Հա

Մշակոյթ

25/02/2019 - 12:10

«Օսկար» 91. լաւագոյնը «Կանաչ գիրք»-ն է

Լոս Անջելէսի «Dolby» թատրոնում այսօր՝ վաղ առաւօտեան տեղի ունեցաւ «Օսկար» 91-րդ մրցանակաբաշխութիւնը:

«alikonline.ir» - Լոս Անջելէսի «Dolby» թատրոնում այսօր՝ վաղ առաւօտեան տեղի ունեցաւ «Օսկար» 91-րդ մրցանակաբաշխութիւնը:

«Լաւագոյն ֆիլմ» անւանակարգում գլխաւոր մրցանակին արժանացաւ ռեժիսոր Պիտէր Ֆարելիի «Կանաչ գիրք»-ը:

«Լաւագոյն ռեժիսոր» անւանակարգում յաղթող ճանաչւեց ռեժիսոր Ալֆոնսօ Քուարօն («Ռոմա»):

«Լաւագոյն դերասան» անւանակարգում յաղթող ճանաչւեց Ռամի Մալեքը («Բոհեմական ռապսոդիա»):

«Լաւագոյն դերասանուհի» անւանակարգում յաղթող ճանաչւեց Օլիւիա Քոուլմանը («Ֆաւորիտուհին»):

«Երկրորդ պլանի լաւագոյն դերասան» անւանակարգում «Օսկար» ստացաւ Մախերշալա Ալին` («Կանաչ գիրք»):

«Երկրորդ պլանի լաւագոյն դերասանուհի» անւանակարգում լաւագոյնը Ռեջինա Քինգն էր («Եթէ Բիլ-սթրիթը կարողնար խօսել»):

«Ռոմա» ֆիլմն «Օսկար» մրցանակի արժանացաւ «Լաւագոյն օտարալեզու ֆիլմ» անւանակարգում, իսկ ֆիլմի օպերատոր Ալֆոնսօ Կուարոնը յաղթող ճանաչւեց «Լաւագոյն օպերատորական աշխատանք» անւանակարգում: 

«Լաւագոյն մուլտիպլիկացիոն ֆիլմ» անւանակարգի համար նախատեսւած «Օսկար»-ը բաժին հասաւ «Սարդ-մարդը» մուլտֆիլմին, իսկ «Լաւագոյն վաւերագրական» անւանակարգումը լաւագոյնը «Ազատ վերելք»-ն էր:

«Լաւագոյն սցենար» անւանակարգում յաղթեց «Կանաչ գիրք»-ը, որն այս տարի երեք «Օսկար»-ի արժանացաւ:

«Լաւագոյն սաունդթրեք» անւանակարգում մրցանակը բաժին հասաւ Բրեդլի Քուփէրի եւ Լեդի Գագայի մասնակցութեամբ «Աստղ է ծնւել» ֆիլմում հնչող «Shallow» ստեղծագործութեանը:

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։