Հա

Մշակոյթ

08/01/2017

2017-ին ՌԴ-ում հայկական եկեղեցիներին վերաբերող ցուցահանդէսներ կանցկացւեն

Ռուսաստանում հայկական եկեղեցիների գոյութեան 300-ամեակին նւիրւած միջոցառումներ կը լինեն ինչպէս Հայաստանում, այնպէս էլ ռուսական քաղաքների հայկական համայնքներում:

«armenpress.am» - Ռուսաստանում հայկական եկեղեցիների գոյութեան 300-ամեակին նւիրւած միջոցառումներ կը լինեն ինչպէս Հայաստանում, այնպէս էլ ռուսական քաղաքների հայկական համայնքներում: ՀՀ ԿԱ Քաղաքաշինութեան պետական կոմիտէի Ալեքսանդր Թամանեանի անւան ճարտարապետութեան ազգային թանգարան ինստիտուտի տնօրէն Անուշ Տէր-Մինասեանը դեկտեմբերի 16-ին լրագրողների հետ հանդիպմանը խօսեց թանգարանի՝ անցնող տարի իրականացրած միջոցառումների եւ առաջիկայ ծրագրերի մասին: «Փետրւարին Սանկտ Պետերբուրգի Կրօնների պատմութեան թանգարանը մեզ մօտ ներկայացրեց Երուսաղէմի հայկական եւ ռուսական սրբավայրերի հին լուսանկարների ցուցահանդէսը, որը մեծ արձագանգ ունեցաւ: Ներկայում բանակցում ենք տւեալ թանգարանի հետ յաջորդ տարի հայկական եկեղեցիների վերաբերեալ ցուցահանդէս կազմակերպելու համար»,- «Արմէնպրես»-ի հաղորդմամբ՝ նշեց Անուշ Տէր-Մինասեանը:
Թանգարանում տարւայ ընթացքում ներկայացւել է Ջիմ Թորոսեանի 90-ամեակին նւիրւած նոստալգիկ ցուցահանդէս, որը կրել է «Հիմա կը գամ» խորագիրը: Իրականացւել է նաեւ Հայաստանի երրորդ Հանրապետութեան ճարտարապետութեանը վերաբերող ցուցահանդէս, որտեղ պարզ արտայայտւել են ճարտարապետութեան բնագաւառում ունեցած ձեռքբերումներն ու թերացումները:
Այդ ցուցահանդէսից երեք նախագիծ՝ Նարեկ Սարգսեանի «Կառավարական նոր տունը», Լեւոն Վարդանեանի արւեստանոցի աշխատանքներից մէկը եւ «Ստորակէտ» արւեստանոցի գործերը, ներկայացւել են «Զոդչեստւօ» հեղինակաւոր մրցոյթ փառատօնին: Նարեկ Սարգսեանի «Կառավարական նոր տունը» ստացել է «Տարւայ լաւագոյն արտասահմանեան նախագիծ» պատւաւոր մրցանակը:
2017-ին թանգարան-ինստիտուտը նախատեսում է Հիւսիսային պողոտային վերաբերող նախագիծ իրականացնել: «Պողոտայի շուրջ միշտ բուռն քննարկումներ են եղել, սակայն ոչ բաւարար տեղեկութիւններ տարածքի եւ կառոյցների մասին: Մեր նպատակը՝ հանրութեանը աւելի մանրամասն տեղեկութիւն հաղորդելն ու իրողութեանը ծանօթացնելն է: Ցուցահանդէսը կոչւելու է «Հիւսիսային պողոտան երէկ, այսօր, վաղը»,- ընդգծեց Անուշ Տէր-Մինասեանը:
2016 թւականին Հայաստան են այցելել բազմաթիւ ճարտարապետներ, օրինակ՝ թղթի ճարտարապետութեան հիմնադիրներից մէկը՝ Ալեքսանդր Բրոդսկին, որի վարպետութեան դասին բազմաթիւ մարդիկ են ներկայ եղել:
Ապրիլեան պատերազմում զոհւած զինծառայող Ադամ Սահակեանի առաջին կուրսում արւած գրաֆիկական աշխատանքների ցուցահանդէսը նոյնպէս բացւել է Թամանեանի թանգարան-ինստիտուտում: Քաղաքաշինութեան կոմիտէն պատրաստւում է քառօրեայ պատերազմում զոհւած ճարտարապետ տղաների աշխատանքների գրքոյկ հրատարակել:
Տնօրէնը շեշտեց, որ իրականացւող ցուցահանդէսները բազմաթիւ են, սակայն թանգարան-ինստիտուտին անհրաժեշտ է մշտական ցուցադրութիւն, որի համար բաւարար սրահներ չկան: «Եթէ լինի մշտական ցուցադրութիւն կարծում եմ՝ տուրիստական գործակալութիւնները օտարերկրացիներին առաջին հերթին կը բերեն մեզ մօտ: Ցանկալի է Անիի ճարտարապետութեանը նւիրւած առանձին սրահ ունենալ»,- նշեց նա:
Տնօրէնը յոյս յայտնեց, որ թանգարանային նոր շէնք ունենալու դէպքում այն կը դառնայ Երեւանի կարեւորագոյն եւ յաճախ այցելւող վայրը:

