Հա

Մշակոյթ

11/03/2018 - 09:30

Փարաջանովն ու քրէական աշխարհը. ինչպէս Պլիսեցկուն վերադարձրին գողացած աւտոմեքենան

Հանճարեղ ռեժիսոր Սերգէյ Փարաջանովին Վրաստանում յարգում էին բոլորը, նրա օգնութեանն է դիմել նաեւ բալետի յայտնի պարող Ալեքսանդր Պլիսեցկին։

Յարգանքը, որ յայտնի ռեժիսոր Սերգէյ Փարաջանովը վայելում էր Վրաստանում, այդ թւում քրէական աշխարհում, թոյլ տւեց վերադարձնել բալետի պարող Ալեքսանդր Պլիսեցկու գողացած աւտոմեքենան:

«alikonline.ir» - Հանճարեղ ռեժիսոր Սերգէյ Փարաջանովին Վրաստանում յարգում էին բոլորը, նրա օգնութեանն է դիմել նաեւ բալետի յայտնի պարող Ալեքսանդր Պլիսեցկին։

Յարգանքը, որ յայտնի ռեժիսոր Սերգէյ Փարաջանովը վայելում էր Վրաստանում, այդ թւում քրէական աշխարհում, թոյլ տւեց վերադարձնել բալետի պարող Ալեքսանդր Պլիսեցկու գողացած աւտոմեքենան: Այս մասին ըստ «tert.am»-ի՝ գրում է «Ռուսական թերթը»։

«ԱՍՏ»-ում մարտի վերջին լոյս կը տեսնի Ազարիա Պլիսեցկու «Կեանքը բալետում։ Պլիսեցկիների եւ Մեսերերների ընտանեկան պատմութիւնները» գիրքը։ Լիլիա Բրիկին նւիրւած գլուխներից մէկում Պլիսեցկին պատմում է Փարաջանովի հետ ծանօթանալու մասին։

«Լիլիայի միջոցով ծանօթացայ Սերգէյ Փարաջանովի հետ։ Սկզբում յարաբերութիւններն այդքան էլ սերտ չէին, մենք աւելի մտերմացանք Կիեւում, որտեղ եղբօրս` Ալիկի հետ 1970-ականներին «Կարմէն» էինք բեմադրում, եւ որտեղ երկար տարիներ ապրում էր Սերգէյը։ Ինչ խօսք, Փարաջանովն արտասուոր անձնաւորութիւն էր, մեծ երեւակայութիւնների տէր մարդ»,- գրում է Պլիսեցկին։

Նա յիշում է, որ Փարաջանովն ուկրայինական ասեղնագործ վերնաշապիկ նւիրեց նրանց, եղբայրներն էլ ռեժիսորին հրաւիրեցին «Կարմէն»-ի պրեմիերային։ Երբ հանդիսատեսը վերջում արտիստներին ծափողջոյներ յղեց, Փարաջանովը պարտեր դուրս եկաւ, մէջքով կանգնեց բեմին ու սկսեց ծափահարել օթեակում նստած եղբայրներին։

«Եթէ խորհրդային տարիներին մարդկանց մեծամասնութիւնը փորձում էր լեզուն ատամների տակ պահել, Փարաջանովը, հակառակը, ասում էր այն, ինչ մտածում էր ու վնասում իրեն։ 1973 թւականին նրան ձերբակալեցին։ Նրան վաղաժամկէտ ազատեցին հիմնականում հէնց Լիլիա Բրիկի շնորհիւ, որը Փարաջանովին ազատելու համար հասարակական մեծ արշաւ կազմակերպեց»,- գրում է Պլիսեցկին։

Նրա խօսքով` բանտից դուրս գալուց յետոյ Փարաջանովը մեկնեց Թբիլիսի, Վրաստանում նրան պաշտում էին։

«Այնտեղ Սերգէյին բոլորը յարգում էին, այդ թւում` քրէական հեղինակութիւնները, ինչը թոյլ տւեց օգնել Ալիկին։ Եղբայր պէտք է վաճառեր իր աւտոմեքենան։ Շատ արագ գնորդ յայտնւեց։ Ինչ-որ վրացի էր, որը լիազօրագրով ձեռք բերեց աւտոմեքենան եւ առանց վճարելու գողացավ այն ու տարավ Զուգդիդի։ Ալիկն այդ մասին պատմեց Փարաջանովին»,- գրում է Պլիսեցկին։

Նրա խօսքով` միայն իրեն յայտնի ձեւերով Փարաջանովին յաջողւեց ստիպել գողին վերադարձնել աւտոմեքենան։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։