Հա

Մշակոյթ

Հինգշաբթի, 09 Մարտի 2017 11:00

Սոպրանօ Անուշ Յովհաննիսեանն անցել է «BBC»-ի Քարդիֆի «Աշխարհի երգիչ» մրցոյթի եզրափակիչ փուլ

«BBC» Քարդիֆի «Աշխարհի երգիչ» հեղինակաւոր մրցոյթի եզրափակիչ փուլ է անցել լոնդոնաբնակ ճանաչւած սոպրանօ Անուշ Յովհաննիսեանը։

«alikonline.ir» - «BBC» Քարդիֆի «Աշխարհի երգիչ» հեղինակաւոր մրցոյթի եզրափակիչ փուլ է անցել լոնդոնաբնակ ճանաչւած սոպրանօ Անուշ Յովհաննիսեանը։ 

Անցեալ տարւայ ընթացքում պրոֆեսիոնալ ժիւրին աշխարհի 6 քաղաքներում 4 փուլով լսումների արդիւնքում ընտրել է եզրափակիչ փուլի 20 մասնակցի։ Մրցոյթին իւրաքանչիւր երկրից կարող էր մասնակցել 3 հոգի։ Հայաստանը ներկայացրել է միայն Անուշ Յովհաննիսեանը։ Գրում է «orer.eu»-ը: 

«Աշխարհի երգիչ»-ը, որ անցկացւում է երկու տարին մէկ անգամ, Վելսի տարւայ ամենամեծ մշակութային իրադարձութիւնն է։ Այս մրցոյթը համարւում է դասական երգի միջազգային ամենահեղինակաւոր ստուգատեսը՝ դասական երգարւեստի իւրատեսակ օլիմպիադա։ 

Յուլիսին կայանալիք եզրափակիչում մրցոյթն անցկացւելու է երկու ուղղութեամբ՝ կամերային երաժշտութեան եւ օպերային արիաների։ Եզրափակիչ դուրս եկած մասնակիցներն իրենք են որոշում իրենց նախընտրած  ուղղութիւնը։ Անուշ Յովհաննիսեանը հանդէս կը գայ  վերը նշւած երկու ուղղութիւններով։ Եզրափակիչը տեղի կունենայ յունիսի 11-ին եւ 16-ին՝ կամերային երաժշտութեան գծով, յունիսի 15-ին եւ 18-ին՝ օպերային երգարւեստի գծով: 

Անուշ Յովհաննիսեանը օպերային մրցոյթում հանդէս կը գայ համաշխարհային պրեմիերայով։ Նա առաջին անգամ կը կատարի 170 տարի առաջ գրւած հունգարացի մեծ կոմպոզիտոր Ֆրանց Լիստի նոր «Սարդանապալ» օպերայից յոյն ստրկուհի Միռայի դերերգը։ Օպերան ասորական Սարդանապալ թագաւորի եւ նրա յոյն ստրկուհու սիրօ պատմութեան մասին է։ Այս օպերան Լիստն անաւարտ է թողել եւ միայն վերջերս է յայտնաբերւել արխիւում։ 

«Իմ երաժշտական կարիերայում սա բացառիկ երեւոյթ եւ մեծ պատիւ է, որ նման հռչակաւոր կոմպիզոտորի ստեղծագործութեան առաջին կատարումը վստահւում է ինձ։ Այդ անաւարտ օպերայից հատւածը երգելու եմ առաջին անգամ եւ ներկայացնելու եմ Հայաստանը»,- «orer.eu»-ի հետ զրոյցում ասել է Անուշ Յովհաննիսեանը։ 

Մրցոյթի յաղթողը ստանալու է յաղթական գաւաթը, ֆինանսական պարգեւ, իհարկէ, միջազգային ճանաչում եւ առանձնայատուկ կարգավիճակ։ 

Նախկինում այս մրցոյթին հայազգի երգիչներից մասնակցել է գերմանական Էրֆուրտի օպերային թատրոնի մեներգիչ բաս Վազգէն Ղազարեանը: 

2016 հոկտեմբերի 17-ին Անուշը ճանաչւել է հեղինակաւոր «Ստելա Մարիս» մրցոյթի յաղթող՝ միաժամանակ արժանանալով 4 գլխաւոր մրցանակի, իսկ  դեկտեմբերի 4-ին Մարսելում Բելլինիի անւան բելկանտոյի մրցոյթում արժանացել է  շւէյցարական  Գշտատի Ամանորեայ փառատօնի յատուկ մրցանակին, 2018 թ. մենահամերգով հանդէս կը գայ Շւէյցարիայում։

