Հա

Մշակոյթ

Երկուշաբթի, 17 Ապրիլի 2017 10:40

«Փրկիչներ եւ մարտիկներ» գիրքը Ազնաւուրեանների ընտանիքի փառքի ճանաչման պատմութիւնն է

Ազնաւուրեանների ընտանիքի՝ հրեաներին օգնելու հերոսական պատմութիւնը ներկայացնող «Փրկիչներ եւ մարտիկներ» գրքի հեղինակ Եաիր Աուրոնը հպարտ է, որ Շառլ Ազնաւուրն իր ընտանիքի պատմութիւնն առաջինն իրեն է պատմել:

«alikonline.ir» - Եարի Աուրոնի խօսքով՝ ինքը մի ծանօթ ունէր, ով հեռուստատեսութեամբ լսել էր, թէ ինչպէս է Շառլ Ազնաւուրն ասում, որ իր ընտանիքը փրկել է հրեաներին: Այդ ժամանակ ինքը՝ որպէս հետազօտող, աշխատել է այդ թեմայի շուրջ: Գնացել է Փարիզ, կապ է հաստատել Ազնաւուրի հետ:  Սա շատ կարեւոր պատմութիւն է թէ հայերի, թէ հրեաների, թէ միւս ազգերի համար: 

Ազնաւուրեանների ընտանիքի՝ հրեաներին օգնելու հերոսական պատմութիւնը ներկայացնող «Փրկիչներ եւ մարտիկներ» գրքի հեղինակ Եաիր Աուրոնը հպարտ է, որ Շառլ Ազնաւուրն իր ընտանիքի պատմութիւնն առաջինն իրեն է պատմել: «Արմէնպրես»-ի հաղորդմամբ՝ ապրիլի 14-ին Կոմիտասի թանգարան-ինստիտուտում տեղի ունեցաւ գրքի շնորհանդէսը հեղինակի մասնակցութեամբ: 

«Շատ հպարտ եմ, որ Ազնաւուրեանների ընտանիքը՝ Շառլը եւ նրա քոյրը՝ Աիդան, առաջին անգամ այդ պատմութիւնն ինձ են պատմել: 

Ազնաւուրեանների ընտանիքի պատմութիւնը փառքի ճանաչման պատմութիւն է: Շառլի ծնողները 4 տարի շարունակ իրենց տանն ընդունել են այն հրեաներին, ովքեր նացիստական ճնշումներից էին փախել: Գիրքն առաջինը գրւել է եբրայերէն, թարգմանւել է ֆրանսերէն, անգլերէն, այնուհետեւ` հայերէն: Մեզ համար կարեւոր նախապայման էր, որ գիրքը թարգմանւի նաեւ հայերէն, որպէսզի հայերը ծանօթ լինեն այս պատմութեանը»,- ասել է Եաիր Աուրոնն ու յաւելել, որ Շառլ Ազնաւուրն իրեն շնորհակալութիւն է յայտնել, որ օգնել է գիտակցել ծնողների կատարած հերոսականութիւնը: 

«Քանի որ մեր նկատմամբ գործւած Ցեղասպանութիւնը ճանաչւել է, պէտք է ձեզ հետ պայքարենք, որ ձեր Ցեղասպանութիւնը եւս ճանաչւի: Երբ Իսրայէլում դա չի արւում, նշանակում է, որ մենք դաւաճանում ենք նաեւ Ցեղասպանութեան մեր յիշողութիւնը»,- եզրափակել է հեղինակը:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։