Հա

Մշակոյթ

07/07/2019 - 11:50

«Անում են ինչ-որ բաներ, լռում ենք, մարսում, աշխարհն էլ ընդունում է». Գագիկ Գինոսեանը՝ Լուվրում ադրբեջանական գորգերի ցուցադրութեան մասին

Ֆրանսիական Լուվրում տեղի կունենայ «ադրբեջանական գորգերի ցուցադրութիւն» Ադրբեջանի նախաձեռնութեամբ: «Tert.am»-ի հետ զրոյցում, անդրադառնալով այս հարցին, ՀՀ մշակոյթի վաստակաւոր գործիչ Գագիկ Գինոսեանը նշեց, որ այս հարցում ՀՀ-ն պէտք է լինի աչալուրջ եւ իրականացնի մշակութային յստակ քաղաքականութիւն՝ ներկայացնելով աշխարհին հայկական մշակոյթը:

«alikonline.ir» - Ֆրանսիական Լուվրում տեղի կունենայ «ադրբեջանական գորգերի ցուցադրութիւն» Ադրբեջանի նախաձեռնութեամբ: «Tert.am»-ի հետ զրոյցում, անդրադառնալով այս հարցին, ՀՀ մշակոյթի վաստակաւոր գործիչ Գագիկ Գինոսեանը նշեց, որ այս հարցում ՀՀ-ն պէտք է լինի աչալուրջ եւ իրականացնի մշակութային յստակ քաղաքականութիւն՝ ներկայացնելով աշխարհին հայկական մշակոյթը:

Հարցին՝ պետական մակարդակով ի՞նչ պէտք է անի ՀՀ-ն՝ ադրբեջանական ցուցահանդէսի հետ կապւած, Գինոսեանը պատասխանեց. «Կարծում եմ՝ նախեւառաջ ուսումնասիրել է պէտք, թէ ինչ ցուցահանդէս է լինելու, ինչ ցուցանմուշներ են ներկայացւելու: Պէտք է յստակ փաստերով ներկայացնել՝ որոնք են հայկական, գորգագործութեան որ դպրոցից են այդ գործերը: Պէտք է լինեն փաստեր, այլ ոչ էմոցիոնալ կոչեր»:

Ըստ նրա՝ յստակ մշակութային քաղաքականութիւն է պէտք վարել:

«Մենք շատ լուրջ բացթողումներ ունենք այս ոլորտում: Հայկական գորգագործութեան մասին մենք չունենք լիարժէք աշխատութիւն, միայն ասում ենք, որ խալի բառն առաջացել է հայկական կալի, հալի բառի արաբերէն տառադարձումից: Բառը ծագել է Կարին քաղաքի անւանումից, իսկ Կարինն ինքնին արհեստների, յատկապէս գորգագործութեան խոշոր կենտրոն էր»,- նշեց նա:

Գագիկ Գինոսեանի խօսքով՝ նախեւառաջ պէտք է բարեփոխումներ լինեն մշակոյթի ոլորտում, որովհետեւ դրանով է դաստիարակւում ապագայի քաղաքացին: ՀՀ-ն իր վարած մշակութային քաղաքականութեամբ պէտք է նպաստի հայկական մշակոյթի զարգացմանը, աշխարհում հայ մշակոյթի տարածմանը, ներկայացմանը, հանրահռչակմանը.

«Շուտով Կոմիտասի եւ Թումանեանի 150-ամեակն է, բայց բացի 1-2 գիտաժողովներից, որոնք նեղ գիտական շրջանակների համար են, մեր երկիրը որեւէ երկրում, որեւէ մէկին իր հզօր մշակոյթը չի ներկայացնում: Փորձի որեւէ մէկը պաշտօնական այցով գնայ Թուրքիա ու հրաժարւի Աթաթուրքի գերեզմանին ծաղկեպսակ դնելուց: Ինչո՞ւ մեր պաշտօնական արարողակարգում չկան նմանատիպ այցեր, Կոմիտասի, Մաշտոցի շարականների, Նարեկացու լսումներ եւ այլն:

Երբ մենք մեր մշակոյթին այսպէս ենք վերաբերւում, բնականաբար, ադրբեջանցին էլ իր նաւթադոլարներով կը գրանցի Քոչարին ԻՒՆԵՍԿՕ-ում, եւ մենք կը լռենք: Ես մի քանի անգամ բարձրաձայնեցի այս խնդիրը, սակայն ինձ սկսեցին հեռուստաեթերների չհրաւիրել, որովհետեւ ես իրենց պէս չէի մտածում: Իրենք ասում էին՝ ցոյց տանք հայկական եւ ադրբեջանական քոչարիների տարբերութիւնը, սակայն ես ասում էի, որ եթէ դուք արդէն տարբերութեան մասին էք խօսում, դուք կասկածի տակ էք դնում ընդհանրապէս քոչարիի հայկական լինել-չլինելու հարցը: Եթէ մենք շարունակենք այս տեսանկիւնից վարել նման քաղաքականութիւն, ապա ճիշտ են ադրբեջանցիները:

Ասում են՝ ապրանքդ փողոցում մի թող, ուրիշին էլ գող մի անւանի: Եթէ մենք անտէր ենք թողել, չենք հետեւում, դրա մասին հրապարակումներ չունենք, գիտական աշխատութիւններ չունենք, մշակումներ չունենք, եթէ չենք ներկայացնում աշխարհին որպէս հայկական, երբ բոլոր հիմքերը ունեն, ապա այդ պարագայում ինչի՞ մասին է խօսքը: Անում են ինչ-որ բաներ, լռում ենք, մարսում ենք, աշխարհն էլ ընդունում է»:

Յարակից լուրեր

  • Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»
    Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»

    Անկախութեան 28 տարիների ընթացքում ձեռք բերածի, բացթողումների եւ Հայաստանի ներկայի եւ ապագայի մասին Sputnik Արմենիան զրուցել է Մարդկային զարգացման միջազգային կենտրոնի ղեկավար Թեւան Պօղոսեանի հետ։

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։