Հա

Մշակոյթ

08/08/2018 - 09:30

Տիգրանակերտում պեղումների ընթացքում գտել են կարասային թաղումներ

Արցախի հնագիտական արշաւախումբը Տիգրանակերտում պեղումներ իրականացնելու ընթացքում հիւսիսային պատի մօտ յայտնաբերել է անտիկ ժամանակաշրջանից կարասային թաղումներ (հին ժամանակներում հանգուցեալներին յուղարկաւորում էին նաեւ կարասներում):

«alikonline.ir» - Արցախի հնագիտական արշաւախումբը Տիգրանակերտում պեղումներ իրականացնելու ընթացքում հիւսիսային պատի մօտ յայտնաբերել է անտիկ ժամանակաշրջանից կարասային թաղումներ (հին ժամանակներում հանգուցեալներին յուղարկաւորում էին նաեւ կարասներում):

Այս մասին «Արցախպրես»-ի թղթակցի հետ զրոյցում ասել է «Պատմական միջավայրի պահպանութեան պետական ծառայութիւն» ՊՈԱԿ-ի տնօրէն Արմինէ Հայրապետեանը:

Նրա խօսքով՝ պեղումներն իրականացւել են ռուսաստանաբնակ բարերար Արտեմ Քոչարեանի ֆինանսաւորմամբ:

Այդ պեղումների ժամանակ էլ գտնւել են թւով երեք կարաս: 

«Կարասների չափսերից երեւում է, որ մէկը մանկան համար էր. այդ կարասի վրայ պատկերւած են որսի եւ այլ պատկերներ: Գտնւած կարասները դեռ պէտք է վերակագնւեն, որը բաւական մեծ գործ է: Յստակ տեղեկութիւններ եւ վկայութիւններ այս պահի դրութեամբ մասնագէտները դժւարանում են ասել. նիւթը դեռեւս խորն ուսումնասիրման կարիք ունի, սակայն կարող ենք ասել, որ այն մ.թ.ա. 1-ին եւ մ.թ. 1 դարերին է վերաբերում: Ի դէպ, երկրագիտական թանգարանում ցուցադրութեան դրւած կայ նմանատիպ կարաս»,- տեղեկացրել է Ա. Հայրապետեանը եւ նշել, որ յուլիսի 10-ից Տիգրանակերտում սկսւած հնագիտական պեղումները շարունակւելու են մինչեւ օգոստոսի 17-18-ը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։