Հա

Մշակոյթ

14/07/2018 - 10:50

Ամերիկահայ ռեժիսորը Հայոց Ցեղասպանութեանը վերաբորող ֆիլմ կը նկարահանի Հայաստանում

Ամերիկահայ ռեժիսոր Ռոբերտ Դերանեանը մտադիր է 1915 թւականի Հայոց Ցեղասպանութեան մասին ֆիլմ նկարահանել Հայաստանում: Նա ցանկանում է կինոժապաւէնում ներգրաւել ինչպէս արտասահմանցի, այնպէս էլ հայ դերասանների:

«alikonline.ir» - Ամերիկահայ ռեժիսոր Ռոբերտ Դերանեանը մտադիր է 1915 թւականի Հայոց Ցեղասպանութեան մասին ֆիլմ նկարահանել Հայաստանում: Նա ցանկանում է կինոժապաւէնում ներգրաւել ինչպէս արտասահմանցի, այնպէս էլ հայ դերասանների:

Այս եւ «Ոսկէ ծիրան» կինոփառատօնին մասնակցութեան մասին «Արմէնպրես»-ի թղթակիցը զրուցել է Դերանեանի հետ:

«Ձգտում եմ պատմական-վաւերագրական կողմից ներկայացնել Հայոց Ցեղասպանութիւնը: Կինոնկարը հիմնւած կը լինի մի յուշագրութեան վրայ:  Ինձ հետ Հայաստան կը բերեմ ստեղծագործող եւ նկարահանող անձնակազմին, բայց ցանականում եմ ֆիլմում ընդգրկել նաեւ հայ դերասանների»,- ասաց նա:

Ռեժիսորի խօսքով` կը ստեղծեն գիւղի պատկեր, որտեղ տեղի ունեցող գործողութիւնները ցոյց կը տան, թէ ինչ է կատարւել 1915-ին: Ուզում եմ` մարդկանց լայն շրջանակն իմանայ այդ պատմական իրողութեան մասին»,- ընդգծեց նա:

Անդրադառնալով այս տարի «Ոսկէ ծիրան» կինոփառատօնին մասնակցութեանը` Դերանեանն ասաց, որ առաջին անգամ է փառատօնի մաս կազմում, բայց նախկինում բազմիցս եղել է Հայաստանում:

«Այն ֆիլմը` «Տաբուն»-ն, որն այս տարի ներկայացրել եմ կինոփառատօնի հայկական համայնապատկեր բաժնում, շատ նման է Ռոմէոյի եւ Ջուլիետի պատմութեանը: Թեման Հայաստանն ու Թուրքիան են: Փորձել եմ աւելի թարմ եւ երկու տեսանկիւնից ներկայացնել 1915-ին կատարւած իրադարձութիւնները, դրանց ազդեցութիւնը ներկայիս սերնդի վրայ: Կինոժապաւէնում ամերիկահայ ուսանողը սիրահարւում է թուրք ուսանողուհուն: Աղջիկը, ի տարբերութիւն տղայի, աղոտ պատկերացում ունի կատարւած դէպքերի մասին»,- ներկայացրեց Դերանեանը:

Ռեժիսորը նշեց, որ կինոնկարը ցուցադրւել է Կալիֆորնիայում եւ Ֆլորիդայում: «Չեմ կարող ասել հանդիսատեսի շարքերում եղե՞լ են թուրքեր, թէ ոչ, բայց հայ արւեստասէրներն այն շատ են հաւանել:

Այս պատմութեան մէջ չի ժխտւում Հայոց Ցեղասպանութեան իրողութիւնը: Խնդիրը հետեւեալն է. այնպէս ասել ու պատմել դրա մասին, որ դիմացինը կարողանայ ընկալել դա: Ֆիլմում չեմ ասում թուրք աղջիկն ի վերջոյ հասկանու՞մ է՝ ինչ է կատարւել, թէ ոչ:

Կարծում եմ, որ արդար եւ ազատամիտ թուրքերն ի վերջոյ կընդունեն եղելութիւնը»,-եզրափակեց ռեժիսորը:

Ռոբերտ Դերանեանը  կինոարւեստ է դասաւանդում Կայզէր համալսարանի Ֆլագշիփ ուսանողական աւանում: Որպէս սցենարի հեղինակ, ռեժիսոր եւ պրոդիւսեր նշանակալի փորձ ունի թէ՛ գեղարւեստական, թէ՛ վաւերագրական կինոյում (կարճամետրաժ, լիամետրաժ, կորպորատիւ): Գիտական աստիճան ունի «արհեստական ինտելեկտ եւ պլազմային ֆիզիկա» մասնագիտացմամբ: Ի սպաս դնելով գիտութեան եւ ճարտարագիտութեան ասպարէզների իր գիտելիքները՝ նկարահանում է ֆիլմեր, որոնք թէ՛ լուսաբանող են, թէ՛ ժամանցային: Դերանեանը նաեւ մոնտաժող է, ինչպէս եւ շատ այլ դերեր է ստանձնել նկարահանման հրապարակում եւ դրանից դուրս, ներառեալ բիւջէի, պլանաւորման, նկարահանման տարածքի կազմակերպման, նկարչական ձեւաւորման ոլորտներում՝ արտաէայտելով ֆիլմ ստեղծելու իր եռանդն ու կիրքը:

Նրա ֆիլմերն են` «Եզակիութեան սկզբունքը», «Երաժշտութիւն առ խենթութիւն. Կոմիտասի պատմութիւնը», «Երկրորդ օրէնքը»:

Յարակից լուրեր

  • Ակնարկ. Ուաշինկթընի հետեւողական պահուածքը խնդրոյ խռարկայ է
    Ակնարկ. Ուաշինկթընի հետեւողական պահուածքը խնդրոյ խռարկայ է

    Հայաստանի Հանրապետութեան մէջ Միացեալ Նահանգներու դեսպանին կատարած յայտարարութիւնը թէ՛ պատմական եւ թէ՛ քաղաքական ու իրաւական տուեալներով կարելի է հակափաստարկել: Բնականաբար նաեւ շատ համոզիչ ձեւերով պարզել, թէ ինչո՛ւ այդ մասին քննարկումներ չկան հայկական դաշտին մէջ, երբ յատկապէս ի սպառ կը բացակային քննարկումները Պաքուի մէջ անցեալին վերադարձը բացառելու եւ Արցախի ժողովուրդի կամարտայայտութեան փաստին հետ հաշուի նստելու: Որուն համար զարմանք չի յայտներ ամերիկացի դիւանագէտը:

  • Մեկնարկում է Իրանի եւ Հայաստանի առողջապահական զբօսաշրջութեան ոլորտների համագործակցութիւնը
    Մեկնարկում է Իրանի եւ Հայաստանի առողջապահական զբօսաշրջութեան ոլորտների համագործակցութիւնը

    ԻԻՀ առողջապահութեան փոխնախարար Հաշեմիի Հայաստան կատարած այցի ընթացքում, քննարկւել է երկու երկրների միջեւ առողջապահական զբօսաշրջութեան զարգացման հարցը: Այդ շրջանակում, առաջին իրանական ընկերութիւնը ռադիոթերապիայի զարգացած սարքաւորումներով սկսել է Հայաստանում իր աշխատանքը:

  • Վահան Իշխանեան. «Ինչ շուտ հպարտ քաղաքացիները դարձան բեսետկեքի անբաններ»
    Վահան Իշխանեան. «Ինչ շուտ հպարտ քաղաքացիները դարձան բեսետկեքի անբաններ»

    Հրապարակախօս Վահան Իշխանեանն իր ֆէյսբուքեան էջում գրում. «Նիկոլ Փաշինեանը արդէն հակայեղափոխականներ է փնտրում հասարակութեան աւելի լայն շերտերում, ամենախոցելի խաւերում՝ գործազուրկների ու աղքատների մէջ, արդէն ամենաաղքատ խաւերին է մեղադրում երկրի տնտեսական անյաջողութիւններում, նրանց մեղադրում է թէ ծոյլ են, չեն ուզում աշխատել։ 

  • Չինաստանը Հայաստանին նւիրաբերեց շտապ բուժօգնութեան 200 աւտոմեքենայ
    Չինաստանը Հայաստանին նւիրաբերեց շտապ բուժօգնութեան 200 աւտոմեքենայ

    Չինաստանի Ժողովրդական Հանրապետութիւնը Հայաստանի Հանրապետութեանը նւիրաբերեց շտապ բուժօգնութեան 200 աւտոմեքենայ. յանձնման հանդիսաւոր արարողութիւնը տեղի ունեցաւ Երեւանում, ներկայ էին ՀՀ վարչապետի պաշտօնակատար Նիկոլ Փաշինեանը, Հայաստանում Չինաստանի արտակարգ եւ լիազօր դեսպան Թիէն Ըրլոնգը, ՀՀ առողջապահութեան նախարարի պաշտօնակատար Արսէն Թորոսեանը եւ այլք:

  • Վարդան Ոսկանեան. «Իրանը շահագրգռւած է Հայաստանի տարածքով տարանցման միջոցով դէպի Սեւ ծով ելք ապահովման հնարաւորութեամբ»
    Վարդան Ոսկանեան. «Իրանը շահագրգռւած է Հայաստանի տարածքով տարանցման միջոցով դէպի Սեւ ծով ելք ապահովման հնարաւորութեամբ»

    Իրանագէտ Վարդան Ոսկանեանն իր ֆէյսբուքեան էջում գրում է. «Բազմիցս նշել եմ, որ իրանցիների համար նշանաբանութիւնը եւ խօսքային կամ գործնական մակարդակում անուղղակի նշանների կամ ուղերձների փոխանակումը չափազանց արդիական եւ, ըստ էութեան, աշխարհայացքային կարեւորագոյն բաղադրիչ է։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։