Հա

Մշակոյթ

24/08/2016 - 10:00

«Սօսէ» միջազգային կինոփառատօնի այս տարւայ թեման կինն է

Արդէն 3-րդ անգամ անցկացւող «Սօսէ» միջազգային կինոփառատօնն այս տարի կինոսէրներին կը հիւրընկալւի սեպտեմբերի 23-ից 30-ը:
Ինչպէս «Արմէնպրես»-ին տեղեկացրին փառատօնի լրատւական ծառայութիւնից, «Զիս» մշակոյթի կենտրոնի նախաձեռնած կինոփառատօնը Հայաստան կը բերի խաղարկային, փաստագրական, վաւերագրական, լիամետրաժ եւ կարճամետրաժ լաւագոյն ֆիլմերը, որոնց թեման կինն է:

«armenpress.am» - Արդէն 3-րդ անգամ անցկացւող «Սօսէ» միջազգային կինոփառատօնն այս տարի կինոսէրներին կը հիւրընկալւի սեպտեմբերի 23-ից 30-ը:
Ինչպէս «Արմէնպրես»-ին տեղեկացրին փառատօնի լրատւական ծառայութիւնից, «Զիս» մշակոյթի կենտրոնի նախաձեռնած կինոփառատօնը Հայաստան կը բերի խաղարկային, փաստագրական, վաւերագրական, լիամետրաժ եւ կարճամետրաժ լաւագոյն ֆիլմերը, որոնց թեման կինն է: Մրցութային ծրագրին մասնակցող ֆիլմերով հեղինակները խօսելու են կնոջ արժանիքների, խնդիրների, իրաւունքների, նւաճումների, կարողութիւնների եւ առհասարակ ընտանիքում եւ հասարակութեան մէջ նրա դերակատարման մասին:
«Սօսէ 2016»-ը, բացի հիմնական մրցութային ծրագրից, իրականացնում է եւս երկուսը՝ «Յատուկ» եւ «Ուսանողական», որոնց նպատակը տարածաշրջանում ֆիլմարտադրութեան զարգացումն է:
«Յատուկ» մրցութային ծրագիրն ամէն տարի բարձրացնում է տւեալ պահին արդիական որեւէ թեմա: Այս ծրագրում կարեւորւում է իւրաքանչիւր ստեղծագործողի անհատական մօտեցումը եւ արւեստի միջոցով այդ թեմայի մասին խօսելու ունակութիւնը: Այս տարի «Յատուկ» ծրագրի թեմաները երկուսն են՝ «Անկախութիւն»՝ նւիրւած ՀՀ Անկախութեան 25-ամեակին, եւ «H2O»՝ նւիրւած ջրին:
«Ուսանողական» մրցութային ծրագրում ներկայացւում են կինեմատոգրաֆիայում առաջին քայլերն անող ուսանող ստեղծագործողների ֆիլմերը: Որպէս խրախուսական մրցանակ՝ փառատօնը կը վճարի տւեալ մրցութային ծրագրում յաղթող ֆիլմի ուսանող-ռեժիսորի մէկ տարւայ ուսման վարձը:
«Սօսէ» կինոփառատօնի այս տարւայ նորութիւններից մէկն էլ «Կիսւի՜ր մտայղացմամբ» ծրագիրն է: Կը ստեղծւի մի ցանց, որին կարող են միանալ ֆիլմարտադրութեան ոլորտի ներկայացուցիչներն ու համատեղ աշխատել: Ծրագիրն էքսպերիմենտալ բնոյթ է կրում եւ իրականացւելու է ամբողջ տարւայ ընթացքում:
Կինոփառատօնի օրերին, ֆիլմերի դիտումներին զուգահեռ, կազմակերպւելու են վարպետութեան դասեր, «ֆիլմ-ակումբ» ձեւաչափով քննարկումներ՝ ժիւրիի անդամների եւ հիւրերի մասնակցութեամբ: Քննարկումները բաց են նաեւ ֆիլմարտադրութեան ոլորտի մասնագէտների եւ պարզապէս կինոսէրների համար:

Յարակից լուրեր

  • «Հրապարակ». «ՀԱՊԿ-ում ձախողումները փորձում են բարդել Շաւարշ Քոչարեանի վրայ»
    «Հրապարակ». «ՀԱՊԿ-ում ձախողումները փորձում են բարդել Շաւարշ Քոչարեանի վրայ»

    «Հրապարակ»-ը գրում է. «Իշխանութիւններին հեշտ ժամանակներ չեն սպասւում. բացի նախընտրական թոհուբուհից, դեկտեմբերի 9-ի նախօրեակին՝ դեկտեմբերի 6-ին, ԵԱՏՄ երկրների ղեկավարների համաժողովն է, որտեղ քննարկւելու-որոշւելու է ՀԱՊԿ գլխաւոր քարտուղարի հարցը։

  • Խաղաղութեան գինը
    Խաղաղութեան գինը

    Խաղաղասիրութիւնը քաղաքակրթութեան նւաճումներից է: Հայ ժողովուրդը, անմասն չլինելով քաղաքակրթական նւաճումներից, մեծագոյն հաւատ եւ փափագ ունի խաղաղութեան հաստատման ու պահպանման հարցում: Մենք խաղաղասէր ժողովուրդ ենք, հազարամեակներ շարունակ մասնակցելով պատերազմների շատ քիչ են դէպքերը, երբ մենք ենք այն սկսել: Ընդ որում՝ խաղաղասէր ենք եղել ոչ միայն թոյլ եղած ժամանակ, այլեւ՝ ուժեղ պետականութեան հանգրւաններում:

  • ՀՀ ԱԳՆ. «Իրանը Հայաստանի կարեւոր գործընկերն է»
    ՀՀ ԱԳՆ. «Իրանը Հայաստանի կարեւոր գործընկերն է»

    Մենք յստակ որոշել ենք մեր դիրքորոշումը, այսինքն` սա մեզ համար չափազանց զգայուն հարց է, քանի որ Իրանը Հայաստանի կարեւոր գործընկերն է, որի հետ մենք ունենք լաւ կարգաւորւած երկկողմ օրակարգ, եւ այն չափազանց կարեւոր է տարածաշրջանի ներկայիս իրողութիւնների համատեքստում:

  • Իրանեան պատժամիջոցների քաղաքականութեան հարցերով ամերիկեան փորձագէտներն այցելել են Հայաստան
    Իրանեան պատժամիջոցների քաղաքականութեան հարցերով ամերիկեան փորձագէտներն այցելել են Հայաստան

    ԱՄՆ պետքարտուղարութեան եւ գանձապետարանի միջգերատեսչական փորձագիտական խումբը նոյեմբերի 15-16-ին Երեւանում էր՝ հայաստանեան կառավարութեան ու բիզնեսի գործընկերների հետ քննութեան առնելու Իրանի դէմ ուղղւած պատժամիջոցների քաղաքականութիւնը:

  • «Կոմերսանտ». «Մինսկը եւ Երեւանը իրենց վէճը հրապարակային են դարձրել»
    «Կոմերսանտ». «Մինսկը եւ Երեւանը իրենց վէճը հրապարակային են դարձրել»

    Ռուսական «Կոմերսանտ»-ն անդրադարձել է ՀԱՊԿ-ի շուրջ վերջին զարգացումներին: 

    Թերթը գրում է, որ Բելառուսիայի նախագահ Ալեքսանդր Լուկաշենկօն օրերս Բելառուսիայում Ադրբեջանի դեսպան Լաթիֆ Գանդիլովի հետ հանդիպման ժամանակ քննարկել է ՀԱՊԿ գլխաւոր քարտուղարի հարցը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։