Հա

Մշակոյթ

17/02/2018

«Ուզում եմ սուզւել կնոջ զգացմունքների խորքերը». հարցազրոյց դիզայներ Անետ Ղարախանեանի հետ

Նրա համար ինքնաբացայայտման պահը, հէնց վաղ մանկութիւնն էր, երբ արւեստի մէջ չէր տեսնում ոչ մի տարօրինակ եւ անսովոր բան: Նրա կեանքը լի է երեւակայութիւններով եւ ստեղծականութեամբ: Անետը, թէեւ մասնագիտութեանբ ճարտարապետ է՝ եւ ոչ պայուսակների դիզայներ, սակայն նրա նախագծերը ճարտարապետի մտածելակերպով դիզայների ներդաշնակ արտացոլանքն է, ով կարեւորում է կնոջ ստեղծագործ կերպարն ու նախագծելիս զգում է մանկական ազատութիւն:

«alikonline.ir» - Նրա համար ինքնաբացայայտման պահը, հէնց վաղ մանկութիւնն էր, երբ արւեստի մէջ չէր տեսնում ոչ մի տարօրինակ եւ անսովոր բան: Նրա կեանքը լի է երեւակայութիւններով եւ ստեղծականութեամբ: Անետը, թէեւ մասնագիտութեանբ ճարտարապետ է՝ եւ ոչ պայուսակների դիզայներ, սակայն նրա նախագծերը ճարտարապետի մտածելակերպով դիզայների ներդաշնակ արտացոլանքն է, ով կարեւորում է կնոջ ստեղծագործ կերպարն ու նախագծելիս զգում է մանկական ազատութիւն: Մենք զրուցել ենք 27-ամեայ Անետ Ղարախանեանի հետ: Նա աւարտելով «eastlondon» համալսարանի կանաչ տարածքների ճարտարապետական ֆակուլտետի մագիստրատուրան շարունակեց քայլել իր մանկութեան երազանքների հետքերով:

 

- Անետ, պատմիր ինչպէ՞ս որոշեցիր դառնալ դիզայներ, եւ որոնք եղան քո առաջին քայլերը երազանքդ իրականացնելու ճանապարհին:

- Գիտէք, համոզւած եմ, որ մարդու հարստութիւնն իր զբաղմունքից անկեղծ հաճոյք ստանալն է: Կարծում եմ, որ միշտ էլ գիտակցել եմ դիզայներ դառնալու ցանկութիւնս, նոյնիսկ փոքր հասակում: Երբեք ստիպւած չեմ եղել նստել եւ մտածել այդ մասին, ուղղակի վերցնում էի մկրատը կտրատում ջինզերս, ու դրանց նորովի շունչ հաղորդում վերածելով պայուսակների: Ես հաճոյք էի ստանում դրանից ու երկար չէի մտածում: Մի խօսքով, սկզբում, հետաքրքրութեանս որպէս մասնագիտութիւն չէի վերաբերւում. բանն այն է, որ երբ սկսում էք անել այն, ինչը սիրում էք, ձեզ շրջապատող աշխարհն անհետանում է: Կարծում եմ առաջին քայլերս, հէնց մանուկ հասակում էր ոնց, որ այն ժամանակ լաւ գիտէի թէ ինչով եմ զբաղւելու ապագայում:

 

- Պատմիր, քո բրենդի՝ «geodie»-ի ստեղծման մասին:

- «Geodie»-ի ստեղծումը շատ պատահական ստացւեց: Ես յաճախ նախագծում էի, կրածս հագուստները, որտեղ էլ յատուկ ուշադրութիւն էի դարձնում հէնց պայուսակներին: Պայուսակը միշտ ինձ հետ էր ու այն նման էր գաղտնիքների արկղի, մշտական ընկերի: Կարծում եմ պայուսակը, որպէս կանանց յաւերժական ընկեր պէտք է բաւարարի նաեւ նրանց զգացմունքները: Պայուսակներս շատերին էր հետաքրքում: Յաճախ ընկերներս խնդրում էին իրենց համար էլ նախագծել ու այդպէս աւելանում էր պահանջարկն: Հէնց այդ ժամանակ էլ որոշեցի դրանց տալ իմ բրենդի անւանումը՝ «geodie»-ն:

- Անետ, պայուսակներ ստեղծելիս ի՞նչն է քեզ ամենից շատ ոգեշնչում:

