Հա

Համայնք

07/03/2019 - 11:20

Քառասնօրեայ պահեցողութեան արարողութիւնները Թեհրանի հայոց եկեղեցիներում

Հայ եկեղեցու հայրապետների կողմից քառասնօրեայ պահեցողութիւնը բնորոշւել է որպէս «պարիսպ հզօր» եւ «դուռն ամուր», որի ընթացքին իւրաքանչիւր քրիստոնեայ անհատ ինքնաքննութեան եւ ինքնազրկումի ենթարկում է իր անձը, հոգեպէս կամրապնդւի, պատրաստ դիմաւորելու մեր Տիրոջ Յիսուս Քրիստոսի հրաշափառ Յարութեանը:

Հայ եկեղեցու հայրապետների կողմից քառասնօրեայ պահեցողութիւնը բնորոշւել է որպէս «պարիսպ հզօր» եւ «դուռն ամուր», որի ընթացքին իւրաքանչիւր քրիստոնեայ անհատ ինքնաքննութեան եւ ինքնազրկումի ենթարկում է իր անձը, հոգեպէս կամրապնդւի, պատրաստ դիմաւորելու մեր Տիրոջ Յիսուս Քրիստոսի հրաշափառ Յարութեանը: 

Մեծ Պահքի քառասնօրեայ այս ժամանակաշրջանը լաւագոյն առիթն է հոգեմտաւոր արժէքներով սնուցանելու մեր հոգիները եւ նոյն այս նպատակի համար է, որ մեր մարմինները կը տկարացնենք, որպէսզի հոգիները զօրանան: Այս մասին հայ եկեղեցու հայրերից Ս. Գրիգոր Տաթեւացին գրել է. «Հոգու սրբութեան համար արցունքը տաք ջուր է, ողորմութիւնը՝ օճառ եւ երբ նրանց հետ միացնենք պահեցողութիւնն ու աղօթքը, սրբած կը լինենք մեր բոլոր մեղքերը»: 

Եկեղեցու հայրերի հաստատած աւանդութեան համաձայն, քառասնօրեայ պահեցողութեան ընթացքին, եկեղեցին հոգեպարար արարողութիւնների մէջ, աղօթական կեանքով հաւատացեալ ժողովուրդը հոգեպէս կը սնւի: Հաւատարիմ մեր եկեղեցու հայրերի աւանդին, Պահքի ամէն չորեքշաբթի եւ ուրբաթ օրերին Արեւագալի, իսկ երեկոներին՝ Հսկումի եկեղեցական արարողութիւններ կը կատարւեն: 

Արդ՝ երեքշաբթի 5 մարտ 2019-ի առաւօտեան, Ս. Մինաս եկեղեցում, նախագահութեամբ թեմիս առաջնորդ՝ գերշ. Տ. Սեպուհ Ս. արք. Սարգսեանի կատարւեց 2019-ի առաջին Արեւագալի ժամերգութիւնը: Արարողութեան մասնակցում էին քաղաքիս քահանայ հայրերը: 

Յաւարտ ժամերգութեան, առաջնորդ Սրբազանն անդրադառնալով Մեծ Պահքի հոգեւոր իմաստին, ասաց՝ «Մեր եկեղեցու հայրերը Մեծ Պահքի այս շրջանը յատուկ կերպով նշանակել են, որպէսզի առիթ տրւի եկեղեցու հաւատացեալներին, պահեցողութեամբ եւ աղօթքով իրենց հոգին մաքրեն եւ իրենք իրենց մարմինը Աստծու Ս. Հոգու Տաճարի վերածեն»: «Մեծ Պահքի ապաշխարութեան այս շրջանը, եւ մարմնական եւ հոգեկան խոստովանանքի եւ մեղանչումից հեռանալու ամենագեղեցիկ ու պատեհ առիթն է մեզ համար» յաւելեց Սրբազան Հայրը: 

Միւս բաժնում նա շեշտեց՝ «Հաւատքը պէտք է ամրացնենք աղոթքով, ծոմապահութեամբ, որպէսզի կարողանանք ամուր հաւատքով շարունակենք մեր կեանքը»: «Մեծ Պահքի ընթացքին քրիստոնեան պիտի կարողանայ իր կեանքի ընթացքը դարձնել Աստւածահաճ»,- եզրակացրեց առաջնորդ Սրբազան Հայրը: 

Ազգային առաջնորդարանի Հանրային կապ

Յարակից լուրեր

  • Կրօնների երկխօսութեան կենտրոնից այցելեցին Սրբազան Հօրը
    Կրօնների երկխօսութեան կենտրոնից այցելեցին Սրբազան Հօրը

    Թեմիս առաջնորդ՝ գերշ. Տ. Սեպուհ Ս. արք. Սարգսեանի հիւանդանոց կեցութեան օրերին, երեքշաբթի հոկտեմբերի 8-ի երեկոյեան, իրեն այցելութեան եկան Կրօնների երկխօսութեան կենտրոնի տնօրէն՝ հոջ. Մահդի Թասխիրին, որին ընկերակցում էին տկն. Ռաշիդբէյգին, դոկտ. Մոզաֆարին եւ պրն. Ամերին:

  • Վրաց երէցական եկեղեցու Մալխազ եպիսկոպոսի այցը ազգային առաջնորդարան
    Վրաց երէցական եկեղեցու Մալխազ եպիսկոպոսի այցը ազգային առաջնորդարան

    Չորեքշաբթի, թւականիս 28 օգոստոսի կէսօրից յետոյ ժամը 13։00-ին Վրաց երէցական եկեղեցու Մալխազ եպիսկոպոսը, որը Իրանում հիւրն էր Իրանի հոգեւոր փաստագրական ֆիլմեր նկարահանող Սիդէ ընկրեութեան, այցելեց թեմիս բարեխնամ առաջնորդ Գերշ. Տ. Սեպուհ Ս. արք. Սարգսեանին։

  • Ծանօթացման հանդիպում Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով նոր պատասխանատուի հետ
    Ծանօթացման հանդիպում Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով նոր պատասխանատուի հետ

    Հովանաւորութեամբ թեմիս առաջնորդ՝ գերշ. Տ. Սեպուհ արք. Սարգսեանի եւ նախաձեռութեամբ եւ ներկայութեամբ  Թ. Հ. Թ. Թեմական խորհրդի, երեքշաբթի օգոստոսի 27-ին, ազգային առաջնորդարանի դահլիճում, ծանօթացման հանդիպում էր կազմակերպւել, Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով նոր պատասխանատու՝ պրն. Սէյէդ Մոջթաբա Միրդեհղանի հետ:

  • Ռուսաստանի Դաշնութեան դեսպանի այցը
    Ռուսաստանի Դաշնութեան դեսպանի այցը

    Երեքշաբթի, 27 օգոստոսի 2019 թ.-ի առաւօտեան, Իրանի Իսլամական Հանրապետութիւնում հաւատարմագրւած Ռուաստանի Դաշնութեան արտակարգ եւ լիազօր դեսպան՝ մեծարգոյ պրն. Լեւոն Ջաղարեանը, իր տիկինը՝ Անահիտ Ջաղարեանը, քաղաքավարական այցով հանդիպեցին թեմիս առաջնորդ՝ գերշ. Տ. Սեպուհ Ս. արք. Սարգսեանին:

  • Այցելութիւն ազգային առաջնորդարան
    Այցելութիւն ազգային առաջնորդարան

    Երեքշաբթի, թւականիս օգոստոսի 27-ին թեմիս առաջնորդ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց «Հայ կին» միութեան կից աշխատող «Անի» միութեան վարչութեան նորընտիր անդամուհիներին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։