Հա

Մշակոյթ

11/05/2017 - 12:30

Լոնդոնում բացւել է «Pink Floyd»-ին նւիրւած հետահայաց ցուցահանդէսը

Լոնդոնի Վիկտորիայի եւ Ալբերտի թանգարանում բացւել է «The Pink Floyd Exhibition: Their Mortal Remains» («Փինք Ֆլոյդ». նրանց հողեղէն նշխարները») անւանումը կրող բարձրտեխնոլոգիական ցուցադրանքը, որը նւիրւած է բրիտանական ռոք-խմբի ստեղծագործութեան աւելի քան կէսդարեայ պատմութեանը:

«alikonline.ir» - Լոնդոնի Վիկտորիայի եւ Ալբերտի թանգարանում բացւել է «The Pink Floyd Exhibition: Their Mortal Remains» («Փինք Ֆլոյդ». նրանց հողեղէն նշխարները») անւանումը կրող բարձրտեխնոլոգիական ցուցադրանքը, որը նւիրւած է բրիտանական ռոք-խմբի ստեղծագործութեան աւելի քան կէսդարեայ պատմութեանը: Մայիսի 9-ին նախնական ցուցադրութիւն էր կազմակերպւել մամուլի համար: Տեղեկացնում է «Արմէնպրես»-ը՝ վկայակոչելով ՏԱՍՍ-ին:  

Ցուցահանդէսը նւիրւած է «Pink Floyd»-ի՝ ինչպէս «Arnold Layne» անւանումը կրող առաջին սինգլի, այնպէս էլ խմբի առաջին ալբոմի՝ «The Piper at the Gates of Dawn» (1967)-ի թողարկման 50-ամեակին: Լսատեսային ցուցադրանքը ներկայացնում է այն ստեղծագործութիւնները, որոնք կատարւել են խմբի հինգ երաժիշտների՝ Սիդ Բարէթի, Ռոջէր Ուոթերսոմի, Ռիչարդ Ռայթի, Նիք Մէյսոնի եւ 1968 թւականին Բարէթին փոխարինած Դէյււիդ Գիլմորի կողմից: Նրանցից երկուսը՝ Բարէթը եւ Ռայթան, արդէն կենդանի չեն: 

Այստեղ կարելի է տեսնել բազմաթիւ երաժշտական գործիքներ, որոնք գործածւել են ստուդիական ձայնագրութիւնների եւ համերգային ելոյթների ժամանակ, երգերի ձեռագիր տեքստերով եւ հեղինակային նկարներով տետրեր, խմբի ստուդիական ալբոմների գեղարւեստական ձեւաւորումներով նմուշներ, գովազդային աֆիշաներ եւ նոյնիսկ կոմիքսներ, որոնք ստեղծւել են «Pink Floyd»-ի երգերի մոտիւներով, թերթերում կոլեկտիւի ստեղծագործութեան տարբեր ժամանակաշրջանների վերաբերեալ արձագանգների հրապարակումներ, մասնակիցների բազմաթիւ լուսանկարներ, ստեղծագործութեան ամենատարբեր ժամանակաշրջաններում երաժիշտների հարցազրոյցների եւ համերգային շոուների տեսանիւթեր, համերգների ժամանակ օգտագործւած տարբեր գեղարւեստական կերպարներ:   

«Pink Floyd»-ի իւրաքանչիւր առանձին վերցւած ալբոմին, ներառեալ նաեւ կուլտային «The Dark Side of the Moon» (1973 թ.) ալբոմբը, ցուցահանդէսում յատկացւած է առանձին սրահ: 

Ցուցահանդէս կարելի կը լինի այցելել մայիսի 13-ից մինչեւ հոկտեմբերի 1-ը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։