Հա

Մշակոյթ

Երեքշաբթի, 11 Յուլիսի 2017 12:20

Քարանձաւները վարձակալութեան տրամադրելու մրցոյթի յանձնաժողովը մասնակցի կարգավիճակ է շնորհել յայտ ներկայացրած բոլոր 5 հաւակնորդներին

Հայաստանի տարածքում գտնւող «Մագելանի», «Արջի», «Մոզրովի», «Արենի 1» («Թռչունների») եւ «Քարէ դռներ» քարանձաւները զբօսաշրջութեան նպատակով վարձակալութեան տրամադրելու մրցոյթի համապատասխան յանձնաժողովը մասնակցի կարգավիճակ է շնորհել յայտ ներկայացրած բոլոր 5 հաւակնորդներին։ 

«alikonline.ir» - Հայաստանի տարածքում գտնւող «Մագելանի», «Արջի», «Մոզրովի», «Արենի 1» («Թռչունների») եւ «Քարէ դռներ» քարանձաւները զբօսաշրջութեան նպատակով վարձակալութեան տրամադրելու մրցոյթի համապատասխան յանձնաժողովը մասնակցի կարգավիճակ է շնորհել յայտ ներկայացրած բոլոր 5 հաւակնորդներին։ Տեղեկացնում է «panorama.am»-ը: 

ՀՀ մշակոյթի նախարարութեան հաղորդմամբ, «Մագելան»-ի քարանաձաւը վարձակալելու համար մրցոյթի մասնակից է «Ինկար» ՍՊԸ-ն, «Արջի» քարանաձւի համար՝ «Վայրի բնութեան եւ մշակութային արժէքների պահպանման հիմնադրամը», Մոզրովի քարանձաւի վարձակալութեա համար՝ «Վայրի բնութեան եւ մշակութային արժէքների պահպանման հիմնադրամը» եւ «Տիեզերք» ՍՊԸ-ն, «Արենի 1»-ի համար՝ «Արենի-1 քարայր» կոնսորցիումը, «Քարէ դռներ»-ի համար՝ «Աղձ միջնադարեան էթնոմշակութային համալիր թանգարան» ՍՊԸ եւ «Արտեմիս» ԱԿ կոնսորցիումը։ 

ՀՀ մշակոյթի նախարար Արմէն Ամիրեանը յանձնարարել է մինչ յայտերի գնահատումը ձեւաւորել հնագէտների, ոլորտին առնչւող այլ մասնագէտների եւ ստեղծագործական երեւակայութեամբ օժտւած երիտասարդների խումբ, որը կայցելի այս հինգ յուշարձաններ եւ, հաշւի առնելով իւրաքանչիւր քարանձաւի առանձնայատկութիւններն ու պայմանները, առաջարկներ կը ներկայացնի, թէ զբօսաշրջային ինչպիսի իւրայատուկ, հետաքրքիր, գրաւիչ միջավայր պէտք է ապահովւի նրանցից ամէն մէկում։ Այդ առաջարկների հիման վրայ կամբողջացւի նախարարութեան պատկերացում-պատւէրը, որը եւս նշանակութիւն կունենայ մասնակիցների առաջարկները գնահատելիս եւ յաղթողին որոշելիս։

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։