասնութիւնների եւ համայն Իրանի ժողովրդի միասնականութեանը որպէս իրանցիներ: Նա ընդգծեց, որ Իրանում կրօնների զանազանութեամբ հանդերձ բոլոր իրանցիներին միացնող ընդհանուր արժէքները, գաղափարները ու սովորութիւնները հիմքն են խաղաղ գոյակցութեան եւ այդպիսով բոլորս միասնաբար դիմակայում ենք մեր դէմ ծառացած զանազան սպառնալիքներին:

Հանդիսութեանը ներկայ էին, Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Իրանի հայ կաթողիկէ համայնքի հոգեւոր առաջնորդ Տ. Սարգիս եպս. Դաւիթեանը, Թ. Հ. Թ. Թեմական խորհրդի, «Ալիք» հաստատութեան, ազգային մարմինների ներկայացուցիչներ, հայ նահատակների եւ անձնուրացների ընտանիքներ, Իրանի պետական շրջանակների եւ կրօնական փոքրամասնութիւնների ներկայացուցիչներ:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։