Հա

Մշակոյթ

Չորեքշաբթի, 09 Նոյեմբերի 2016 10:40

«Գարուն»-ը գրականութեան նոր լեզուն է, նոր մտածողութիւնը

Մտաւորականների եւ ընթերցասէր հանրութեան կողմից սպասւած «Գարուն» հեղինակաւոր ամսագրի շնորհանդէսն անցկացւեց նոյեմբերի 4-ին Հայաստանի Գրողների միութիւնում: «Գարուն»-ը պէտք է գոյատեւի, քանի որ ազատութիւն եւ անկախութիւն է խորհրդանշում. հետամուտ է բարձր իդէալների:

Կայացաւ հեղինակաւոր ամսագրի շնորհանդէսը

 

«armenpress.am» - Մտաւորականների եւ ընթերցասէր հանրութեան կողմից սպասւած «Գարուն» հեղինակաւոր ամսագրի շնորհանդէսն անցկացւեց նոյեմբերի 4-ին Հայաստանի Գրողների միութիւնում: «Գարուն»-ը պէտք է գոյատեւի, քանի որ ազատութիւն եւ անկախութիւն է խորհրդանշում. հետամուտ է բարձր իդէալների: Ներկայացւելու են գրականութեան, մշակոյթի զարգացման միտումները եւ պահպանւելու են երիտասարդներին խրախուսելու վաղեմի եւ բարի աւանդոյթները»,- «Արմէնպրես»-ի փոխանցմամբ՝ նշեց «Գարուն» ամսագրի գլխաւոր խմբագիր Աշոտ Գաբրիէլեանը:
«Արմէնպրես» պետական լրատւական գործակալութեան տնօրէն եւ «Գարուն» ամսագրի խորհրդի անդամ Արամ Անանեանի ասութեամբ՝ իրենք ամէն ինչ կանեն, որպէսզի ամսագրում աւանդականը եւ ժամանակակիցը յաւուր պատշաճի ներկայացւեն:
«Առաջին անգամ «Գարուն» ամսագրում տպագրեցին իմ ստեղծագործութիւնները, երբ Հայաստանից 3000 կիլոմետր հեռու էի: Ոչ ոք ինձ չէր ճանաչում, սակայն օժանդակեցին»,- յիշում է գրող, գրականագէտ, լրագրող Յովիկ Չարխչեանը:
ՀՀ Գրողների միութեան նախագահ Էդւարդ Միլիտոնեանն էլ պատմեց, որ 15 տարեկան է եղել, երբ առաջին անգամ իր գործերը տպագրւել են ամսագրում: «Մինչ օրս յիշում եմ այդ պահը, որ 12-րդ համարում յայտնւեց նաեւ իմ ստեղծագործութիւնը: Իմ սերնդի ներկայացուցիչներին ասում էին՝ «Գարունի տղերքը»: «Գարուն»-ը գրականութեան նոր լեզուն է, նոր մտածողութիւնը»,- շեշտեց նախագահը:
«Գարուն» գրական-գեղարւեստական, հասարակական-քաղաքական անկախ ամսագիրը տպագրւում է 1967 թւականից: Ամսագրում տեղադրւում են անւանի եւ երիտասարդ գրողների ստեղծագործութիւններ: Յօդւածների, հարցազրոյցների, ակնարկների միջոցով լուսաբանւում են հասարակական, տնտեսական, բարոյախօսական, գիտական, դաստիարակչական հարցեր:

Յարակից Հրապարակումներ

Ամենաշատ ընթերցւած

Քւէարկութիւն

Ապրիլի 24-ի առիթով իր ելոյթում կարտասանի՞ արդեօք Թրամփը Հայոց Ցեղասպանութիւն եզրոյթը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։