Հա

Մշակոյթ

24/12/2018 - 08:10

Աշխարհի առաջին քրիստոնէական պետութեան խորհրդանիշները. Հայաստանի մասին «BBC»-ի յօդւածն ընդգրկւել է ամենաընթերցւածների տասնեակում

Բրիտանական «BBC» հեղինակաւոր կայքի ռուսական ծառայութիւնը կազմել է ընթերցողների շրջանում ամենատարածւած յօդւածների տասնեակը, որոնք պատրաստել են «BBC Travel» եւ «BBC Future» բաժինների հեղինակները 2018-ին: 

«alikonline.ir» - Բրիտանական «BBC» հեղինակաւոր կայքի ռուսական ծառայութիւնը կազմել է ընթերցողների շրջանում ամենատարածւած յօդւածների տասնեակը, որոնք պատրաստել են «BBC Travel» եւ «BBC Future» բաժինների հեղինակները 2018-ին: Տեղեկացնում է «tert.am»-ը:

Թոփ տասնեակում յայտնւել է նաեւ «Աշխարհի առաջին քրիստոնէական պետութեան խորհրդանիշներն ու լեգենդները» խորագրով յօդւածը, որը պատմում է հայ ժողովրդի քրիստոնէական աւանդոյթների եւ ժամանակակից Հայաստանի տարածքում գտնւող հնագոյն եկեղեցիների մասին:

Յօդւածում խօսւում է Հայաստանում քրիստոնէութիւնը որպէս պետական կրօն ճանաչելու պատմութեան մասին, ինչպէս նաեւ ներկայացւած են կարեւորագոյն կրօնական կոթողներն ու սրբավայրերը, մասնաւորապէս՝ Վայոց Ձորի Զօրաց եկեղեցին, Գեղարդ վանական համալիրը, Էջմիածնի Սուրբ Գայանէ եկեղեցին:

«Հայ Առաքելական Եկեղեցին հնագոյն քրիստոնէական եկեղեցիներից մէկն է, որն առանձնանում է ինչպէս բիւզանդական ուղղափառ, այնպէս էլ հռոմէական կաթոլիկ եկեղեցուց: Հայաստանը փոքր երկիր է, սակայն Հայաստանի դերն աշխարհի հոգեւոր պատմութեան մէջ դժւար է գերագնահատել. 301 թւականին այն դարձել է աշխարհի առաջին քրիստոնեայ պետութիւնը»,- ասւում է յօդւածում:

Հայաստանից բացի ընթերցողներին ամէնից շատ հետաքրքրած թեմաների շարքում են ընդգրկւել «Տիտանիկ» նաւի պատմութիւնը, Ճապոնիայի եւ Ալեասկայի կղզիները, արեւելեան հումուսի գաղտնի բաղադրիչը, Հարաւսլաւիան, լրագրողի արկածները Հաւանայում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։