Հա

Մշակոյթ

18/08/2018 - 09:10

Հիասքանչ բնութիւնը հանդիպում է 3000-ամեայ մշակոյթի պատմութեանը. «Reise-Stories»-ի յօդւածը Հայաստանի մասին

Գերմանական «Reise-Stories» ճամբորդական կայքէջը ԳԴՀ-ում ՀՀ դեսպանութեան աջակցութեամբ յօդւած է հրապարակել Հայաստանի վերաբերեալ` «Հայաստան-հիասքանչ բնութիւնը հանդիպում է 3000-ամեայ մշակոյթի պատմութեանը» վերնագրով: 

«alikonline.ir» - Գերմանական «Reise-Stories» ճամբորդական կայքէջը ԳԴՀ-ում ՀՀ դեսպանութեան աջակցութեամբ յօդւած է հրապարակել Հայաստանի վերաբերեալ` «Հայաստան-հիասքանչ բնութիւնը հանդիպում է 3000-ամեայ մշակոյթի պատմութեանը» վերնագրով: «Արմէնպրես» լրատւական գործակալութիւնը ներկայացնում է յօդւածի հակիրճ թարգմանութիւնը:

«Երբ առաջին անգամ մեկնում ես Հայաստան, հասկանում ես, որ արժէ այցելել այս երկիրը, որն աշխարհում առաջինն է պետականորեն ընդունել քրիստոնէութիւնը: Հայաստանի մայրաքաղաք Երեւանը աշխարհի ամենահին քաղաքներից է: Այստեղ է գտնւում Մատենադարանը, որտեղ պահպանւում են շուրջ 15 հազար հայկական եւ 5 հազար արտասահմանեան ձեռագրեր: Ձեռագրերի շատ նմուշներ եզակի են եւ մի քանի հարիւր կամ հազար տարւայ պատմութիւն ունեն, ինչպէս օրինակ` 986 թ. Սանասարեան Աւետարանը կամ 12-րդ դարի աշխարհի քարտէզը:

Երեւանում անպայման անհրաժեշտ է նաեւ այցելել Հայոց Ցեղասպանութեան զոհերի յուշահամալիր: Յուշահամալիրի տարածքում տարբեր երկրների քաղաքական գործիչներ, ի յիշատակ Ցեղասպանութեան 1.5 միլիոն անմեղ զոհերի, ծառեր են տնկել: Մայրաքաղաք Երեւանից մօտ 60 կմ. հեռավորութեան վրայ է գտնւում Սեւանայ լիճը` Հայաստանի կապոյտ մարգարիտը: 1272 կմ² տարածքով այս լիճը աւելի քան երկու անգամ մեծ է, քան գերմանական Բոդենզեէ լիճը:  Դէպի հարաւ տանող ճանապարհին է գտնւում Նորադուզի գերեզմանատունը: Այստեղ կան 9-16-րդ դարերի բազմաթիւ եզակի խաչքարեր:

Արարատ լեռը, որն ունի 5137մ բարձրութիւն եւ որի գագաթը տարւայ մեծ մասը պատւած է ձիւնով, գտնւում է Թուրքիայի տարածքում: Լեռը հայերի ազգային խորհրդանիշն է: Մինչ 1915 թ. Ցեղասպանութիւնը Արարատի շրջակայքում հայեր են բնակւել: Ըստ Աստւածաշնչի` մեծ ջրհեղեղից յետոյ Արարատ լեռան վրայ է հանգրւանել Նոյեան տապանը: Տպաւորիչ այս լեռը մօտիկից տեսնելու համար կարելի է գնալ Խոր Վիրապ վանք: Այս սրբավայրը յայտնի ուխտատեղի է»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։