Հա

Մշակոյթ

18/06/2017

Երեւանում կանցկացւի «Արմենիա» միջազգային առաջին մրցոյթ-փառատօնը

Հայաստանի պետական երիտասարդական նւագախմբի (ՀՊԵՆ) եւ Մշակոյթի աջակցութեան եւրոպական հիմնադրամի (European Foundation for Support of Culture) նախաձեռնութեամբ Երեւանում յուլիսի 4-12-ը կանցկացւի «Արմենիա» միջազգային առաջին մրցոյթ-փառատօնը:

«alikonline.ir» - Հայաստանի պետական երիտասարդական նւագախմբի (ՀՊԵՆ) եւ Մշակոյթի աջակցութեան եւրոպական հիմնադրամի (European Foundation for Support of Culture) նախաձեռնութեամբ Երեւանում յուլիսի 4-12-ը կանցկացւի «Արմենիա» միջազգային առաջին մրցոյթ-փառատօնը: Տեղեկացնում է «Արցախպրես»-ը:

ՀՊԵՆ հասարակայնութեան հետ կապերի բաժնից յայտնում են, որ մրցոյթին մասնակցելու հնարաւորութիւն կստանան մինչեւ 34 տարեկան դաշնակահարներ: Առաջին անգամ Հայաստանում անցկացւող մրցոյթի մրցանակային ֆոնդը 20 հազար եւրօ է (առաջին մրցանակ՝ 10 հազար եւրօ, երկրորդ մրցանակ՝ 5 հազար եւրօ, երրորդ մրցանակ՝ 3 հազար եւրօ եւ յատուկ մրցանակ՝ 2 հազար եւրօ):

Մրցոյթի ժիւրիի կազմում ընդգրկւած են յայտնի 5 երաժիշտ-կատարողներ աշխարհի տարբեր երկրներից: Հայաստանն այս հեղինակաւոր ստուգատեսին կը ներկայացնի յայտնի դաշնակահար, պրոֆեսոր Արմէն Բաբախանեանը:

Մրցոյթը բաղկացած է երկու փուլերից: Լաւագոյն 5 դաշնակահարները բացառիկ հնարաւորութիւն կը ստանան 2018 թւականին մասնակցելու Մալթայում անցկացւող դաշնակահարների միջազգային մրցոյթին՝ «Malta International Music Festival 2018»-ի շրջանակում:

Նշենք, որ «Արմենիա» միջազգային առաջին փառատօնի ընթացքում համերգներով հանդէս կը գան Հայաստանի պետական երիտասարդական նւագախումբը, Հայաստանի ազգային ֆիլհարմոնիկ նւագախումբը եւ Հայաստանի պետական կամերային նւագախումբը: Մրցոյթ-փառատօնի գեղարւեստական ղեկավար Սերգէյ Սմբատեանի փոխանցմամբ՝ սա այն եզակի դէպքերից է, երբ դասական երաժշտութիւնը համախմբում է Հայաստանում գործող լաւագոյն կոլեկտիւներին եւ աշխարհահռչակ մենակատարների:

Փառատօնային 9 համերգների ընթացքում ելոյթ կունենան հանրայայտ թաւջութակահար Նարեկ Հախնազարեանը, դաշնակահարներ Նարէ Արղամանեանն ու Ֆեոդոր Ռուդինը, ջութակահար Ռոման Կիմը եւ այլք:

Փառատօնի գալա համերգին՝ յուլիսի 12-ին, հանդէս կը գայ աշխարհահռչակ ջութակահար Մաքսիմ Վենգերովը, որի մասնակցութիւնն այս նախագծին ինքնին մեծ յաջողութիւն է:

 

Յարակից լուրեր

  • Արամ Ա-ի ձեռնադրման 50-ամեակին նւիրւած մեծ համերգ` Լիբանանում
    Արամ Ա-ի ձեռնադրման 50-ամեակին նւիրւած մեծ համերգ` Լիբանանում

    Ն.Ս.Օ.Տ.Տ. Արամ Ա կաթողիկոսին աբեղայական ձեռնադրութեան յիսնամեակը մեծ շուքով նշուեցաւ Պիքֆայայի Ս. Աստուածածին վանքի շրջափակին մէջ։ Լիբանանի պետական նուագախումբը, խմբավարութեամբ մայէսթրօ Յարութ Ֆազլեանի եւ մենակատարութեամբ աշխարհահռչակ սօփրանօ Յասմիկ Պապեանի, դիւթեցին Նահատակաց յուշարձանին առջեւ հաւաքուած հոծ բազմութիւնը, որմէ մաս մը ժամանած էր Սփիւռքի տարբեր գաղութներէն։

