Հա

Համայնք

23/05/2019 - 13:40

Պատգամաւորական ժողովը ընտրեց գործադիր նոր մարմիններ

Թ. Հ. Թ. 16-րդ Պատգամաւորական ժողովը սոյն թւականի ապրիլի 30-ին եւ մայիսի 1-ին իր  հերթական նիստերում ունկնդրեց շրջանաւարտ Թ. Հ. Թ. Թեմական խորհրդի, Կրօնական խորհրդի եւ Հաշւեքննիչ մարմնի աշխատանքային զեկոյցները եւ թէժ քննարկումների աւարտին ժողովի կողմից կեանքի կոչւած Բանաձեւային յանձնախումբը ի մի բերեց երկու խորհուրդների եւ մարմնի գործունէութեան շուրջ քննարկումները:

«ԱԼԻՔ», Կ. Դ. - Թ. Հ. Թ. 16-րդ Պատգամաւորական ժողովը սոյն թւականի ապրիլի 30-ին եւ մայիսի 1-ին իր  հերթական նիստերում ունկնդրեց շրջանաւարտ Թ. Հ. Թ. Թեմական խորհրդի, Կրօնական խորհրդի եւ Հաշւեքննիչ մարմնի աշխատանքային զեկոյցները եւ թէժ քննարկումների աւարտին ժողովի կողմից կեանքի կոչւած Բանաձեւային յանձնախումբը ի մի բերեց երկու խորհուրդների եւ մարմնի գործունէութեան շուրջ քննարկումները:

Երէկ՝ մայիսի 22-ի երեկոյեան, 33 պատգամաւորների մասնակցութեամբ Պատգամաւորական ժողովը առաջիկայ երկամեայ գործադիր աշխատանքների համար ընտրեց նորընտիր Թեմական խորհրդի 11, Կրօնական խորհրդի 7 եւ Հաշւեքննիչ մարմնի 9 անդամներին: Թ. Հ. թեմի առաջնորդ Տ. Սեպուհ արք. Սարգսեանի նախագահութեամբ, Ժոզէֆ Մեհրաբեանի ատենապետութեամբ եւ Ներքին գործերի նախարարութեան ներկայացուցիչ տկն. Սէյէդիի ներկայութեամբ, նախ պատգամաւորները երկու ցանկով ընտրեցին Թ. Հ. Թ. Թեմական խորհրդին, ապա միաձայնութեամբ ընտրեցին Հաշւեքննիչ մարմնին եւ Կրօնական խորհրդին: Իւրաքանչիւր ընտրութիւնից առաջ քւէախոյզ յանձնախումբը ընթերցում էր երկու խորհրդի եւ մէկ մարմնի համար առաջադրւած թեկնածուների հակիրճ կենսագրական տւեալները, որից յետոյ պատգամաւորները անցնում էին ընտրութեան:

Նշենք, որ նորընտիր մարմինների անձնակազմերի մասին շուտով ՊԺ-ը հանդէս է գալու առանձին՝ պաշտօնական հաղորդագրութեամբ:

Նորընտիր գործադիր մարմինների ցանկը պաշտօնապէս գրանցւելուց յետոյ, Ներքին գործերի նախարարութեան ներկայացուցիչը թողեց ժողովը եւ յայտարարւեց դադար:

Դադարից յետոյ, ժողովը ունկնդրեց Բանաձեւային յանձնախմբի կողմից Թեմական խորհրդի, Հաշւեքննիչ մարմնի եւ Կրօնական խորհրդի մասին ներկայացւած գնահատականները, ապա պատգամաւորների կողմից կատարւեց նկատառումներ եւ շտկումներ, որից յետոյ ժողովականները միաձայնութեամբ հաստատեցին Բանաձեւային յանձնախմբի ներկայացրած գնահատականները:

Աւարտին շրջանաւարտ Թեմական խորհրդի ատենապետ Ռոբերտ Բեգլարեանը իր շնորհակալական խօսքն ուղղեց թեմակալ առաջնորդին, ՊԺ-ին եւ խորհրդի անդամներին երկամեայ կտրւածքով ցուցաբերած համագործակցութեան համար: Կրօնական խորհրդի անունից Տ. Կոմիտաս աւ. քհնյ. Ղարախանեանը եւս իր շնորհակալութիւնը յայտնեց Թեմակալ առաջնորդին եւ Թեմական խորհրդին՝ կատարած աշխատանքների համար:

Յաջորդիւ, ՊԺ-ի ատենապետ Ժոզէֆ Մեհրաբեանը իր ելոյթի ընթացքում նշեց, որ պատգամաւորներին է ներկայացւել առաջիկայ ծրագրերի փաթեթ-առաջարկները, որը պատգամաւորների քննարկումներից եւ ներկայացւող առաջարկութիւններից յետոյ եւ ՊԺ-ի նիստում քննարկւելով, յանձնւելու է նորընտիր Թեմական խորհրդին, որպէսզի այդ լոյսի տակ առաջիկայ Թեմական խորհուրդը ներկայացնի իր երկամեայ ծրագիրը: Նա իր շնորհակալութիւնը յայտնեց շրջանաւարտ Թեմական խորհրդին, որ տարբեր հարցերի առումով միշտ խորհրդակցել է ՊԺ-ի հետ: Ատենապետը նաեւ ցաւով անդրադարձաւ, որ, դժբախտաբար, եղել են պարագաներ, որ ՊԺ-ի եւ Թեմական խորհրդի հաստատած որոշ ծրագրեր ցաւօք չեն իրագործւել: Ուստի, անհրաժեշտ է բոլոր ենթակառոյցները աշխատեն նոյն որոշումների իրագործման ուղղութեամբ:

