Հա

Մշակոյթ

Երեքշաբթի, 14 Մարտի 2017 08:40

Գիւմրու դրամատիկական թատրոնը վերանորոգւում է

Գիւմրու Վ. Աճեմեանի անւան պետական դրամատիկական թատրոնում վերանորոգման աշխատանքներ են ընթանում:

«alikonline.ir» - Գիւմրու Վ. Աճեմեանի անւան պետական դրամատիկական թատրոնում վերանորոգման աշխատանքներ են ընթանում: 

Վերջին անգամ թատրոնում նորոգւել էր «Լինսի» հիմնադրամի ծրագրով, եւ վերջին տարիներին վերանորոգման աշխատանքների անհրաժեշտութիւնը խիստ էր զգացւում: 

Այս մասին «Արմէնպրես»-ին ասել է թատրոնի տնօրէն Տիգրան Վիրաբեանը՝ փաստելով, որ աշխատանքներն իրականացւում են հիմնականում թատրոնի միջոցների հաշւին: 

«Յարդասենեակները թատրոնի արտիստական կազմին վայել չէին, եւ առաջինն, ինչից սկսեցինք, դրանց վերանորոգումն էր»,- նշել է Տիգրան Վիրաբեանը՝ հաւաստելով, որ աւելի քան 150 տարւայ պատմութիւն ունեցող Գիւմրու դրամատիկականի յարդասենեակները ժամանակակից տեսքի են բերւելու: Տւեալ յարդասենեակներն այսուհետեւ ծառայելու են միայն ու միայն թատրոնի արտիստական կազմին, իսկ տարբեր հիւրախաղերի ու կազմակերպութիւնների միջոցառումների համար կը լինի առանձին յարմարաւետ յարդասենեակ: 

«Մինչ այս տարբեր միջոցառումների ժամանակ օգտագործւում էին մեր արտիստների յարդասենեակները, ինչը ճիշտ չէր: Հրաւիրեալ կոլեկտիւների համար առանձին մեծ յարդասենեակ ենք պատրաստում: Պատշաճ տեսքի կը բերւի «Կարմիր անկիւնը»: Այսպիսով, մեր արտիստների համար վայել պայմաններ ենք ստեղծում»,- յաւելել է թատրոնի տնօրէնը: 

Անդրադառնալով ֆինանսական միջոցներին՝ տնօրէնը փաստել է, որ աշխատանքները հիմնականում իրականացվում են թատրոնի միջոցների հաշւին: «Ի ուրախութիւն մեզ, թատրոնը նախկինում ամսական 8-ի փոխարէն հիմա 18-19 ներկայացում է խաղում, եւ մուտք արւող գումարները, բնականաբար, հնարաւորութիւն են տալիս վերանորոգման աշխատանքներ իրականացնել եւ շէնքը բերել ներկայանալի տեսքի»,- աւելացրել է Վիրաբեանը: 

Թատրոնն ունի հիմնական մուտքերի արդիականացման խնդիր. անհրաժեշտ են անվտանգութեան համակարգեր, անցակէտեր՝ մուտքի քարտերով: Սա եւս առաջիկայ ծրագրերում է: «Պէտք է կարողանանք թատրոնը հետաքրքիր դարձնել ոչ միայն ներկայացումների մակարդակով, այլ նաեւ շէնքային պայմաններով: Նախատեսում ենք թատրոնի ստեղծագործական կոլեկտիւի համար ստեղծել նաեւ հանգստի ու ժամանցի մեծ անկիւն, կը լինի բաց գրադարան՝ յագեցւած ինտերնետով, հեռուստացոյցով, կը լինեն հիւրասենեակ, քննարկումների սենեակ, սննդի կէտ». նշել է Տիգրան Վիրաբեանը՝ յաւելելով, որ կարգի կը բերւի նաեւ շէնքի լուսային համակարգը: «Թատրոնում հիմա սպասարկում ենք 60-ական թւականների լուսատեխնիկական միջոցներով, որոնց լամպերն արդէն արտադրութիւնից դուրս են եկել, եւ դրանք փչանալու դէպքում ստիպւած ենք լինում փոխել ամբողջ լուսարձակը: Մենք վստահ ենք, որ ՀՀ մշակոյթի նախարարութեան աջակցութեամբ 2017-2018 թւականներին այդ խնդիրն էլ կը կարողանանք լուծել»,- աւելացրել է Տիգրան Վիրաբեանը:

Յարակից Հրապարակումներ

  • Դատարկութեան բնակիչները
    Դատարկութեան բնակիչները

    «Մեդիամաքս»-ը ներկայացնում է Իւլիա Գրիգորեանցի «Դատարկութեան բնակիչները» ֆոտոպատմութիւնը:
    1988 թւականին 7 բալ ուժգնութեամբ երկրաշարժը պատուհասեց Հայաստանի հիւսիսը: Այն սպանեց 25 հազար մարդու: Հազարաւոր մարդիկ հաշմանդամ դարձան եւ հարիւր հազարաւորները մնացին անապաստան: Վնասի մեծ մասը կրեց Գիւմրին՝ Հայաստանի երկրորդ ամենամեծ քաղաքը:

  • Վանաձորում արդէն գործում է գերժամանակակից տեխնոլոգիական կենտրոն
    Վանաձորում արդէն գործում է գերժամանակակից տեխնոլոգիական կենտրոն

    Հայաստանի 3-րդ քաղաքում՝ Վանաձորում արդէն գործում է գերժամանակակից եւ ինժեներական սարքաւորումներով յագեցած տեխնոլոգիական կենտրոն: Նախատեսւում է, որ 2-3 տարիների ընթացքում Վանաձորի տեխնոլոգիական կենտրոնում կը վերապատրաստւի առնւազն 4000 մասնագէտ, կը ստեղծւի 900 աշխատատեղ, կիրականացւեն մաքուր տեխնոլոգիաների ոլորտի նախագծեր:

  • Մանսուրեանի «Ռեքւիէմ»-ը նւիրւած Հայոց Ցեղասպանութեան զոհերի յիշատակին՝ հնչում է տարբեր երկրների համերգասրահներում
    Մանսուրեանի «Ռեքւիէմ»-ը նւիրւած Հայոց Ցեղասպանութեան զոհերի յիշատակին՝ հնչում է տարբեր երկրների համերգասրահներում

    Նոյեմբեր ամիսը իւրայատուկ զուգադիպութեամբ կապւում է Տիգրան Մանսուրեանի՝ Հայոց Ցեղասպանութեան զոհերի յիշատակին նւիրւած «Ռեքւիէմ»-ի կատարման հետ։
    Օրերս այս ստեղծագործութիւնը հնչել է Բեռլինի ֆիլհարմոնիական համերգասրահում, Տալլինում, իսկ նոյեմբերի 18-ին կը հնչի Գիւմրիում։

  • Երեւանի կենդանաբանական այգին համալրւելու է կարմիր պանդաներով
    Երեւանի կենդանաբանական այգին համալրւելու է կարմիր պանդաներով

    Աշխարհում հոկտեմբերի 4-ը նշւում է Կենդանիների պաշտպանութեան օրը կամ պարզապէս Կենդանիների օրը: Այն ստեղծւած է մարդկանց ուշադրութիւնը գրաւելու է Երկիր մոլորակի միւս բնակիչների խնդիրների վրայ: Այս առիթով «Արմէնպրես»-ը զրուցել Երեւանի կենդանաբանական այգու տնօրէն Ռուբէն Խաչատրեանի հետ:

  • Սահմանապահ Սարիգիւղում տօն էր
    Սահմանապահ Սարիգիւղում տօն էր

    Իջեւանից 19 կիլոմետր դէպի հիւսիս, Ադրբեջանին կից սահմանի վրայ է գտնւում Սարիգիւղը: Լեռների վրայ թառած գիւղում հոկտեմբերի 1-ին տօն էր: «Ճանաչենք, սիրենք եւ շէնացնենք մեր գիւղերը» խմբի նախաձեռնութեամբ՝ տեղի ունեցաւ գիւղի վերանորոգւած մանկապարտէզի մասնաշէնքի բացման հանդիսաւոր արարողութիւնը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։