Հա

Համայնք

19/03/2019 - 13:20

Սրբազան Հօր շնորհաւորանքը Նոռուզի առիթով

Շատ սիրելի հայրենակիցներ՝ քոյրեր, եղբայրներ

Մօտալուտ Նոր տարւայ - Նոռուզի - տօնի առիթով սրտանց շնորհաւորում եմ ձեզ եւ մաղթում բոլորիդ Աստծու օրհնութիւններով լեցուն կեանք։

Շատ սիրելի հայրենակիցներ՝ քոյրեր, եղբայրներ

Մօտալուտ Նոր տարւայ - Նոռուզի - տօնի առիթով սրտանց շնորհաւորում եմ ձեզ եւ մաղթում բոլորիդ Աստծու օրհնութիւններով լեցուն կեանք։

Նորն ու նորոգութիւնը մարդկային կեանքի գեղեցիկ եւ իմաստալից երեւոյթներից մէկն է։ Տօնական օրերի տօնակատարութիւնները մարդ արարածին մղում են մտածելու կեանքի հիմնական արժէքների մասին։

Նոռուզի խորհուրդը իր մէջ բովանդակում է նաեւ նոր կեանքի, նոր աշխատանքի ու մտածումների խորհուրդը։ Մարդկային կեանքը իր շարժուն եւ յարափոփոխ իրականութեամբ մարդ արարածին յաճախ անակնկալ մարտահրաւէրների առաջ է դնում։

Աստւածաստեղծ բնութիւնը ինք եւս ինքն իրեն վերանորոգելով նոր շունչ եւ ոգի է տարածում իր շրջապատում։ Մարդ արարածը նոր մտածումներով վերանորոգւում, նոր մարդ է դառնում։
Այսօրւայ աշխարհի անկայուն, տագնապներով լի վիճակը մեզ առաւել եւս մղում է հոգեւոր արժէքներով մեր կեանքը լիցքաւորելու հրամայականին։

Գերտէրութիւնների կամայականութիւններն ու մենատիրական, բռնատիրական երազանքները խաղաղասէր ժողովուրդների կեանքը անորոշութեան առաջ են դնում, սակայն իր առաքելութեան եւ կոչումի գիտակից ընկերութիւնը, ժողովուրդը փոթորիկների միջից յաղթական դուրս կը գայ։

Այս օրերին Իրանի Իսլամական Հանրապետութիւնը, իր կարգին, տնտեսական, ընկերային դժւարութիւնների միջից անցնում է։ Մենք հաւատում ենք, որ այդ դժւարութիւնները ժամանակաւոր են։ Իրանի քաջարի, հաւատացեալ ու իր հայրենիքին կապւած քաղաքացին, ապաւինած իր ուժի եւ միասնականութեան ու վստահած Աստծուն, վերանորոգւած հոգիով ու ոգիով պիտի շարունակէ իր ստեղծագործ կեանքը։

Այս խոհերով մի անգամ եւս շնորհաւորում եմ մեր սիրելի Իրանի ղեկավարութեան՝ հոգեւոր առաջնորդ Այաթոլլահ Ալի Խամէնէյին, Հանրապետութեան նախագահին եւ կառավարութեան, պետական այրերին եւ իրանցի մեր սիրելի քոյրերին ու եղբայրներին մաղթելով բոլորին առողջ ու արեւշատ կեանք պտղաբեր ծառայութեան ի խնդիր։

Շնորհաւոր Նոր տարի եւ առաւել բարգաւաճ կեանք ու պայծառ ապագայ յանուն խաղաղութեան ու ստեղծագործ կեանքի։

Լաւագոյն մաղթանքներով եւ օրհնութիւններով։

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

19 մարտ 2019 - Թեհրան

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։