Հա

Մշակոյթ

30/11/2017 - 09:30

Հայոց Ցեղասպանութեան մասին ֆիլմի երաժշտութիւնն առաջադրւած է «Գրեմի» մրցանակի

Հայոց Ցեղասպանութեան մասին պատմող հոլիվուդեան «Խոստումը» ֆիլմի համանուն սաունդթրեքը, որի հեղինակն ու կատարողը յայտնի ռոք երաժիշտ Քրիս Քորնէլն է, առաջադրւել է «Գրեմի» մրցանակի: 

«alikonline.ir» - Հայոց Ցեղասպանութեան մասին պատմող հոլիվուդեան «Խոստումը» ֆիլմի համանուն սաունդթրեքը, որի հեղինակն ու կատարողը յայտնի ռոք երաժիշտ Քրիս Քորնէլն է, առաջադրւել է «Գրեմի» մրցանակի: Ինչպէս հաղորդում է «Արմէնպրես»-ը, այս մասին յայտնում է մրցանակաբաշխութեան պաշտ»նական կայքը:

Քորնէլի «Խոստումը» երգը առաջադրւած է «Լաւագոյն ռոք կատարում» անւանակարգում:

Յայտնի ռոք երաժիշտ Քրիս Քորնէլը մահացել է 2017 թւականի մայիսին՝ կեանքի 52-րդ տարում:

Նա յայտնի է որպէս «Soundgarden» ռոք խմբի գիթառահար ու երգահան:

Նա հեղինակել էր «Խոստումը» երգը Հայոց Ցեղասպանութեան մասին պատմող հոլիվուդեան համանուն ֆիլմի համար: Խօսելով ֆիլմի մասին՝ երգիչն ասել էր. «Մենք պէտք է տեղեակ լինենք անցեալում տեղի ունեցած դէպքերի մասին: Դա շատ կարեւոր է ինձ համար, քանի որ մենք չենք պատմում պարզապէս մէկդարեայ հնութեան պատմութիւն, մենք խօսում ենք այն պատմութեան մասին, որը տեղի է ունենում այսօր»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։