Յարակից Հրապարակումներ

  • Բոբ Դիլանը նոր՝ եռակի ալբոմ կը թողարկի
    Բոբ Դիլանը նոր՝ եռակի ալբոմ կը թողարկի

    Ամերիկացի երաժիշտ եւ հեղինակ-կատարող Բոբ Դիլանը, ով 2016 թւականին արժանացել է գրականութեան ոլորտում Նոբէլեան մրցանակի, նոր եռակի ալբոմ է պատրաստում թողարկման համար:

  • Յասմիկ Պապեան.- «Բազմիցս անհնարինը հնարաւոր եմ դարձրել, որովհետեւ մտածել եմ, որ երկրորդ նման հնարաւորութիւն կարող է եւ չլինել»
    Յասմիկ Պապեան.- «Բազմիցս անհնարինը հնարաւոր եմ դարձրել, որովհետեւ մտածել եմ, որ երկրորդ նման հնարաւորութիւն կարող է եւ չլինել»

    Գիւմրիի Սեւ ամրոց համերգասրահում նոյեմբերի 18-ին Տիգրան Մանսուրեանական երեկոյ էր, որի գլխաւոր աստղը Վիեննայից ժամանած օպերային երգչուհի Յասմիկ Պապեանն էր: Երգչուհին պատասխանել է «tert.am»-ի հարցերին:

  • Անուշ Յովհաննիսեան.- «Էրդողանը յեղաշրջման այս փորձն օգտագործելու է բանակում հետագայ դաժանութիւններն արդարացնելու համար»
    Անուշ Յովհաննիսեան.- «Էրդողանը յեղաշրջման այս փորձն օգտագործելու է բանակում հետագայ դաժանութիւններն արդարացնելու համար»

    Թուրքիայում եթէ ոչ ռազմական յեղաշրջումը, սակայն Էրդողանի ու զինւորականների միջեւ յարաբերութիւնների սրումը թուրքագէտ Անուշ Յովհաննիսեանի համար սպասելի էր:
    «tert.am»-ի հետ զրոյցում Անուշ Յովհաննիսեանը նկատեց, որ պատճառն այն է, որ 2007-ից Էրդողանը մաքրում-լիւստրացիա է իրականացնում թուրքական բանակում՝ զինւորականութեանն աստիճանաբար հեռացնելով բոլոր քաղաքական լծակներից:

  • ՆՒԻՐԵԱԼՆԵՐ - Բաղդասար Դպիր (Գրիգորեան, 1683-1768)
    ՆՒԻՐԵԱԼՆԵՐ - Բաղդասար Դպիր (Գրիգորեան, 1683-1768)

    Թէեւ մեր սերունդներու հայեցի կրթութեան եւ հայկական հիմնական ընթերցումներու գրասեղանին չի դրւիր, գրական-իմաստասիրական ամենօրեայ սնունդի համար, ժառանգութիւնը Բաղդասար Դպիրին, բայց որքան թափ կառնէ ազգային մեր արմատներուն վերադառնալու հոգեմտաւոր ինքնաճանաչման շարժումը, այնքան կը պայծառանան դէմքն ու գործը հայ ժողովուրդին դէպի արդի ժամանակներ առաջնորդած այս երախտաշատ լուսաւորիչին, որուն ծննդեան տարեդարձը նշւեցաւ յունիսի 7-ն:

  • ԱՆԴՐԱԴԱՐՁ - Հայ մշակոյթը՝ երգարւեստում
    ԱՆԴՐԱԴԱՐՁ - Հայ մշակոյթը՝ երգարւեստում

    «Հայոց ազատամարտը երգերում» գրքի հեղինակ Սահակ Սահակեանը 2014 թւականին Երեւանում «Լուսակն» հրատարակչութեան միջոցով եւ Արմենուհի եւ Ղեւոնդ Կուկունեանների անւան «Նոր սերունդ» հիմնադրամի մեկենասութեամբ հրատարակեց բաւականին արժէքաւոր այս գիրքը, որի մասին թերթիս հոկտեմբերի 19-ի համարում բաւականին բովանդակալից անդրադարձ արդէն ունեցել ենք:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։