Հա

Համայնք

14/04/2019 - 14:20

«Խաբար» հեռուստաալիքը «Նայիրի» միութիւնում. նպատակը՝ միութեան մարդասիրական նախաձեռնութեան լուսաբանումն էր

Այսօր`առաւօտեան, «Խաբար» հեռուստաալիքի լրագրողը եւ օպերատորը այցելել էին Հ. Մ. Մ. «Նայիրի» միութիւն: Առիթը միութեան նախաձեռնած, Իրանում ջրհեղեղից տուժած հայրենակիցներին օժանադկութիւն ցուցաբերելու միջոցառման լուսաբանումն էր:

«alikonline.ir» - Այսօր`առաւօտեան, «Խաբար» հեռուստաալիքի լրագրողը եւ օպերատորը այցելել էին Հ. Մ. Մ. «Նայիրի» միութիւն: Առիթը միութեան նախաձեռնած, Իրանում ջրհեղեղից տուժած հայրենակիցներին օժանադկութիւն ցուցաբերելու միջոցառման լուսաբանումն էր:

«Խաբար» հեռուստաալիքի լրագրողին եւ օպերատորին ողջունեցին միութեան վարչութեան նախագահ Ալֆրէդ Քեշիշեանը եւ վարչութեան անդամները, իսկ լրագրողն էլ իր հերթին ողջունելով Հ. Մ. Մ. «Նայիրի» միութեան նախաձեռնութիւնը նշեց. «Արեւմտեան լրատւամիջոցներն  Իրանի կառավարութեան ջանքերը, որոնք ուղղւած են աղէտի գօտու իրավիճակի կարգաւորման ներկայացնում են ձախողւած, սակայն, Իրանի քաղաքացիներն իրենց անմիջական օգնութիւններով շարունակում են ապացուցել, որ տուժածներին աջակցելը ոչ միայն կառավարութեան, այլ, նաեւ, երկրի բոլոր քաղաքացիների պարտականութիւնն է»:

Մեր հարցմանը թէ, որն է նախաձեռնութեան նպատակը Ալֆրէդ Քեշիշեանը պատասխանեց. «Նախաձեռնութիւնը նպատակ ունի օգնելու վերջին շաբաթների ընթացքում Իրանի տարբեր նահանգներում տեղի ունեցած ջրհեղեղից տուժած մեր հայրենակիցներին եւ ապահովելու իրանահայութեան դերակատարութիւնը մեր հայրենակիցներին օժանդակելու գործում»:

Ըստ նրա՝ նախաձեռնութիւնն ընդառաջում է գտել թեհրանահայութեան կողմից: Հաւաքւած գոյքերի թւում են առաջնային օգնութեան պարագաներ, սննդամթերք, տաք հագուստ, հանքային ջուր, հիգենայի պարագաներ եւ անհրաժեշտ այլ իրեր:

Նշենք որ, միջոցառումը շարունակւելու է մինչ վաղը՝ ապրիլի 15-ը: Ցանկացողները կարող են իրենց օգնութիւնները (սննդամթերք, տաք հագուստ, սպիտակեղէն, հիգենայի պարագաներ, հանքային ջուր եւ...) յանձնեն միութեանը, որոնք Իրանի Կարմիր մահիկ կազմակերպութեան միջոցով կը փոխանցւի ջրհեղեղից տուժած հայրենակիցներին:

Նիւթը՝ ՍԻՒՆԷ ՖԱՐՄԱՆԵԱՆԻ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։