Յարակից լուրեր

  • Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»
    Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»

    Կան ներդրողներ, ես անուններ չեմ հրապարակի, բայց բաւական մեծ ծաւալի ներդրումների մասին է խօսքը: Աւելի կոնկրետ ներդրումը կը լինի, դուք կը տեսնէք: Այս մասին այսօր կառավարութեան նիստի մեկնարկից առաջ լրագրողների հետ ճեպազրոյցում ասաց տնտեսական զարգացման եւ ներդրումների նախարար Արծւիկ Մինասեանը:

  • Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին
    Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին

    Վերջին ամիսներին Հայաստանի ներսում քաղաքական գործընթացների խաղաղ հանգուցալուծումը եւ առանց աշխարհաքաղաքան ցնցումների՝ երկրի զարգացման ուղու ապահովումը զարմացրեց շատերին, այդ թւում՝ Ադրբեջանին, որտեղ ոչ միայն զարմանում, այլ դատելով նաեւ մամուլում շարունակւող հրապարակումներից, ցաւում են նման ելքի համար։

  • Հայաստանը կարող է հանդիսանալ այն կղզեակը, որից կը կարողանան օգտւել իրանցիները
    Հայաստանը կարող է հանդիսանալ այն կղզեակը, որից կը կարողանան օգտւել իրանցիները

    Օրերս Ֆրանսիայի ֆինանսների նախարար Բրունօ Լը Մերը ցաւով յայտարարել է, որ ֆրանսիական մի քանի խոշոր ընկերութիւններ, որոնք միջուկային համաձայնութիւնից յետոյ սկսել էին գործունէութիւն ծաւալել Իրանում, հնարաւոր է՝ չկարողանան այլեւս շարունակել իրենց հետագայ համագործակցութիւնն ու դուրս գան իրանական շուկայից։ Պատճառն, ըստ Ֆրանսիայի գլխաւոր ֆինանսիստի, իհարկէ, ամերիկեան նախատեսւող պատժամիջոցներն են։ 

  • Միֆեր եւ իրականութիւն պարտադիր կուտակային կենսաթոշակային համակարգի մասին
    Միֆեր եւ իրականութիւն պարտադիր կուտակային կենսաթոշակային համակարգի մասին

    Կենսաթոշակային համակարգը երկրի քաղաքական, տնտեսական եւ սոցիալական անվտանգութեան տեսանկիւնից կարեւորագոյն գործօններից է, որի արդիւնաւէտ եւ առողջ կենսագործունէութեամբ մեծապէս պայմանաւորւած են երկրի սոցիալ-տնտեսական, բիւջետային կայունութիւնը, քաղաքացիների ընդհանուր բարեկեցութիւնը, հասարակութեան ունակութիւնը հոգ տանել իր անդամների մասին մինչեւ խոր ծերութիւն։

  • Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»
    Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»

    Ի վերջոյ Արցախի եւ Հայաստանի վերամիաւորումը պէտք է լինի․ «Ազատութիւն» ռ/կ-ի «Ֆէյսբուքեան ասուլիս» հաղորդաշարի ընթացքում նման միտք արտայայտեց Անվտանգութեան խորհրդի քարտուղար Արմէն Գրիգորեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։