Հա

Մշակոյթ

24/01/2019 - 10:40

Մատենադարանի մասնագէտները կը վերականգնեն Մերձաւոր Արեւելքում վնասւած ձեռագրերը

Վերջին տարիներին Մերձաւոր Արեւելքի երկրներում վնասւած ձեռագրերը կը վերականգնւեն Մատենադարանում Հայաստանի մասնագէտների օգնութեանմբ: 

«alikonline.ir» - Վերջին տարիներին Մերձաւոր Արեւելքի երկրներում վնասւած ձեռագրերը կը վերականգնւեն Մատենադարանում Հայաստանի մասնագէտների օգնութեանմբ: Այս մասին «Արմէնպրես»-ի հետ զրոյցում նշեց, Մեսրոպ Մաշտոցի անւան հին ձեռագրերի Մատենադարան ինստիտուտի տնօրէն Վահան Տէր-Ղեւոնդեանը:

«Նախատեսւում է մի նոր խոշոր ծրագիր իրականացնել, որի հիմքերը դրւել են 2018 թւականին: Լիբանանից եւ Սիրիայից ձեռագրերի 9 վերականգնող ԻՒՆԵՍԿՕ-ի աջակցութեամբ եկան Հայաստան, եւ Մատենադարանի մասնագէտները մէկշաբաթեայ դասընթաց կազմակերպեցին՝ որակաւորման բարձրացման, գիտելիքների խորացման նպատակով: Ասեմ, որ մեր գործընկերները շատ գոհ էին արդիւնքներից: ԻՒՆԵՍԿՕ-ի համար այն համարւեց յաջող ծրագրերից մէկը»,- ասաց Վահան Տէր-Ղեւոնեանը:

Արւած աշխատանքի հիման վրայ մի աւելի խոշոր ծրագրի հիմքերն են դրւել: Սիրիայում, Իրաքում վերջին տարիներին մշակութային արժէքները մեծապէս վնասւել են, բաւական տուժել են: Վահան Տէր-Ղեւոնդեանի խօսքով, նախատեսւում է, որ Մատենադարանը դառնայ տարածաշրջանային կենտրոն նման ձեռագրերի վերականգնման համար:

«Դրանք խումբ առ խումբ կը բերւեն Հայաստան, կը վերականգնւեն եւ կը վերադարձւեն: Սա, կարծում եմ, կունենայ ինչպէս մշակութային, այնպէս էլ քաղաքական նշանակութիւն: Ուրախութեամբ ուզում եմ ասել, որ ՀՀ նախագահ Արմէն Սարգսեանի եւ ԻՒՆԵՍԿՕ-ի գլխաւոր տնօրէն Օդրի Ազուլէի միջեւ վերջերս կայացած հանդիպմանը եւս այդ հարցը քննարկւել է: Սպասում ենք ծրագրի վերջնական հաստատմանը»,-ասաց Մատենադարանի տնօրէնը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։