Հա

Մշակոյթ

Շաբաթ, 03 Փետրւարի 2018 14:50

Իրանական ժամանակակից պոէզիային նւիրւած «Ակներ ակներեւ» հանրութեան դատին

Իրանի Իսլամական Հանրապետութեան յեղափոխութեան յաղթանակի տարեդարձին նւիրւած միջոցառումների շրջանակում` ՀՀ ԳԱԱ Մանուկ Աբեղեանի անւան գրականութեան ինստիտուտի, Հայաստանի գրողների միութեան եւ Հայաստանում Իրանի Իսլամական Հանրապետութեան դեսպանութեան մշակոյթի կենտրոնի նախաձեռնութեամբ, փետրւարի 2-ին գրականութեան ինստիտուտում տեղի ունեցաւ«Իրանի յեղափոխութեան ազդեցութիւնը ժամանակակից իրանական գրականութեան վրայ» խորագրով քննարկում: Դրան յաջորդեց Իրանի ժամանակակից պոէզիային նւիրւած «Ակներ ակներեւ» գրքի շնորհանդէսը (թարգմանիչ՝ Վարանդ (Սուքիաս Քիւրքչեան):

«alikonline.ir» - Իրանի Իսլամական Հանրապետութեան յեղափոխութեան յաղթանակի տարեդարձին նւիրւած միջոցառումների շրջանակում` ՀՀ ԳԱԱ Մանուկ Աբեղեանի անւան գրականութեան ինստիտուտի, Հայաստանի գրողների միութեան եւ Հայաստանում Իրանի Իսլամական Հանրապետութեան դեսպանութեան մշակոյթի կենտրոնի նախաձեռնութեամբ, փետրւարի 2-ին գրականութեան ինստիտուտում տեղի ունեցաւ«Իրանի յեղափոխութեան ազդեցութիւնը ժամանակակից իրանական գրականութեան վրայ» խորագրով քննարկում: Դրան յաջորդեց Իրանի ժամանակակից պոէզիային նւիրւած «Ակներ ակներեւ» գրքի շնորհանդէսը (թարգմանիչ՝ Վարանդ (Սուքիաս Քիւրքչեան):

«Մեր երկրի յաղթանակն է, որ առաջիկայ տասը օրերի ընթացքում պատրաստւում ենք տօնել: Այդ տասնօրեակի շրջանակում որոշել ենք կազմակերպել նաեւ գիտական հանդիպում` նւիրւած Իրանի ժամանակակից գրականութեանը: Իսկ այսօր կը քննարկենք յեղափոխութեան ազդեցութիւնը գրականութեան վրայ ինչպէս նաեւ կը ներկայացնենք իրանական գրականութիւնը` հայ թարգմանչի միջոցով»,-հանդիսութեան բացմանը նշեց Հայաստանում Իրանի Իսլամական Հանրապետութեան դեսպանութեան մշակոյթի խորհրդական, մշակոյթի կենտրոնի ղեկավար Մոհամադ Ռեզա Հէյդարին:

«Ակներ ակներեւ» գրքում, գրականութեան ինստիտուտի տնօրէն Վարդան Դեւրիկեանի բնութագրմամբ, զետեղւած են բանաստեղծութիւններ, որոնք ներկայացնում են 19-րդ դարավերջից մինչեւ 20-րդ դարասկզբի բանաստեղծական մտածողութեան աւանդների զարգացման ընթացքը: «Ամէն բան դրսեւորում է ստացել ըստ ժամանակային խնդիրների ու մտածողութեան մէջ, որում եւ կայանում է իրանական գրականութեան կենսունակութիւնը»,- նշեց գրականագէտը:

Ինչպէս մեզ հետ զրոյցում նշեց ՀԳՄ նախագահ Էդւարդ Միլիտոնեանը, վերջին տարիներին Հայաստանի գրողների միութիւնում յաճախակի են կազմակերպւում հանդիպումներ իրանցի գրողների հետ, որոնց շրջանակում տեղի են ունենում նաեւ պարսկերէնից թարգմանւած գրքերի շնորհանդէսներ: Իրանում էլ, զուգահեռաբար, հրատարակւում են հայ հեղինակների գրքեր: Թեհրանի «Աֆրազ» հրատարակչութիւնը վերջին մի քանի տարում լոյս է ընծայել եօթ հայ բանաստեղծների ժողովածուներ: «Թեհրանի մշակութային կենտրոնի տնօրէն Ալիռեզա Ղազւէի հետ հանդիպման ժամանակ որոշեցինք Հայաստանում տպագրել ժամանակակից պարսից գրականութեան անթոլոգիա, իսկ իրենք կը հրատարակեն` «Հայ գրողները Պարսկաստանի մասին» գիրք, որն այժմ ընթացքի մէջ է»,- տեղեկացրեց Է. Միլիտոնեանը:

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։