Վերջում եզրափակիչ խօսքով հանդէս եկաւ Սրբազան Հայրը եւ կարեւորութեամբ անդրադարձաւ առգոյ տնտեսական տագնապին, ընդգծելով, որ երբ մենք հիմնականօրէն մեր կեանքը վերատեսութեան ենթարկենք, կը կարողանանք լուծել դժւարութիւնները: Սրբազան Հայրը անհրաժեշտ համարեց բոլոր բնագաւառներում, դա լինի կրթական, հասարակական, թէ՝ ազգային, վերատեսութեան անհրաժեշտութիւնը եւ ժողովրդին կոչ ուղղեց հրաժարւել անտեղի եւ շռայլութեան գնացող ոչ-կարեւոր ծախսերից, ընդգծելով, որ անհրաժեշտ է արմատական ուսումնասիրութիւն՝ արմատական փոփոխութեան համար: Թեմակալ առաջնորդը կարեւորեց դժւարութիւնների կարգաւորման համար համագործակցութիւնը եւ համախորհուրդ աշխատանքը:

Յարակից լուրեր

  • Հաղորդագրութիւն
    Հաղորդագրութիւն

    Առ ի գիտութիւն յայտնում ենք, Թեհրանի թեմի մեր սիրելի ժողովրդի զաւակներին, որ հրաւէրով թեմիս առաջնորդ գերշ. Տ. Սեպուհ Ս. արք. Սարգսեանի եւ ներկայութեամբ Պատգամաւորական ժողովի դիւանի ամբողջական կազմի, Պատգամաւորական ժողովի կողմից ընտրւած թեմիս գործադիր իշխանութեան կազմերը՝ Կրօնական, Թեմական խորհուրդներն ու Հաշւեքննիչ մարմինը իրենց անդրանիկ նիստերը առանձնաբար գումարեցին 2019 թւականի  մայիսի 29-ին, ազգային առաջնորդարանում եւ ընտրեցին իրենց դիւանները հետեւեալ կազմերով.-

  • Թեհրանի հայոց թեմի Պատգամաւորական ժողովի (16-րդ շրջան) հաղորդագրութիւն
    Թեհրանի հայոց թեմի Պատգամաւորական ժողովի (16-րդ շրջան) հաղորդագրութիւն

    Ս. թ. չորեքշաբթի, մայիսի 22-ին, Թ. Հ. Թ. Պատգամաւորական ժողովը նախագահութեամբ հայոց թեմի առաջնորդ Տ. Սեպուհ արք. Սարգսեանի, ատենապետութեամբ Ժոզէֆ Մեհրաբեանի եւ Ներքին գործերի նախարարութեան կողմից լիազօրւած տկն. Սէյէդիի ներկայութեամբ, կայացրեց Կրօնական, Թեմական խորհուրդների եւ ապա Հաշւեքննիչ մարմնի ընտրութիւնները, որոնց արդիւնքում՝ առաջիկայ երկու տարիների համար թեմի բարձրագոյն գործադիր մարմիններն ընտրւեցին հետեւեալ անձնակազմերով.

  • Թ. Հ. Թ. Պատգամաւորական ժողովը ունկնդրեց շրջանաւարտ Թեմական խորհրդին, Կրօնական խորհրդին եւ Հաշւեքննիչ մարմնին
    Թ. Հ. Թ. Պատգամաւորական ժողովը ունկնդրեց շրջանաւարտ Թեմական խորհրդին, Կրօնական խորհրդին եւ Հաշւեքննիչ մարմնին

    Թւականիս ապրիլի 30-ից մեկնարկել է Թ. Հ. Թ. Պատգամաւորական ժողովի 16-րդ շրջանի հերթական նիստը, որը շարունակւեց նաեւ երէկ մայիսի 1-ին մինչեւ ուշ երեկոյ:

    Այս անգամ Պ. Ժ.-ի նիստերը՝ իրենց բնոյթով, տարբերւում էին նախորդներից, քանզի գործող Թ. Հ. Թ. Թեմական խորհուրդը, Կրօնական խորհուրդը եւ Հաշւեքննիչ մարմինը աւարտում էին իրենց երկամեայ աշխատանքային շրջանը եւ համայնքը օժտւելու է նորընտիր գործադիր իշխանութեամբ:

  • Պատգամաւորական ժողովի 2018-ի վերջին նիստը՝ համայնքային հարցերի քննարկում եւ կանոնագրի երկու կէտերի բարեփոխում
    Պատգամաւորական ժողովի 2018-ի վերջին նիստը՝ համայնքային հարցերի քննարկում եւ կանոնագրի երկու կէտերի բարեփոխում

    16-րդ շրջանի Պատգամաւորական ժողովի հերթական նիստը 32 պատգամաւորների վաւերական ձայնով, որը ընթացքում աճ արձանագրեց, կայացաւ երէկ երեկոյեան դեկտ. 18-ին ազգային առաջնորդարանի դահլիճում:

  • Հանդիպումները կայացան. այժմ խօսքերը գործնականացնելու ժամանակն է...
    Հանդիպումները կայացան. այժմ խօսքերը գործնականացնելու ժամանակն է...

    Յարգելի ընթերցող, ինչպէս անցնող շաբաթւայ ընթացքում մեր թղթակցութիւնների ընդմիջից ներկայացրինք, կայացան թեհրանահայ համայնքի եռեակ հայաշատ քաղաքամասերի քաղաքացիների հետ Թեհրանի հայոց թեմի Պատգամաւորական ժողովի եւ Թեմական խորհրդի միջեւ անմիջական հանդիպում-քննարկումները:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։