Հա

Համայնք

20/04/2019 - 10:00

Յիշատակ տասն կուսանաց

Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

Ս. Սարգիս առաջնորդանիստ մայր եկեղեցում արարողութեան նախագահեց ու հանդիսապետեց թեմիս առաջնորդ գերշ. Տ. Սեպուհ Ս. արք. Սարգսեանը եւ յաւուր պատշաճի քարոզեց: Սրբոց Թարգմանչաց եկեղեցում՝ գերշ. Տ. Մեղրիկ Սրբ. եպս. Բարիքեանը եւ Ս. Գրիգոր Լուսաւորիչ եկեղեցում՝ հոգշ. Տ. Զարեհ վրդ. Սարգսեանը մասնակցեցին արարողութեան եւ օրւայ առիթով քարոզեցին:

Տասը կոյսերի յիշատակին նւիրւած այս օրւայ խորհուրդն իր անունը ստացած է Յիսուս Քրիստոսի խօսած առակից, որտեղ ներկայացնում էր մարդկային ընկերութիւնը կազմող երկու խմբերը, որոնք 10 կոյսերի թւով են հանդէս գալիս: Տասը թիւը խորհրդանշում է մարդկային ցեղի ամբողջութիւնը, որոնք երկուսի են բաժանւում՝ հինգը իմաստուն իսկ միւս հինգը՝ յիմար:

Յիմար եւ իմաստուն կոյսերի առակով Յիսուսը մեզ սովորեցնում է իմաստութեամբ, արթնութեամբ եւ զգաստութեամբ ապրել մեր երկրաւոր կեանքը, միշտ ակնկալութեամբ Քրիստոսի երկրորդ գալուստին, որովհետեւ ոչ ոք չգիտի ո՛չ օրը եւ ո'չ էլ ժամը: Դրա համար պէտք է լաւագոյն կերպով արժեւորենք թէ ժամանակը, թէ աստւածային շնորհքներն ու պարգեւները եւ թէ մեր փրկութեան համար մեզ ընձեռւած բոլոր առիթներն ու պատեհութիւնները:

Առաջնորդ Սրբազան Հայրը իր քարոզի ընթաքին մեծապէս գնահատեց ու քաջալերեց պարմանուհիներին, որոնք եկել էին մասնակից դառնալու օրւայ արարողութեան եւ հաղորդւելու խորհրդին: Նա ընդհանուր կէտերի մէջ խօսեց ու բացատրութիւն տւեց 10 կոյսերի առակից փոխանցւող հոգեւոր ու բարոյական ուսուցումների ու դասերի մասին, շեշտելով հաւատքի կեանք ապրելու գծով շարունակ արթուն, զգաստ ու պատրաստ լինելու:

Արարողութեան աւարտին բոլոր եկեղեցիներում մոմ պահող աղջիկներին տրւեց յիշատակի յատուկ նւէր:

Ազգային առաջնորդարանի Հանրային կապ

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։