Հա

Մշակոյթ

Հինգշաբթի, 28 Դեկտեմբերի 2017 08:44

«80 տարի Լորիս Ճգնաւորեան». հնչելու են մայեստրոյի՝ իրանական լսարանին քիչ ծանօթ ստեղծագործութիւնները

Թեհրանի Վահդաթ համերգասրահում, «80 տարի Լորիս Ճգնաւորեան» միջոցառման շրջանակներում հնչելու են մայեստրոյի մինչ այժմ չհնչած երաժշտական ստեղծագործութիւնները

«alikonline.ir»- Թեհրանի Վահդաթ համերգասրահում, «80 տարի Լորիս Ճգնաւորեան» միջոցառման շրջանակներում հնչելու են մայեստրոյի մինչ այժմ չհնչած երաժշտական ստեղծագործութիւնները: Ինչպէս տեղկացնում է ԻՌՆԱ-ն՝ այս մասին յայտնել է Մշակութային եւ գեղարւեստական հաստատութեան տնօրէն Նասիմ Շոջաին՝ անւանի երաժշտագէտ, խմբավար եւ կոմպոզիտոր Լորիս Ճգնաւորեանի մեծարման յոբելեանական շաբաթւայ ծրագրերի ներկայցման կապակցութեամբ հրաւիրւած մամլոյ ասուլիսի ընթացքում:

Նա տեղեկացրել է, որ 2018 թւականի յունւարի 4-5-ին նախատեսւած երկու համերգների ընթացքում հնչելու են մայեստրոյի՝ մինչ այժմ իրանցի հանդիսատեսին քիչ ծանօթ ստեղծագործութիւնները:

«Համերգների ընթացքում ներկայացւելու են ստեղծագործութիւններ, որոնք մեծ ճանաչում ունեն միջազգային ասպարէզում, սակայն Իրանում շատ չեն հնչել»,- նշել է Նասիմ Շոջաին՝ յաւելեով, որ մայստրոն դրանք հիմնակնում ստեղծել է երիտասարդ տարիքում, երբ դեռ ուսանում էր Վիեննայում:

Յատկանշական է, որ համերգների ընթացքում հնչելու է նաեւ Հայոց ցեղասպանութեանը նւիրւած մայեստրոյի «Ռեքւիեմ» ստեղծագործութիւնը:

Կատարւելու են նաեւ նրա «Ֆանտաստիկ պար» բալետն ու «Փարդիս ու Փարիսա» օպերան, եւ ցուցադրւելու է «Գիւմրիի ուխտագնացութիւն» տեսաֆիլմը, որը նւիրւած է 1988 թւականի Սպիտակի աւերիչ երկաշարժից յետոյ մայեստրոյի կազմակերպած դրամահաւաքին եւ դէպի Գիւմրի կատարած ոտքով ուղեւորութեանը:

 

Յարակից Հրապարակումներ

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։