Հա

Մշակոյթ

Չորեքշաբթի, 27 Յուլիսի 2016 10:20

Բռնաճնշումներն ու փախուստը՝ պատմական շրջափուլի մաս

«Ոսկէ ծիրան» միջազգային կինոփառատօնի Երեւանեան պրեմիերային ցուցադրւեց հայկական ծագումով թուրք ռեժիսոր եւ սցենարիստ Օզջան Ալփերի «Քամու յուշեր» (2015 թ.) ֆիլմը:
Ֆիլմը նկարիչ եւ լրագրող Արամի մասին է, ով Երկրորդ Աշխարհամարտի ժամանակ քաղաքական պատճառներով ստիպւած է փախչել Ստամբուլի իր խմբագրութիւնից՝ կեանքը փրկելու համար:

Օզջան Ալփերին ներկայ էր իր «Քամու յուշեր» ֆիլմի երեւանեան պրեմիերային

 

«tert.am» - «Ոսկէ ծիրան» միջազգային կինոփառատօնի Երեւանեան պրեմիերային ցուցադրւեց հայկական ծագումով թուրք ռեժիսոր եւ սցենարիստ Օզջան Ալփերի «Քամու յուշեր» (2015 թ.) ֆիլմը:
Ֆիլմը նկարիչ եւ լրագրող Արամի մասին է, ով Երկրորդ Աշխարհամարտի ժամանակ քաղաքական պատճառներով ստիպւած է փախչել Ստամբուլի իր խմբագրութիւնից՝ կեանքը փրկելու համար: Խորհրդային Վրաստանի սահմանին՝ Սեւ ծովին սահմանակից անտառային գիւղերից մէկում հանգրւանած Արամի համար այս փախուստը վերածւում է 1915 թ.-ի ջարդերին մանկութեան կորած ժամանակի հետքերի որոնման:
Ռեժիսորը ֆիլմը նւիրել էր «ի յիշատակ՝ բոլոր մեռնողների, փրկւողների ու անշիրիմների»:
Ֆիլմի Երեւանեան պրեմիերայից յետոյ ռեժիսորը հանդիսատեսի հետ հարցուպատասխանի ժամանակ նշեց, թէ ինքը որպէս ռեժիսոր բարձրաձայնում է մինչ օրս շարունակւող բռնաճնշումների ու հետապնդումների շրջափուլի մասին, որի պատճառով մարդիկ ստիպւած են փախչել իրենց ծննդավայրից եւ շատ դէպքերում մեռնել՝ մնալով անշիրիմ:
«Տարբեր երկրներում բռնատիրութիւնը շարունակւում է եւ մարդիկ, որոնք ժողովրդավարութեան կող քին են, թերեւս ստիպւած են փախչել իրենց ծննդավայրից ու բնակավայրերից, որտեղ ապրում են: Մինչ օրս Թուրքիայում նոյն խնդիրները շարունակւում է»,- ասաց նա:
Ռեժիսորը Սիրիայի գաղթականների հարցը համեմատեց հայերի պատմութեան հետ եւ նշեց՝ քաղաքակիրթ աշխարհն այդպէս էլ չի կարողանում խնդրին լուծում գտնել: «Ինչպէս 1915 թ.-ի հայերի տեղահանութիւնից յետոյ, այնպէս էլ հիմա աշխարհը, մասնաւորապէս՝ Եւրոպան, արդէն Եւրոխորհուրդը, խնդրի լուծումը տեսնում է ֆինանսական փոխհատուցման ձեւով: Եւրոպան այսօր Թուրքիային գումար է յատկացնում սիրիացի գաղթականներին օգնելու համար: Դա նշանակում է, որ մարդկութիւնը, դժբախտաբար, չի կարողացել գտնել այդ խնդիրները լուծելու տարբերակը, եւ մենք՝ որպէս ռեժիսորներ, թերեւս նման ֆիլմերով ենք փորձում այս խնդրի վրայ ուշադրութիւն սեւեռել»,- ասաց նա:
Հանդիսատեսներից մէկը ֆիլմի հերոսի եւ հայ գրող, թարգմանիչ, հրապարակագիր Զապէլ Եսայեանի միջեւ նմանութիւն տեսնելով՝ հարցրեց, թէ ռեժիսորը գուցէ զուգահեռներ է տեսել հերոսի եւ հայ գրողի միջեւ, ով ցեղասպանութիւն էր տեսել, ապա տեղափոխւել Խորհրդային Հայաստան եւ ստալինեան բռնապետութեան տարիներին ձերբակալւել: Զապէլ Եսայեանի կեանքի ողբերգական մահւան հանգամանքները մինչ այժմ անյայտ են:
Ռեժիսորը նշեց, որ ֆիլմում հերոսի կերպարը յօրինւած է, բայց վերցւած ինչպէս Զապէլ Եսայեանի, այնպէս էլ շատ այլ մտաւորականների կեանքից: «Իրականութեան մէջ այո՛, կապ ունեն իրար հետ, այլ հեղինակներ եւս Զապէլի հետ կան, այնպէս որ բոլորի կեանքը ինչ-որ տեղ շաղկապւած է ճակատագրի առումով: Իհարկէ, կերպարը իրական չէ, կառուցւած է, բայց պատմական իրողութիւնների հիման վրայ է»,- ասաց նա:
Նշենք, որ ֆիլմն արդէն իսկ արժանացել է մի շարք մրցանակների՝ լաւագոյն օպերատորական աշխատանք, լաւագոյն երաժշտութիւն, Անթալիայի «Ոսկէ նարինջ» ԿՓ, Համբուրգի պրոդիւսերների մրցանակ, Համբուրգի ԿՓ Լաւագոյն օպերատորական աշխատանք, Թուրք կինոքննադատների ընկերակցութեան (SIYAD) մրցանակ, Լաւագոյն ֆիլմ, Մոնրէալի թուրքական ԿՓ:

