Հա

Համայնք

20/02/2019 - 14:20

Իր աշխատանքներն սկսեց Հ.Մ.Ա.Կ.-ի 28-րդ Պատգամաւորական ժողովը

Երէկ երեկոյեան փետրւարի 19-ին, «Արարատ» մարզաւանի «Վաչիկ Ղարաբէգեան» սրահում կազմակերպութեան հիմնով կատարւեց Պատգամաւորական ժողովի պաշտօնական բացումը, որի ժամանակաւոր դիւանի ընտրութիւնից յետոյ, գործող Կենտրոնական վարչութեան նախագահ ճրտգ. Գէորգ Վարդանը համապարփակ զեկոյց ներկայացրեց կազմակերպութեան զանազան միութիւնների եւ մասնաճիւղերի ներքին եւ արտաքին մասշտաբով ծաւալած երկամեայ աշխատանքների մասին, ընդգծելով որ բոլոր աշխատանքների նպատակը մէկն է՝ հայեցի, ազգային ոգով դաստիարակել հայ նոր սերնդին, եւ միշտ վեր դասել ազգային շահերը:

«ԱԼԻՔ», Կ. Դ. - Երէկ երեկոյեան փետրւարի 19-ին, «Արարատ» մարզաւանի «Վաչիկ Ղարաբէգեան» սրահում կազմակերպութեան հիմնով կատարւեց Պատգամաւորական ժողովի պաշտօնական բացումը, որի ժամանակաւոր դիւանի ընտրութիւնից յետոյ, գործող Կենտրոնական վարչութեան նախագահ ճրտգ. Գէորգ Վարդանը համապարփակ զեկոյց ներկայացրեց կազմակերպութեան զանազան միութիւնների եւ մասնաճիւղերի ներքին եւ արտաքին մասշտաբով ծաւալած երկամեայ աշխատանքների մասին, ընդգծելով որ բոլոր աշխատանքների նպատակը մէկն է՝ հայեցի, ազգային ոգով դաստիարակել հայ նոր սերնդին, եւ միշտ վեր դասել ազգային շահերը: Նա իր երկամեայ զեկոյցի ընթացքում անդրադարձաւ կազմակերպութեան մարզական-մշակութային աշխատանքներին եւ երկրի մասշտաբում մարզական խմբերի յաջողութիւններին: Վարչութեան նախագահը իր ելոյթի ընթացքում ընդգծեց որ Հ.Մ.Ա.Կ.-ը մէկն է այն կառոյցներից, որի ծաւալած գործունէութեան դրական կամ բացասական ալիքները տարածում են գտնում համայնքի տարբեր շերտերի մօտ եւ թողնում իրենց երկարատեւ նստւածքը ընկերային կեանքի առօրեայում, այդ իսկ պատճառով Կենտրոնական վարչութիւնների երկամեայ գործունէութեան աւարտին, նրանք պարտաւորւած են զգում իրենց աշխատանքային տեղեկագրից քաղւածք-հատւածները ներկայացնել համայնքի առօրեան ղեկավարող ընտրանու խղճի ու մտքի արդար դատին:

Հրաւիրւեց իր խօսքը փոխանցելու ժողովին մասնակցելու նպատակով Լիբանանից այցելած ՀՄԸՄ-ի Կենտրոնական վարչութեան նախագահ Գառնիկ Մկրտչեանը, ով գնահատանքով արտայայտւեց Հ.Մ.Ա.Կ.-ի մասին, ըստ որի՝ կազմակերպութեան նպատակն է ծառայութիւն իր համայնքին, եւ ծառայութիւն այն բոլոր արժէքներին, որոնք հայութիւնն ու Հայաստանը կը նկատեն ամէն բանից վեր: Նա ընդգծեց՝ քանի որ արտագաղթը, տնտեսական եւ այլ հարցեր խիստ դժւարութիւններ եւ արտակարգ պայմաններ են ստեղծում, ուստի արտակարգ պայմանները պահանջում են արտակարգ լուծումներ եւ աւելացրեց, որ խոչընդոտները չեն տկարացնելու մեզ:

