Հա

Մշակոյթ

04/10/2018 - 11:40

ԳԱԿ-ում բացւելու է «Շադի Ղադիրիան. յետահայաց» ցուցադրութիւնը

Գաֆէսճեան արւեստի կենտրոնը եւ «Մուսկարի» ասոցիացիան յայտարարում են, որ հոկտեմբերի 5-ին Կենտրոնի «Արծիւ» սրահում բացւելու է «Շադի Ղադիրիան. յետահայաց» ցուցադրութիւնը։ 

«alikonline.ir» - Գաֆէսճեան արւեստի կենտրոնը եւ «Մուսկարի» ասոցիացիան յայտարարում են, որ հոկտեմբերի 5-ին Կենտրոնի «Արծիւ» սրահում բացւելու է «Շադի Ղադիրիան. յետահայաց» ցուցադրութիւնը։ Տեղեկացնում է «panorama.am»-ը:

ԳԱԿ-ի լրատւական ծառայութեան հաղորդմամբ, ցուցադրութեան շրջանակներում կը ներկայացւեն յայտնի իրանցի լուսանկարչուհու հիսուներեք աշխատանքներ: Շադի Ղադիրիանի եօթ շարքերի լուսանկարներն առաջին անգամ են ցուցադրւում Հայաստանում: Արւեստագէտի աշխատանքները ցուցադրւել են տարբեր երկրներում՝ Իրան, Ֆրանսիա, Կանադա, Իտալիա, Բելգիա, Հնդկաստան, ԱՄՆ եւ այլն:

«Ցուցադրութիւնը իւրայատուկ անդրադարձ է՝ բացայայտելու լուսանկարչուհու ներաշխարհը եւ աշխարհընկալումը, որոնք մեզ են փոխանցւում թւացեալ պարզ, սակայն միանգամայն խորունկ պատկեր-ուղերձներով»,- նշել է Գաֆէսճեան արւեստի կենտրոնի գործադիր տնօրէնի պաշտօնակատար Վահագն Մարաբեանը:

Հանրութեան համար ցուցադրութիւնը գործելու է 2018 թ. հոկտեմբերի 6-ից մինչեւ դեկտեմբերի 23-ը: Մուտքն անվճար է:

Ցուցադրութեան կատալոգի տպագրութիւնը հովանաւորել է ՀՀ մշակոյթի նախարարութիւնը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։