Հա

Մշակոյթ

Կիրակի, 06 Նոյեմբերի 2016 09:20

«Կոտրած» քարաւանատուն յուշարձանը որեւէ փոփոխութեան չի ենթարկւել

«Պատմամշակութային արգելոց-թանգարանների եւ պատմական միջավայրի պահպանութեան ծառայութիւն» ՊՈԱԿ-ը տեղեկացնում է, որ Սիւնիքի մարզի Հարժիս գիւղից մօտ 3.5 կմ. հիւսիս-արեւմուտք գտնւող «Կոտրած» քարաւանատուն յուշարձանը կառուցւած է 1319 թւականին: Այն որեւէ փոփոխութեան չի ենթարկւել:

«armenpress.am» - «Պատմամշակութային արգելոց-թանգարանների եւ պատմական միջավայրի պահպանութեան ծառայութիւն» ՊՈԱԿ-ը տեղեկացնում է, որ Սիւնիքի մարզի Հարժիս գիւղից մօտ 3.5 կմ. հիւսիս-արեւմուտք գտնւող «Կոտրած» քարաւանատուն յուշարձանը կառուցւած է 1319 թւականին: Այն որեւէ փոփոխութեան չի ենթարկւել: «Արմէնպրես»-ի հաղորդմամբ՝ ՊՄՊ Սիւնիքի մարզային ծառայութեան յուշարձանների պահապան Ռուդիկ Մկրտչեանը հոկտեմբերի 21-ին տեղում լուսանկարել է երեք ուղեցոյց քարերն էլ, որեւէ փոփոխութիւն կամ ուղեցոյց քարի տեղափոխութիւն չի կատարւել:
Քարաւանատնից մօտ 10 մետր հիւսիս-արեւմուտք հաշւառւած է 14-րդ դարի ուղեցոյց քար: Դարձեալ 14-րդ դարով թւագրւող մէկ այլ ուղեցոյց քար գտնւում է այդ քարաւանատնից մօտ 850 մ. արեւմուտք՝ Գորիս-Նախիջեւան հին ճանապարհին: Գորիս-Նախիջեւան հին ճանապարհի վրայ գտնւող երրորդ ուղեցոյց քարը գտնւում է քարաւանատնից մօտ 1 կմ. արեւմուտք:
Համլետ Պետրոսեանի ներկայացրած 2011 թ. լուսանկարում պատկերւած ուղեցոյց քարը «Կոտրած» քարաւանատնից մօտ 10 մետր հիւսիս-արեւմուտք գտնւող ուղեցոյց քարն է, որը պատկերւած է ս. թ. հոկտեմբերի 21-ին արւած լուսանկարում (հրապարակման գլխաւոր լուսանկարը):
«Առաջին անգամ չէ, որ Համլետ Պետրոսեանը յուշարձանների պահպանութեան վերաբերեալ ստահոտ լուրեր է տարածում, որի նպատակը բնաւ յուշարձանի նկատմամբ «հոգատար» վերաբերմունքը չէ, ինքնահաստատման եւ ինքնադրսեւորման այս քայլով Համլետ Պետրոսեանը փորձում է իր վրայ բեւեռել հանրութեան՝ այդ թւում իր ուսանողների, եւ մշակոյթի ոլորտի պատասխանատուների ուշադրութիւնը:
«Պատմամշակութային արգելոց-թանգարանների եւ պատմական միջավայրի պահպանութեան ծառայութիւն» ՊՈԱԿ-ը վերջին անգամ է պատասխանում նրա եւ ընդհանրապէս նմանատիպ յերիւրանքներին»,- նշւած է «Պատմամշակութային արգելոց-թանգարանների եւ պատմական միջավայրի պահպանութեան ծառայութիւն» ՊՈԱԿ-ի յայտարարութիւնում:

Յարակից Հրապարակումներ

  • Բելգիայում կը տեղադրւի Օդրի Հեփբերնի յուշարձանը
    Բելգիայում կը տեղադրւի Օդրի Հեփբերնի յուշարձանը

     Շուտով Բելգիայի Իկսէլ շրջանի փողոցներից մէկը կը զարդարի 20-րդ դարի կանացիութեան եւ նրբագեղութեան համաշխարհային խորհրդանիշ համարւող Օդրի Հեփբերնի յուշարձանը: 

  • Բակօ Սահակեանը մասնակցել է զոհւած ազատամարտիկների յուշարձանի բացմանը
    Բակօ Սահակեանը մասնակցել է զոհւած ազատամարտիկների յուշարձանի բացմանը

    Արցախի Հանրապետութեան նախագահ Բակօ Սահակեանը յուլիսի 8-ին Մարտակերտի շրջանի Վանք գիւղում մասնակցել է զոհւած ազատամարտիկների յիշատակը յաւէրժացնող յուշարձանի բացման հանդիսաւոր արարողութեանը:

  • Անթալիայի բնակիչներից մէկի տան դիմացի սիւնը, պարզւել է, հռոմէական շրջանի յուշարձանի մաս է
    Անթալիայի բնակիչներից մէկի տան դիմացի սիւնը, պարզւել է, հռոմէական շրջանի յուշարձանի մաս է

    Անթալիայի Քալեիչի շրջանի բնակիչներից մէկի տան սիւնը, պարզւում է, ունի աւելի քան 2000 տարւայ պատմութիւն։ 

  • Մեր անժամանցելի պարտաւորութիւնը
    Մեր անժամանցելի պարտաւորութիւնը

    Մեր խնդիրը Արամ Մանուկեանի արձանը կանգնեցնելու սոսկ անհրաժեշտութիւնը չէ, այլ Արամով մարմնաւորուած մեր ազգային կենսափիլիսոփայութեան վերահռչակո՛ւմը որպէս ազգային գերակշիռ ուխտ։ Հետեւաբար մեր ակնկալութիւնն է, որ ան տեղադրուի հրապարակի սրտին վրայ (ոչ՝ կողքի փողոցին մէջ) որպէս վերջնական ազդարարութիւն եւ որպէս անշրջանցելի յանձնառութի՛ւն՝ բոլոր վաղուան մարտահրաւէրներուն դիմաց։ Զայն չկոթողել հրապարակին իսկ վրայ կը նշանակէ տատամսիլ. կը նշանակէ փախուստ տալ մեր վճռական պարտաւորութիւններէն. կը նշանակէ զիջիլ մեր հաւաքական հպարտութիւնը. կը նշանակէ աշխարհին ներկայանալ ծուռվիզ եւ վեհերոտ:

  • Երեւանի կենտրոնում կը տեղադրւի Արամ Մանուկեանի յուշարձան-կոթողը
    Երեւանի կենտրոնում կը տեղադրւի Արամ Մանուկեանի յուշարձան-կոթողը

    2018 թւականին Հայաստանի առաջին Հանրապետութեան նշւելիք 100-ամեայ յոբելեանի շրջանակում Երեւանի Հանրապետութեան հրապարակի մուտքում վեր է խոյանալու Արամ Մանուկեանի յուշարձան-կոթողը։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։