Հա

Մշակոյթ

Երեքշաբթի, 15 Օգոստոսի 2017 11:50

Հրապարակւել է Վան Գոգի մասին կենսագրական ֆիլմի առաջին թրէյլերը

 Հոլանդացի նկարիչ Վինսենտ Վան Գոգի մասին պատմող եւ 7 տարի արտադրական գործընթացում գտնւող բացառիկ անիմացիոն ֆիլմի թրէյլերն արդէն հրապարակւել է: 

«alikonline.ir» - Հոլանդացի նկարիչ Վինսենտ Վան Գոգի մասին պատմող եւ 7 տարի արտադրական գործընթացում գտնւող բացառիկ անիմացիոն ֆիլմի թրէյլերն արդէն հրապարակւել է: Տեղեկացնում է «tert.am»-ը:

Ինչպէս նշում է «The Daily Mail»-ը՝ թրէյլերի, ինչպէս եւ ամբողջ ֆիլմի առանձնայատկութիւնն այն է, որ դրանք բաղկացած են Վան Գոգի վրձնին պատկանող կտաւների վերարտադրւած շարժանկարներից:

«Loving Vincent» խորագրով ֆիլմի ստեղծողները նկարչուհի Դորոտա Կոբիելան ու ռեժիսոր Հիւ Վելչմանն են: Նրանց համատեղ աշխատանքի պրեմիերան կայանալու է սեպտեմբերի 22-ին:

Պարբերականը նկատում է, որ պատրաստ լինելուց յետոյ այն կը լինի աշխարհում առաջին ձեռքով նկարւած անիմացիոն ֆիլմը: Ֆիլմի իւրաքանչիւր դրւագ ստեղծւել է Վան Գոգի իւղանկարների հիման վրայ՝ օգտագործելով տաղանդաշատ հոլանդացուն բնորոշ տեխնիկան:

Ընդհանուր առմամբ, ֆիլմում ներկայացւած է Վան Գոգի աւելի քան 120 կտաւ, որոնց վերաբերեալ շարժանկարները ստեղծւել են 125 նկարչի օգնութեամբ:

Յայտնի է, որ Դորոտա Կոբիելային նման ֆիլմ ստեղծելու հարցում ոգեշնչել է Վան Գոգի մտքերից մէկն առ այն, որ «նկարիչները կարող են խօսել միայն իրենց կտաւների միջոցով»: Ուստի՝ կինը որոշել է Վան Գոգի կտաւները միասին հաւաքել ու նրա կեանքի պատմութիւնը պատմել:

«Ամբողջ ֆիլմը նկարւել է ձեռքով: Նկարիչներն աշխատում էին օրական 7-10 ժամ»,- պատմել է կինը:

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։