- Կարծում եմ, պայուսակն ամբողջական է դարձնում կնոջ կերպարը, նրան յաւելեալ խորհրդաւորութիւն հաղորդում: Ես փորձում եմ «geodie»-ով, կանանց իւրայատուկ լինելու զգացողութիւն հաղորդել: Վեր հանել նրանց, զգացողութեան օրգանները, որոնք հնարաւորութիւն են տալիս ընկալել շրջակայ միջավայրի առարկաներն ու զգալ դրանց հիմնական բնոյթը, ձեւը, գոյնը, ջերմութիւնը, կոշտութիւնը, հոտն ու ձայնը: «Geodie»-ում յաճախ օգտւում եմ փայտերից, հէնց դրա ձայնի համար: Բանն այն է, որ երբ փայտից ու կաշւից պատրաստւած պայուսակը տեղադրես լսւում է իւրայատում մի ձայն: Ինձ դա դուր է գալիս: Գիտէք, մարդն առանց հինգ զգայարանների չի կարող ապրել: Երբ հինգ զգայարանները չկան մարդու ուղեղն անջատւում է եւ նա էլ չի կարող ապրել: «Geodie»-ն էլ՝ հէնց ոգեշնչւած է մարդկային զգայատանների նրբութեամբ, դրանց միաւորելու ներդաշնակութեամբ:

 

- Անետ, դու մասնակցել ես «Փարիզ»-ի նորաձեւութեան ցուցադրութիւններին, վերջերս ցուցադրութիւն ես ունեցել նաեւ Հայաստանում:

- Այո, Փարիզում եղել եմ մէկ անգամ: Այնտեղ «geodie»-ն վայելում է մեծ պահանջարկ: Փարիզի նորաձեւութեան ցուցադրութիւնն օրիգինալ էր: Գիտէք Փարիզում աւելի հեշտ է, այնտեղ կան նորաձեւութեան կանոններ, որոնց կամ պէտք է հետեւել կամ էլ, նորից պէտք է հետեւել, չկայ այլ ընտրանք: Իսկ ինչ վերաբերւում է Հայաստանի ցուցադրութեանը, երեք դիզայներ հանրութեանն ներկայցել էինք մեր բրենդներով: «geodie»-ն էլ, այնտեղ էր՝ Հայաստանում առաջին անգամ: Կոնկրետ ինձ համար, կասեմ, որ ցուցադրութիւնն առանցքային էր, յոյզերով լի, իսկ հէնց՝ հայ հասարակութեանն ներկայանալը պարտւաւորեցնող է, միաժամանակ երազանքների իրականանալու պէս մի բան:

- Իսկ ո՞ր միտքն է քեզ ամենից շատ առաջ մղում:

- Գիտէք, զարգացումը մոլուցքի պէս մի բան է, երբ դու առաջին իսկ րոպէից գիտես, որ ամբողջ աշխատանքը գերազանց է ստացւում, դա հսկայական ուրախութիւն է պարգեւում: Այդ զգացողութիւնը գրեթէ անհնար է փոխանցել: Դա լիարժէք բաւարարւածութեան զգացողութեան համադրութիւնն է յուզմունքի հետ՝ պատճառելով իւրաքանչիւր նեարդի ծայրայեղ լարում:

 

- Ի՞նչ պլաններ ունես ապագայի համար:

Ապագայ ծրագրերս շատ են, չեմ սիրում ժամանակից առաջ ընկնել, բայց կարծում եմ բոլորիս այսօրւայ աշխատանքը դա վաղւայ օրւայ յաջողութեան գրաւականն է: Առջեւում կը լինեն նոր հաւաքածուներ, նոր ցուցադրութիւններ, նոր յաճախորդներ:

 

- Անետ, ի՞նչ խորհուրդներ կը տաս այն երիտասարդներին, որոնք ցանկանում են զբաղւել դիզայների մասնագիտութեամբ:

- Եթէ դուք ունէք լաւ գաղափար, իրականացրէք այն, ստեղծէք ձեր աշխարհը, ձեր կարիերան եւ երբեք մի վախեցէք, մի վախեցէք զարգացնել ձեր երեւակայութիւնը: Բացի վախի, կասկածի եւ ինքնաբաւարարման ճանապարհից կայ այլ ճանապարհ, որը բերում է յաջողութիւն: Պէտք է յաղթահարել վախն ու սեփական թոյլութիւնները վերածել ուժի:

 

Հնարաւոր է, յաջողութեան հասնելու առաւել կարեւոր գործօնը համառութիւնն ու ազատ երեւակայութեան ուժն է, դրա առաւել վառ օրինակներից մէկն Անետն է: Նա ստեղծել է պայուսակների գեղեցիկ հաւաքածուներ՝ օգտագործելով այն ուժը, այն ընդունակութիւնը, որը թոյլ է տալիս վերաիմաստաւորել մեր կեանքը: Դրական պահն այստեղ այն է, որ մենք միշտ կարող ենք զարգացնել երեւակայութիւնը:

Զրոյցը՝ ՍԻՒՆԷ ՖԱՐՄԱՆԵԱՆԻ

Image Gallery

{gallery}45344{/gallery}

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։