Յարակից Հրապարակումներ

  • Շարմազանով. «Հայաստանը կարող է երկխօսութեան կամուրջ դառնալ ԵՄ-ի եւ ԵԱՏՄ-ի միջեւ»
    Շարմազանով. «Հայաստանը կարող է երկխօսութեան կամուրջ դառնալ ԵՄ-ի եւ ԵԱՏՄ-ի միջեւ»

    Հայաստանի եւ Եւրոպական Միութեան միջեւ համապարփակ եւ ընդլայնւած համագործակցութեան համաձայնագրի ստորագրումը որեւէ կերպ չի խանգարի հայ-ռուսական դաշնակցային յարաբերութիւններին: Եւրոմիութեան հետ ստորագրւելիք համաձայնագրով Հայաստանը իրականացնելու է ինստիտուցիոնալ բարէփոխումներ մարդու իրաւունքների, ժողովրդավարութեան, հումանիտար, արդարադատութեան եւ այլ ոլորտներում, իսկ Ռուսաստանը Հայաստանի առանցքային գործընկերն է, որի հետ յարաբերութիւնները դինամիկ զարգանում են: 

  • «Deutsche Welle». «Նոյեմբերի 24-ին Երեւանին եւ Բրիւսէլին ոչինչ չի խոչընդոտի»
    «Deutsche Welle». «Նոյեմբերի 24-ին Երեւանին եւ Բրիւսէլին ոչինչ չի խոչընդոտի»

    Հայաստանը եւ Եւրոմիութիւնը պատրաստ են ստորագրել համապարփակ եւ ընդլայնւած համագործակցութեան վերաբերեալ շրջանակային համաձայնագիր: Փորձագէտները ենթադրում են, որ նոյեմբերի 24-ին Արեւելեան գործընկերութեան  գագաթաժողովի ժամանակ ոչինչ չի խոչընդոտի Երեւանին եւ Բրիւսէլին մերձենալու համար։ 

  • Ռուբէն Սաֆրաստեան. «Սիրիայի շուրջ զարգացումները մտել են նոր փուլ»
    Ռուբէն Սաֆրաստեան. «Սիրիայի շուրջ զարգացումները մտել են նոր փուլ»

    Հայաստանում Լրագրողների հետ զրոյցում  Արեւելագիտութեան ինստիտուտի տնօրէն, թուրքագետ Ռուբէն Սաֆրաստեանն անդրադարձել է Սիրիայի շուրջ տեղի ունեցող զարգացումներին:

    Նրա կարծիքով` Սիրիայի շուրջ զարգացումները մտել են նոր փուլ` յետպատերազմեան, խաղաղ փուլ: Նա միեւնոյն ժամանակ նշեց, որ դեռ վաղ է կանխատեսւոմներ անել, արդեօ՞ք խաղաղ կարգաւորման գործընթացը յաջողութեամբ կաւարտւի, թէ ոչ, բայց ըստ նրա, ամէն դէպքում յոյսեր կան:

  • Կարէն Կարապետեանն ընդունել է ԻԻՀ նաւթի նախարարի տեղակալ, գազի ազգային ընկերութեան կառավարող տնօրէն Համիդ Ռեզա Արաղիին
    Կարէն Կարապետեանն ընդունել է ԻԻՀ նաւթի նախարարի տեղակալ, գազի ազգային ընկերութեան կառավարող տնօրէն Համիդ Ռեզա Արաղիին

    Վարչապետ Կարէն Կարապետեանն ընդունել է Իրանի Իսլամական Հանրապետութեան նավթի նախարարի տեղակալ, գազի ազգային ընկերութեան կառավարող տնօրէն Համիդ Ռեզա Արաղիին: Հանդիպմանը ներկայ է գտնւել նաեւ Հայաստանում ԻԻՀ արտակարգ եւ լիազօր դեսպան Սէյէդ Քազեմ Սաջջադին:

  • Ալեքսանդր Իսկանդարեան. «ԼՂ հարցով կտրուկ փոփոխութիւններ հնարաւոր չեն, որովհետեւ ռեալ գործընկեր չկայ»
    Ալեքսանդր Իսկանդարեան. «ԼՂ հարցով կտրուկ փոփոխութիւններ հնարաւոր չեն, որովհետեւ ռեալ գործընկեր չկայ»

    ՌԴ արտաքին գործերի նախարար Սերգէյ Լաւրովի՝ Հայաստան կատարած այցում արտառոց ոչինչ չկայ: Նոյեմբերի 22-ին լրագրողների հետ հանդիպմանը նման տեսակէտ յայտնեց քաղաքագէտ Ալեքսանդր Իսկանդարեանը: Նա նշեց, որ ՌԴ ԱԳ նախարարի այցը թէպետ ձեւակերպւած էր որպէս՝ դիւանագիտական յարաբերութիւնների հաստատման 25-ամեակին նւիրւած այց, բայց հասկանալի է, որ երբ այցեր են լինում Բաքու եւ Երեւան, նշանակում է՝ նպատակը նաեւ, եթէ չասենք՝ հիմնականում, ԼՂ հարցի քննարկումն է:

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։