Հա

Մշակոյթ

Երեքշաբթի, 07 Մարտի 2017 14:30

Էշերի երեւակայական երկրի մասին

Մայեստրօ Լորիս Ճգնաւորեանի կարծիքով՝ կեանքն անեկդոտ է, իսկ ով այլ լրջի ընդունի պարտւած է: Ինչպէս տեղեկացնում է ԻՌՆԱ-ն՝ այս մասին նա ասել է իր հեղինակած գրքի՝ «Խարեսթան»-ի շնորհանդէսի ժամանակ: Գիրքը երգիծական կարճ պատումների հաւաքածոյ է:

Լոյս է տեսել Լորիս Ճգնաւորեանի հեղինակած առաջին գիրքը

 

«alikonline.ir» - Մայեստրօ Լորիս Ճգնաւորեանի կարծիքով՝ կեանքն անեկդոտ է, իսկ ով այլ լրջի ընդունի պարտւած է: Ինչպէս տեղեկացնում է ԻՌՆԱ-ն՝ այս մասին նա ասել է իր հեղինակած գրքի՝ «Խարեսթան»-ի շնորհանդէսի ժամանակ: Գիրքը երգիծական կարճ պատումների հաւաքածոյ է:

«Մանկուց նւագում էի, յետոյ սկսեցի երաժշտութիւն գրել: 50 տարի նւագախումբ ղեկավարելուց յետոյ, սկսեցի հետաքրքրւել գեղանկարչութեամբ: Տարբեր ցուցասրահներ այցելելուց յետոյ, սկսեցի կտաւին յանձնել այն, ինչը որ պատկերացնում էի»,- ասել է անւանի երաժշտագէտը՝ աւելացնելով, որ միշտ ցանկացել է գիրք գրել, սակայն խուսափել է մինչ այն ժամանակ, երբ անւանի գրող, նկարիչ Եարթա Եարանը նրան քաջալերել է մտքում եղածը թղթին յանձնել ու նա սկսել է պատումներ գրել էշերի մասին, որոնց հանրագումարից էլ ծնւել է «Խարեսթան»-ը:

«Սիրում եմ անեկդոտներ պատմել: Այդ պատճառով էլ երբ, ինչ-որ մէկը զանգահարում է ինձ, մի քանի րոպէ անեկդոտ եմ պատմում, եւ մենք ծիծաղում ենք, քանզի այս կեանքում ծիծաղն ամենակարեւորն է»,- ասել է մայեստրօն՝ յորդորելով բոլորին ծիծաղելու առիթը երբեք ձեռքից բաց չթողնել:

Անդարադառնալով «Խարեսթան»-ի թեմային, Լորիս ճգնաւորեանն ասել է, որ ի մի բերելով էշերին ստեղծել է մի երկիր, որի վարչապետն ինքն է: Նա նշել է, որ այդ երեւակայական երկիրը որեւէ ազգութեան կամ ցեղի չի պատկանում եւ դրա միակ նպատակն ընթերոցղին զւարճացնելն է:

Նա տեղեկացրել է, որ եթէ գիրքն ընդառաջւի ընթերցողների կողմից, ապա կը գրի եւ կը հրատարակի դրա յաջորդ հատորները:

«Օր չկայ, որ չծիծաղեմ, որովհետեւ կեանքը կարճ է, եւ չարժէ այն լրջի ընդունել»,- ասել է նա:

«Խարեսթան»-ը 31 երգիծական կարճ պատումների հաւաքածոյ է: Այն լոյս է տեսել 1100 օրինակ տպաքանակով «Սեդայէ մոասեր» հրատարակչութեան կողմից: Գիրքն արժէ 17000 ռիալ:

Ի դէպ՝ 1396 թւկանին լոյս է տեսնելու նաեւ գրքի աոդիօ տարբերակը:

Յարակից Հրապարակումներ

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։