Հա

Մշակոյթ

Հինգշաբթի, 05 Հոկտեմբերի 2017 11:20

Ա. Աբադ. ««Եւա» ֆիլմի հիմքում դրւած է այն ենթատեքստը, թէ ինչպէս կարելի է այդքան դաժան փորձութիւնից յետոյ մարդ մնալ»

Պատերազմներն այն արհաւիրքներն են, որոնց հետեւանքները շարունակւում են ու դեռ երկար, առաւել եւս՝ մեզ նման ժողովրդի համար, որ վերջին մի քանի հարիւրամեակում քանի անգամ է ճաշակել, մեր յիշողութեան մէջ մնում է պատերազմը, ու մեր ճակատագիրը խափանւում է: Այս մասին «Ազատութիւն» ռադիոկայանի եթերում ասել է «Եւա» հայ-իրանական ֆիլմի գլխաւոր ռեժիսոր եւ սցենարի հեղինակ Անահիտ Աբադը:

«alikonline.ir» - Պատերազմներն այն արհաւիրքներն են, որոնց հետեւանքները շարունակւում են ու դեռ երկար, առաւել եւս՝ մեզ նման ժողովրդի համար, որ վերջին մի քանի հարիւրամեակում քանի անգամ է ճաշակել, մեր յիշողութեան մէջ մնում է պատերազմը, ու մեր ճակատագիրը խափանւում է: Այս մասին «Ազատութիւն» ռադիոկայանի եթերում ասել է «Եւա» հայ-իրանական ֆիլմի գլխաւոր ռեժիսոր եւ սցենարի հեղինակ Անահիտ Աբադը: Գրում է «tert.am»-ը:

Նա տեղեկացրել է, որ ֆիլմի մտայղացումն առաջացել է 1999 թ., երբ Քարվաճառում էր:

«Սցենարներս «Քարվաճառ» կոչւեցին, ես, երբ որ մի բան եմ գրում, տիտր եմ դնում, օրինակ՝ մի սցենար ունեմ, որի անունը դրել եմ «Այրւած դոլմա», քանի որ երբ ուշ եկայ, տեսայ դոլման այրւել է»,- կատակել է Անահիտ Աբադը:

Նա պատմել է, որ երբ սցենարը դոկումենտալ տեսք է ստացել, «Քարվաճառ» անունով գրանցւել, այդ աշխատութիւնը ստացել է այդ անունը: Իսկ երբ սցենարի վերջին գրառումներն է կատարել, արդէն ծնւել է «Եւա» անւանումը:

«Պրոդիւսերի հետ որոշեցինք, որ նոր անւանման մասին յայտարարենք, երբ արդէն ֆիլմի նկարահանումն աւարտւի, որ չխափանենք: Ֆիլմի քարոզչութիւնը, լուրերի թողարկումը վաղուց, նախքան նկարահանելն ենք սկսել, հետեւաբար, որպէսզի մարդկանց մօտ այդ խափանումը չլինի, մարդկանց մօտ չստեղծւի կարծիք, որ սա երկու տարբեր ֆիլմ է, որոշեցինք նկարահանումից յետոյ յայտնել: Օրեր առաջ նոյնիսկ կարդացի, որ գրել էին Անահիտ Աբադի նախորդ ֆիլմ «Քարվաճառ»-ն ու վերջին ֆիլմ «Եւա»-ն: Այսինքն՝ այդքան նուրբ հարց է: Ֆիլմը դիտելուց կը համոզւէք, որ «Եւա»-ն ճիշտ անւանակոչում է»,- վստահեցրել է ռեժիսորը:

Նա նշեց, որ իր համար կարեւոր է, որ հանդիսատեսն իր ենթագիտակցութեամբ եւ գիտակցութեամբ զգայ այդ արհաւիրքը. «Զգայ հարցը, ենթատեքստը, թէ ինչպէս է դա սփռւում մարդու ճակատագրի վրայ, ինչպէս է մեզ հետ գալիս ու շարունակւում, ու երբեմն սերունդների փոխանցւում, ինչպէս է այդ պատերազմը մեր ճակատագրերը շեղում իր բնականոն հունից: Դրա մասին է այս ֆիլմը, ոչ թէ ուղղակի պատերազմի, այլ պատերազմի հետեւանքների»:

Անահիտ Աբադի խօսքով՝ «Եւա» ֆիլմի հիմքում դրւած է այն ենթատեքստը, թէ ինչպէս կարելի է այդքան դաժան փորձութիւնից յետոյ մարդ մնալ: Մարդ մնալը դժւար է: Մարդու ամենակարեւոր մարտահրաւէրներից մէկը մարդ մնալն է:

«Չէի ուզում, որ պատերազմի դաժանութիւնները ֆիլմում լինէին: Ֆիլմում շօշափւած ենթատեքստերն աշխարհում ամէն տեղ կան: Պատերազմը մի փուլ է, կատարւում ու անցնում է, իսկ ի՞նչ է կատարւում դրանից յետոյ: Դրանից յետոյ կայ տնտեսական արհաւիրք, կայ բարոյական տագնապ, կայ հասարակական վիճակ, կայ հոգեբանական վիճակ, պատերազմի հետեւանքը երեխաների վրայ, նրանք ինչպէս են դիմակայելու, պատերազմից յետոյ նրանց կեանքը բնականո՞ն է ընթանում: Ոչ, նրանց կեանքի հաւասարակշռութեան 0-ն ուրիշ տեղ է, հետպատերազմական վիճակն է 0-ն»,- ընդգծել է ռեժիսորը:

Յարակից Հրապարակումներ

  • «Եւա» հայ-իրանական արտադրութեամբ ֆիլմը՝ Թեհրանում
    «Եւա» հայ-իրանական արտադրութեամբ ֆիլմը՝ Թեհրանում

    Իրանահայ ռեժիսոր Անահիտ Աբադի «Եւա» հայ-իրանական համատեղ արտադրութեան ֆիլմը, որի պրոդիւսերն է Թաղի Ալի Ղոլիզադէն, յատուկ էկրանաւորմամբ ցուցադրւեց Թեհրանի «Ֆարաբի» ֆիլմարտադրութեան կենտրոնի «Աբբաս Քիառուսթամի» դահլիճում:

  • «sydneysbuzz.com»-ն անդրադարձել է Անահիտ Աբադի «Եւա»-ին
    «sydneysbuzz.com»-ն անդրադարձել է Անահիտ Աբադի «Եւա»-ին

    Ամերիկեան «sydneysbuzz.com»-ն անդրադարձել է «Եւա» կինոյին, որն այս տարի ընդգրկւել է «Օսկար» մրցանակաբաշխութեան «Լաւագոյն օտարալեզու ֆիլմ» անւանակարգի վերջնական ցանկում: «sydneysbuzz.com»-ի յօդւածագիր Սիդնի Լեւինը նկատել է, որ իրանահայ Անահիտ Աբադը, այն 27% կանանց թւում է, ում ֆիլմն ընդգրկւել է սոյն անւանակարգում:

  • «Եւա» ֆիլմն ընդգրկւել է Օսկար մրցանակաբաշխութեան նախընտրական ցանկում
    «Եւա» ֆիլմն ընդգրկւել է Օսկար մրցանակաբաշխութեան նախընտրական ցանկում

    Ամերիկեան կինոակադեմիան հրապարակել է Օսկար ամենամեայ մրցանակաբաշխութեան 90-րդ «Լաւագոյն օտարալեզու ֆիլմ» անւանակարգի համար հաստատւած յայտերի ցանկը, որում ընդգրկւած է նաեւ Հայաստանը: 

  • Թեհրանի կինոյի ռեժիսորների օգնականների եւ ծրագրաւորողների արհմիութիւնը շնորհաւորել է Անահիտ Աբադին
    Թեհրանի կինոյի ռեժիսորների օգնականների եւ ծրագրաւորողների արհմիութիւնը շնորհաւորել է Անահիտ Աբադին

    Թեհրանի կինոյի ռեժիսորների օգնականների եւ ծրագրաւորողների արհմիութիւնը շնորհաւորել է իրանահայ ճանաչւած ռեժիսոր Անահիտ Աբադին՝ Հայաստանի կողմից Ամերիկեան կինոակադեմիայի`«Օսկար» ամենամեայ մրցանակաբաշխութեան «Լաւագոյն օտարալեզու ֆիլմ» անւանակարգի համար նրա նկարահանած «Եւա» ֆիլմը ներկայացնելու կապակցութեամբ

  • «Եւա»-ն՝ «Mill Valley Film Festival»-ում
    «Եւա»-ն՝ «Mill Valley Film Festival»-ում

    Կինոյի ոլորտում հայ-իրանական առաջին լիարժէք արտադրութիւնը համարւող իրանահայ կինոբեմադրիչ Անահիտ Աբադի «Եւա» գեղարւեստական ֆիլմը ցուցադրւելու է «Միլ Վալի»-ի 40-րդ միջազգային փառատօնի «Համաշխարհային կինօ» անւանակարգում:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։