Հա

Մշակոյթ

20/01/2018 - 11:30

Լոս Անջելէսում ճաշկերոյթ է կազմակերպւել «Գրեմմի»-ի յաւակնորդներ Տիգրան Մանսուրեանի եւ Կոնստանտին Օրբէլեանի պատւին

Յունւարի 13-ին Լոս Անջելէսում կազմակերպւած տօնական ճաշկերոյթի ժամանակ հայ համայնքը յարգանքի տուրք է մատուցել երկու հայ երաժիշտներին՝ Տիգրան Մանսուրեանին եւ Կոնստանտին Օրբէլեանին՝ «Գրեմմի» հեղինակաւոր մրցանակաբաշխութեանն առաջադրւելու կապակցութեամբ: 

«alikonline.ir» - Յունւարի 13-ին Լոս Անջելէսում կազմակերպւած տօնական ճաշկերոյթի ժամանակ հայ համայնքը յարգանքի տուրք է մատուցել երկու հայ երաժիշտներին՝ Տիգրան Մանսուրեանին եւ Կոնստանտին Օրբէլեանին՝ «Գրեմմի» հեղինակաւոր մրցանակաբաշխութեանն առաջադրւելու կապակցութեամբ:

Ըստ «tert.am»-ի՝ ինչպէս հաղորդում է «Ասպարէզ»-ը, ճաշկերոյթին ներկայ են գտնւել մշակութային ոլորտի առաջնորդներն ու երաժշտասերները: Բացման խօսքով հանդէս է եկել Լոս Անջելէսի Կալիֆորնիայի համալսարանի հայագիտութեան ամբիոնի պրոֆեսոր Փիթեր Քոուն՝ ներկայացնելով երաժշտական մրցանակի յաւակնորդների կենսագրութիւնները, ձեռքբերումներն ու արժանիքները:

Յիշեցնենք, որ ժողովրդական արտիստ, կոմպոզիտոր Տիգրան Մանսուրեանի «Ռեքւիէմ» ստեղծագործութիւնն առաջադրւել է «Գրեմմի»-ի երկու անւանակարգում՝ «Լաւագոյն երգչախմբային կատարում» եւ «Լաւագոյն ժամանակակից դասական ստեղծագործութիւն»: 

Համաշխարհային ճանաչում ունեցող դաշնակահար, խմբավար եւ ՌԴ պատւաւոր արտիստ Կոնստանտին Օրբէլեանի «Սւիրիդով. հեռացող Ռուսաստան» սկաւառակն առաջադրւել է «Լաւագոյն դասական վոկալային սոլո ալբոմ» անւանակարգում։ 

Երաժշտական մրցանակաբաշխութեան 60-րդ յոբելեանական միջոցառումը տեղի կունենայ Նիւ Եօրքի «Madison Square Garden» բեմում յունւարի 28-ին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։