Հա

Մշակոյթ

27/02/2017

Բիթլիս-Ֆրեզնօ-Երեւան եռանկիւնու խենթացած հայերն ու Սարոյեանը. «Ակօս»-ի անդրադարձն «Անունս Արամ է» գրքին

Ստամբուլի հայկական պարբերականներից «Ակօս»-ն անդրադարձել է ամերիկահայ գրող Վիլեամ Սարոյեանի «Անունս Արամ է» հանրայայտ պատմւածքների ժողովածուին, որն օրերս թուրքերէն թարգմանութեամբ լոյս է ընծայւել նաեւ Թուրքիայում՝ հայկական «Արաս» հրատարակչութեան կողմից:

«alikonline.ir»- Ստամբուլի հայկական պարբերականներից «Ակօս»-ն անդրադարձել է ամերիկահայ գրող Վիլեամ Սարոյեանի «Անունս Արամ է» հանրայայտ պատմւածքների ժողովածուին, որն օրերս թուրքերէն թարգմանութեամբ լոյս է ընծայւել նաեւ Թուրքիայում՝ հայկական «Արաս» հրատարակչութեան կողմից: Տեղեկացնում է «tert.am»-ը:

Նշենք, որ գիրքն առաջին անգամ տպագրւել է 1940 թւականին ՝ անգլերէնով։ Պատմւածքները հայ արմատներ ունեցող տղայի՝ Արամ Գարօղլանեանի եւ իր հարազատների մասին են, որոնք բնակւում են ԱՄՆ-ի Ֆրեզնօ քաղաքում։

Սարոյեանի պատմւածքները «մարդկային հոգու բանալի» անւանելով՝ «Ակօս»-ի սիւնակագիրներից պոլսահայ մտաւորական Կարին Քարաքաշլըն այսպէս է բնութագրել «Անունս Արամ է» գիրքը.

«Կարեւոր չէ, թէ ում կամ ինչ դէպքի մասին է պատմում Սարոյեանը, նրա գրւածքներում գերակայող զգացումը հայրենիքի կարոտն է: Որպէս բիթլիսցի մի ընտանիքի զաւակ, որը ծնւել է Ֆրեզնոյում, ուր նրանք գաղթել էին՝ Բիթլիսն իր երազանքների կորուսեալ հայրենիքն էր: 1964 թւականին, երբ ի վերջոյ պատրաստ զգաց իրեն եւ այցելեց Անատոլիա, նրա երազանքների հայկական գիւղն ու Բիթլիս քաղաքի այդ ժամանակւայ իրականութիւնը խառնւեցին միմեանց: Առաջին անգամ նա տեսաւ, որ իր երազանքները չեն համապատասխանում իրականութեանը: Տարիներ անց իր «Բիթլիս» անունով պիէսում նա պատմեց, թէ ինչու չգնեց Բիթլիսի իրենց հին տունն ու չտեղափոխւեց այնտեղ ապրելու.

«Երեսնամեայ յաջողութեան արդիւնքում բաւականաչափ գումար վաստակող ամերիկահայ մի գրող գալով Բիթլիս՝ որոշում է այստեղ վերակառուցել իր ընտանիքի հին տունը: Հարուստ մի քուրդ գործարարից գնում է իր տատիկի եղբայրների տունն ու իր գրամեքենայով բնակութիւն հաստատում այդ տանը: Դուրս է գալիս արշաւների դէպի տեղի բարձունքներ, այլեւս այդտեղ է ապրում: Խենթացած մի հայ…. »:

Ի՞նչը կարող է աւելի բնական լինել, քան Սարոյեանի «Անունս Արամ է» գրքում Խոսրով քեռու դիմացն անցնելով ժամերով առանց մի բառ արտասանելու նստած արաբ ներգաղթեալի ու Բիթլիս-Ֆրեզնօ-Երեւան եռանկիւնու կենտրոնում իր պատկանելիութիւնը փնտրող անհայրենիք հերոսի փոխյարաբերութեան պատմութիւնը: Արամի մայրիկը շրջւում ու ասում է տղային. «Նրանք բնաւ չեն բացում իրենց բերանը, սակայն անընդհատ խօսում են: Հասկանում են իրար ու դրա համար բերանի կարիք չունեն: Որովհետեւ իրարից թաքցնելու բան չունեն»:

Սարոյանը հրավիրում է առերեսվել պատմությանը բոլոր նրանց, ովքեր ունեն համարձակություն՝ լինելով թարգմանիչ այնպիսի երևույթների, որոնք անհնար է թաքցնել»:

 

Յարակից լուրեր

  • Միքայէլ Մանուկեանը՝ ՀՅԴ քաղաքապետի թեկնածու
    Միքայէլ Մանուկեանը՝ ՀՅԴ քաղաքապետի թեկնածու

    Երեւանի աւագանու՝ սեպտեմբերի 23-ին նախատեսւած արտահերթ ընտրութիւններին ՀՅԴ համամասնական ցուցակը կը գլխաւորի ՀՀ ԲՆ Անտառային կոմիտէի նախագահ Միքայէլ Մանուկեանը։ Լուրը «yerkir.am»-ի հետ զրոյցում հաստատեց ՀՅԴ Հայաստանի ԳՄ ներկայացուցիչ Արսէն Համբարձումեանը:

  • Երեւանը կը մասնակցի հնագոյն քաղաքների միջազգային ֆորումին
    Երեւանը կը մասնակցի հնագոյն քաղաքների միջազգային ֆորումին

    2018 թ. օգոստոսի 12-18-ը Ռեազանում կը կայանայ հնագոյն քաղաքների միջազգային ֆորումը, որը կը միաւորի 500 տաւայ եւ աւել պատմութիւն ունեցող քաղաքները:

  • ՔՊ-ն որոշեց. Հայկ Մարութեանը՝ Երեւանի քաղաքապետի թեկնածու
    ՔՊ-ն որոշեց. Հայկ Մարութեանը՝ Երեւանի քաղաքապետի թեկնածու

    Երէկ՝ յուլիսի 29-ին կայացել է «Քաղաքացիական պայմանագիր» կուսակցութեան վարչութեան նիստ, որի ընթացքում կուսակցութեան ղեկավար կազմը որոշել է Երեւանի քաղաքապետի իր թեկնածուին:

  • Երեւանի աւագանու արտահերթ ընտրութիւնները՝ օգոստոսի 16-26-ը
    Երեւանի աւագանու արտահերթ ընտրութիւնները՝ օգոստոսի 16-26-ը

    Այսօր՝ յուլիսի 16-ին  Երեւանի աւագանու արտահերթ նիստում պէտք է ընտրէին Երեւանի քաղաքապետ, սակայն քւորում չկար: 

    «Երկիր ծիրանի» կուսակցութեան ղեկավար Զարուհի Փոստանջեանը լրագրողների հետ զրոյցում նշեց, որ իրենք գնում են արտահերթ լուծումների: 

  • Երեւանի նոր քաղաքապետ չի ընտրւի. «Ելք»-ի սցենարը
    Երեւանի նոր քաղաքապետ չի ընտրւի. «Ելք»-ի սցենարը

    Երեւանի նոր քաղաքապետ չի ընտրւի, կանցկացւեն Երեւանի աւագանու նոր ընտրութիւններ: Տարօն Մարգարեանի հրաժարականից յետոյ իրադարձութիւնների հնարաւոր զարգացման այսպիսի կանխատեսում արեց ՀՀ ԱԺ «Ելք» խմբակցութեան պատգամաւոր, Երեւանի աւագանու նախկին անդամ Ալէն Սիմոնեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։