Լիբանանից հրաւիրւած «Համազգային»-ի Կենտրոնական վարչութեան նախագահ Մկրտիչ Մկրտչեանն էլ իր ելոյթի ընթացքում կարեւորելով սփիւռքեան պայմաններում հայապահպանման կարեւոր եւ դժւարին առաքելութեանը ընդգծեց, որ կարեւորը նպատակասլաց ծրագրով համահայկական հասարակութիւն պատրաստելն է եւ կարեւորութեամբ անդրադարձաւ Հայաստանի եւ Սփիւռքի միջեւ անկաշկանդ յարաբերութիւններ ձեւաւորելու եւ մշակութային արժէքների տարածման գործում:

Իրանում Հայաստանի Հանրապետութեան արտակարգ եւ լիազօր դեսպան Արտաշէս Թումանեանը անդրադարձաւ Հ.Մ.Ա.Կ.-ի ծաւալած աշխատանքներին եւ ընդգծեց, որ հրաշալի կառոյցը լուսաւոր կէտ է իր մարդկանցով եւ աւելացրեց, որ Հ.Մ.Ա.Կ.-ը իր անւանը արժանի կազմակերպութիւն է, որը կարեւոր դեր է խաղում համայնքի բոլոր աշխատանքներում:

Մեծի Տանն Կիլիկիոյ կաթողիկոսութեան Կենտրոնական վարչութեան քաղաքական ժողովի, նաեւ Հ.Մ.Ա.Կ.-ի բազմավաստակ անդամ Թովմաս Թովմասեանն իր ելոյթի ընթացքում նախ դիմեց ներկաներին՝ մէկ րոպէ լռութեամբ յարգել կազմակերպութեան հիմնադիր, նաեւ բոլոր հանգուցեալ անդամ-անդամուհիների յիշատակը: Նա իր յուշերի ներկայացման ընդմիջից նշեց, որ քաջութեամբ է պահւել այս կառոյցը եւ հասարակական գործի մէջ եթէ չլինի քաջութիւն, չի կարելի գործել, բայց գործել ենք, որովհետեւ համայնքն է մեր մէջքին կանգնած եղել եւ կանգնած է, որովհետեւ եղել է գաղափարական ուղղութիւն եւ եղել է Ազատ, Անկախ եւ Միացեալ Հայաստանի տեսլականը եւ հնարաւոր է եղել ժողովրդի լումաներով ստեղծել ու պահպանել այս կառոյցը:

«Ալիք» հաստատութեան ներկայացուցիչ Սուրիկ Աբնուսենանն իր ելոյթի ընթացքում, իր միութենական յուշերի ընդմիջից կարեւորեց կազմակերպութեան հզօրացման եւ աշխատանքների զարգացման համար առողջ քննադատութիւնների անհրաժեշտութիւնը եւ բեղուն աշխատանքների համար նշեց, որ Հ.Մ.Ա.Կ.-ը լինելով համայնքի ամենամեծ կազմակերպութիւնը, կամայ, թէ ակամայ, մեծ ազդեցութիւն է թողնում նոյն համայնքի վրայ:

Եզրափակիչ խօսքի համար հրաւիրւեց արտայայտւելու Թ. Հ. թեմի առաջնորդ Տ. Սեպուհ արք. Սարգսեանը, ով ընդգծեց, որ այսօր հաշւետւութեան օր է եւ կարեւորեց կազմակերպութեան իրագործումները յաւելելով, որ Կենտրոնական վարչութիւնները որպէս հաւատքով լցւածներ, փորձել են լոյսով առաջնորդւել եւ առաջնորդել ու այդ լոյսը ուրիշ բան չէ, եթէ ոչ գիտակցութիւնը իրենց առաքելութեան, յանձնառութիւնը եւ կառչւածութիւնը իրենց գործին եւ առաքելութեան: Սրբազան Հայրն ընդգծեց, որ երբ ապրում եւ գործում ենք, բացթողում ենք ունենում, բայց ամենից էականը այդ բացթողումի դիմաց անմիջականօրէն վերականգնւելը եւ գործին լծւելն է, առանց յուսահատութեան եւ յուսախաբութեան:

Բացման պաշտօնական հանդիսութեանը իրենց մասնակցութիւնն էին բերել ՀՀ դեսպանութեան անձնակազմի, ազգային մարմինների եւ Հ.Մ.Ա.Կ.-ի մասնաճիւղերի ներկայացուցիչներ եւ միութենականներ: Յատկանշական է, որ այսօրւանից իր բուն աշխատանքներն է սկսել Հ.Մ.Ա.Կ.-ի 28-րդ Պատգամաւորական ժողովը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։