Հա

Մշակոյթ

12/08/2018 - 12:00

Աղթամարի Սուրբ Խաչ եկեղեցին հնարաւոր է ընդգրկւի ԻՒՆԵՍԿՕ-ի մշտական ցանկում

Վանայ լճի Աղթամար կղզում գտնւող հայկական Սուրբ Խաչ եկեղեցին  հնարաւոր է ընդգրկւի ԻՒՆԵՍԿՕ-ի Համաշխարհային ժառանգութեան մշտական ցանկում:

«alikonline.ir» - Վանայ լճի Աղթամար կղզում գտնւող հայկական Սուրբ Խաչ եկեղեցին  հնարաւոր է ընդգրկւի ԻՒՆԵՍԿՕ-ի Համաշխարհային ժառանգութեան մշտական ցանկում: Այս մասին տեղեկացնում է «panorama.am»-ը:

Թուրքական «Anadolu» կայքը յօդւած է հրապարակել Աղթամարի մասին՝ նշելով, որ տարեկան հազարաւոր տեղացի եւ օտարազգի զբօսաշրջիկներ են այցելում կղզի։ Այս տարւայ 7 ամսւայ ընթացքում Աղթամար է այցելել տեղացի եւ արտասահմանից  83 հազար զբօսաշրջիկ:

Վանի մշակոյթի եւ զբօսաշրջութեան հարցերի տնօրէն Մուզաֆեր Աքթուղն ասել է, որ Աղթմարի յուշահամալիրը զբօսաշրջութեան տեսանկիւնից քաղաքի ամենակարեւոր պատմական արժէքներից մէկն է: Աղթամարը 2015-ին եկեղեցին ներառւել է ԻՒՆԵՍԿՕ-ի Համաշխարհային ժառանգութեան ժամանակաւոր ցանկում: Նա նշել է, որ Թանգարանների գլխաւոր վարչութեան հետ քննարկել են, որոշել այս տարի յայտ ներկայացնել ԻՒՆԵՍԿՕ՝ Աղթամարի Սուրբ Խաչ եկեղեցին Համաշխարհային ժառանգութեան մշտական ցանկում ընդգրկելու համար:

Յօդւածում նշւում է, որ Աղթամար եկեղեցին կառուցւել է 915-921 թւականներին Գագիկ Ա-ին թագաւորի հրամանով, ճարտարապետը Մանւէլն է։

2005-ին Թուրքիայի մշակոյթի եւ զբօսաշրջութեան նախարարութեան որոշմամբ սկսւել են եկեղեցու վերանորոգման աշխատանքները։ Աշխատանքները տեւել են երկու տարի։ Ծախսւել է 4 միլիոն լիր։

Նշւում է, որ վերականգնողական աշխատանքներին մասնագէտ-արւստագէտների հետ միասին ընդգրկւել էին նաեւ հնագէտներ եւ ինժեներ-շինարարներ, այդ թւում նաեւ Հայաստանից։

Վերանորոգումից յետոյ եկեղեցին ստացել է Թանգարան-յուշարձանի կարգավճակ։

Նշենք, որ 2010 թւականի սեպտեմբերի 19-ին, 95 տարւայ ընդմիջումից յետոյ, եկեղեցում տեղի է ունեցել պատարագ, իսկ սեպտեմբերի 30-ի գիշերը մինչեւ հոկտեմբերի 1-ը եկեղեցու վրայ դրւել է խաչ: Մինչ այդ Թուրքական կառավարութիւնը հրաժարւել էր խաչ տեղադրել եկեղեցու գմբեթի վրայ, որի պատճառով ողջ աշխարհի հայութիւնը բողոքի ցոյց էր կազմակերպել։

Յարակից լուրեր

  • Իրանի գէօպարկերը միջազգային գրանցում կը ստանան
    Իրանի գէօպարկերը միջազգային գրանցում կը ստանան

    Իրանը պատրաստւում է ԻՒՆԵՍԿՕ-ի գէօպարկերի միջազգային ցուցակում գրանցել «Արաս»-ի (Արաքս) եւ «Թաբաս»-ի գէօպարկերը:

  • ԻՒՆԵՍԿՕ-ն Ռիօ դէ Ժանէյրոն 2020 թ. ճարտարապետութեան համաշխարհային մայրաքաղաք է յայտարարել
    ԻՒՆԵՍԿՕ-ն Ռիօ դէ Ժանէյրոն 2020 թ. ճարտարապետութեան համաշխարհային մայրաքաղաք է յայտարարել

    ԻՒՆԵՍԿՕ-ն Ճարտարապետների միջազգային միութեան (UIA) հետ համատեղ աշխարհի 2020 թ. ճարտարապետութեան մայրաքաղաք է յայտարարել Ռիօ դէ Ժանէյրոն: 

  • Այսօր նշւում է «The Beatles»-ի համաշխարհային օրը
    Այսօր նշւում է «The Beatles»-ի համաշխարհային օրը

    Այսօր՝ յունւարի 16-ին, իսկական մելոմանների բարձրախօսներից եւ ականջակալներից հնչում են բոլոր ժամանակների եւ ժողովուրդների ամենահանրաճանաչ երաժշտական խմբերից մեկի՝ Լիւերպուլից լեգենդար քառեակի «Yesterday», «Yellow Submarine», «Let It Be» եւ այլ ստեղծագործութիւնները: 

  • Հիմա քոչարի՞, թէ՞ եալլը
    Հիմա քոչարի՞, թէ՞ եալլը

    Լրատւամիջոցներից տեղեկացանք, որ 2018 թ․ նոյեմբերի 28-ին հայկական ժողովրդական հանրայայտ պարը՝ քոչարին, որպէս Նախիջեւանի ազգային խմբակային պար՝ ընդգրկւել է ԻՒՆԵՍԿՕ-ի անյապաղ պաշտպանութեան կարիք ունեցող ոչ նիւթական մշակութային ժառանգութեան ցանկում (գրանցւել է եալլը անունով՝ փակագծում՝ քոչարի, թենզերէ. Yalli (Kochari, Tenzere), traditional group dances of Nakhchivan)։ Ինչպէս տեսնում ենք, այն գրանցւել է որպէս Նախիջեւանի աւանդական խմբային պար:

  • Թուրք նախարարը մասնակցել է Աղթամար կղզու Սուրբ Խաչ եկեղեցու պատարագին
    Թուրք նախարարը մասնակցել է Աղթամար կղզու Սուրբ Խաչ եկեղեցու պատարագին

    Երէկ՝ սեպտեմբերի 9-ին Վանի Աղթամար կղզու Սուրբ Խաչ եկեղեցում 3 տարւայ դադարից յետոյ մատուցւած պատարագին ի թիւս բազմահազար հիւրերի, ներկայ էր գտնւել նաեւ Թուրքիայի մշակոյթի եւ զբօսաշրջութեան նախարար Մեհմեթ Նուրի Էրսոյը։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։