  • Հոգեւոր համերգ նւիրւած՝ Ս. Սարգիս առաջնորդանիստ մայր եկեղեցու օծման եւ կառուցման 45-ամեակին
    Հոգեւոր համերգ նւիրւած՝ Ս. Սարգիս առաջնորդանիստ մայր եկեղեցու օծման եւ կառուցման 45-ամեակին

    Թւականիս հինգշաբթի, 17 մայիսի երեկոյեան թեհրանահայերի համար լիովին տարբեր մի մթնոլորտ էր ստեղծւել, քանի որ Ս. Սարգիս առաջնորդանիստ մայր եկեղեցին տօնական ու զւարթագին մի ուրոյն իրավիճակում էր գտնւում, իր գրկում սեղմած ունենալով հաւատացեալ զաւակների մի հոծ բազմութիւն, որոնք եկել էին վայելելու ու ըմբոշխնելու Նրա կառուցման եւ օծման 45-ամեակին նւիրւած աննախադէպ հոգեւոր համերգն ու ընդհանուր ներկայացումը։

  • Սպահանի հայոց թեմի Կրօնական խորհրդի նախաձեռնութեամբ հոգեւոր երգերի համերգ՝ Նոր Ջուղայում
    Սպահանի հայոց թեմի Կրօնական խորհրդի նախաձեռնութեամբ հոգեւոր երգերի համերգ՝ Նոր Ջուղայում

    Սպահանի հայոց թեմի Կրօնական խորհրդի նախաձեռնութեամբ եւ Քրիստոնէական դաստիարակութեան խորհրդի կազմակերպութեամբ, չորեքշաբթի՝ 2018 թւականի մարտի 7-ի երեկոյեան, Նոր Ջուղայի Հայ Մ.Մ. «Արարատ» միութեան սրահում տեղի ունեցաւ հոգեւոր երգերի համերգ, ուր ընդգրկւած էին տաղեր, շարականներ, մեղեդիներ եւ հոգեւոր երգեր։

  • Շահինշահրի «Նարօտ» երիտասարդական երգչախմբի Ամանորեայ համերգը
    Շահինշահրի «Նարօտ» երիտասարդական երգչախմբի Ամանորեայ համերգը

    Բարձր հովանաւորութեամբ Սպահանի հայոց թեմի առաջնորդ գերպ. Տ. Սիփան ծ. վրդ. Քէչէճեանի եւ ղեկավարութեամբ Շահինշահրի հայ համայնքի հոգեւոր տեսուչ Տ. Անանիա ծ. վրդ. Գուճանեանի՝ կայացաւ համայնքի «Նարօտ» երիտասարդական երգչախմբի Ամանորեայ համերգը՝ ուրբաթ՝ 2017 թւականի դեկտեմբերի 29-ի երեկոյեան ժամը 7:30-ին՝ Ն. Ջ. Հայ մարզա-մշակութային «Արարատ» միութեան Շահինշահրի մասնաճիւղի սրահում: 

  • Ս. Ամենափրկիչ վանքի 18-ամեայ «Տաթեւ» երգչախմբի տարեկան համերգը՝ Նոր Ջուղայում
    Ս. Ամենափրկիչ վանքի 18-ամեայ «Տաթեւ» երգչախմբի տարեկան համերգը՝ Նոր Ջուղայում

    Տարիներ շարունակ բազմաթիւ բեմերից աշխոյժ ելոյթ ծաւալած Ս. Ամենափրկիչ վանքի «Տաթեւ» երգչախումբը բոլորեց իր 18-ամեակը։ 

    Սպահանի հայոց թեմի Կրօնական խորհրդի նախաձեռնութեամբ հիմնադրւած եւ մինչեւ այսօր նոյն խորհրդի հովանաւորութիւնը վայելած այս երգչախումբն անցնող 18 տարիների ընթացքում իր գործունէութեամբ արժանացել է արւեստասէր հանդիսատեսի գովեստին ու համակրանքին՝ ոչ միայն իր երիտասարդ անդամ-ուհիների գերազանց կատարումների, այլեւ նոյնպէս երիտասարդ ղեկավար մայեստրօ Համիկ Ալեքսանդրեանի անվերապահ ջանքերի շնորհիւ։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։