Հա

Համայնք

11/07/2019 - 12:40

Հայ Հասարակական միութեան Արտակարգ իրավիճակի շտաբի պատասխանատու` պրն. Նորայր Արամեանի զեկոյցը Հայ ակումբի աշխատանքների կապակցութեամբ

Սրանից շուրջ 4 տարի առաջ Հայ Հասարակական միութեան շէնքի հիմնական բաժինը փլուզւեց յարակից բազմայարկ աւտոկանգառի շինարարաութեան ընթացքին եւ միութիւնը պարտադրւած դադարեց իր աշխատանքը:

Սրանից շուրջ 4 տարի առաջ Հայ Հասարակական միութեան շէնքի հիմնական բաժինը փլուզւեց յարակից բազմայարկ աւտոկանգառի շինարարաութեան ընթացքին եւ միութիւնը պարտադրւած դադարեց իր աշխատանքը: Նոյն օրւանից ի վեր օրւայ վարչութիւնը, միութեան արտահերթ ընդհանուր ժողովին կեանքի կոչւած Արտակարգ իրավիճակի շտաբը, ճիգ ու ջանք գործադրելուց յետոյ յաջողեց համաձայնութեան գալ բազմայարկ աւտոկանգառի սեփականատիրոջ հետ: Համաձայնութեան արդիւնքում վերջինս խոստացաւ վերակառուցել ակումբը, սակայն հաւատարիմ չմնալով համաձայնագրին պրոցեսի կէսին դադարեց աշխատանքը եւ կրկին երկար բանակցութիւններից յետոյ համաձայնւեց վճարի միութեանս կողմից ներկայացրած շինարարական ծախսերը պայմանով ակումբը շարունակի ֆիզիկալ աշխատանքը. Այդ հիմամբ ակումբը շարունակեց վերանորոգումը իր իսկ միջոցներով, սակայն բազմայարկ կանգառի սեփականատէրը մինչ այս պահ ոչ միայն չի արձագանգել ակումբիս բազմիցս ներկայացրած ծախսերի հաշւեցոյցերին այլ եւ չի մասնակցել նշանակաւած հանդիպումներին:

Առ այդ նկատի առնելով միութեան նիւթական ռեսուրսների սահմանափակ լինելը, ներկայ փուլում շինարարական աշխատանքների նախապատւութիւնը տրւել է աւարտել Հարսանեաց սրահը եւ խոհանոցը, որպէսզի համայնքի համար յոյժ կարեւոր խնդիրը, այսինքն ակումբի հարսանեաց սրահի աշխատանքների մեկնարկը իրականանայ: Ներկայ պայմաններում մօաւորապէս աւարտւել է հարսանեաց սրահի եւ խոհանոցի աշխատանքները, ինչու չէ նաեւ գրասենեակային բաժինը, որտեղ աշխատում են պաշտօնեաները, առ այդ ուրախութեամբ յայտնում ենք, որ միութիւնը թւականիս յուլիսի 15-ից պաշտօնապէս պատրաստ է ընդունել հարսանիքների դիմորդներին:

Ներկայում աշխատանք է տարւում փոքր սրահում, ճաշարանում եւ բակում, որոնց աշխատանքի շարունակականութիւնը ապահովելու համար անհրաժեշտ է հայթհայթել գումար հետեւաբար վարչութիւնը շինարարական աշխատանքներին զուգահեռ փորձում է գտնել ելք, միգուցէ եւ հրաւիրել բարերարների օժանդակելու 100-ամեայ պատմութիւն ունեցող միութեանը, վերստին վերականգնելու եւ ծառայեցնելու համայնքին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։