Հա

Մշակոյթ

15/08/2019 - 13:30

Էդնա Զէյնալեանի անւան յուշամեդալի շնորհանդէսը՝ «Վահդաթ» համալիրում

Թողարկւել է Էդնա Զէյնալեանի անւան յուշամեդալ, որը տրւելու է նորաձեւութեան եւ բեմայարդարման ասպարէզներում ստեղծագործող արւեստագէտներին:

«ԱԼԻՔ» - Թողարկւել է Էդնա Զէյնալեանի անւան յուշամեդալ, որը տրւելու է նորաձեւութեան եւ բեմայարդարման ասպարէզներում ստեղծագործող արւեստագէտներին:

Յուշամեդալի շնորհանդէսը տեղի ունեցաւ երէկ, օգոստոսի 14-ին, Թեհրանի «Վահդաթ» դահլիճում: Միջոցառմանը ներկայ էին Իսլ. խորհրդարանում իրանահայ պատգամաւոր՝ դոկտ. Կարէն Խանլարեանը, Լորիս Ճգնաւորեանը, ինչպէս նաեւ Իրանի արւեստի նշանաւոր դէմքերն ու Մշակոյթի նախարարութեան պատասխանատուները:

Ընթացքում Լորիս Ճգնաւորեանի ղեկավարութեամբ ելոյթ է ունեցել Թեհրանի լարային նւագախումբը: Նւագախմբին ընկերակցել է նաեւ անւանի դաշնակահար Բարդիա Սադր-նուրին:

Ընթացքում բարձր է գնահատւել իրանահայութեան դերը Իրանի թատրոնի զարգացման գործում, յատուկ կարեւորութեամբ նշելով Էդնա Զէյնալեանի ներդրումը:

«Էդնա Զէյնալեան» մրցանակ-յուշամեդալի ստեղծման եւ տրման գաղափարը երկու հեղինակաւոր մշակութային կենտրոնների՝ «Ռադէ նոանդիշ»-ը եւ «Պետական թատրոնի բեմայարդաման եւ նորաձեւութեան միութեան»-ն էր, որը ամէն տարի տրւելու է նոյն ասպարէզում լաւագոյն ցուցանիշն արձանագրած արւեստի գործիչներին:

Յատկանշական է, որ Էդնա Զէյնալեանը համարւում է Իրանի նորաձեւութեան ասպարէզում աշխատող առաջինը, ով ԲՈՒՀ-ական կրթութեամբ է մուտք գործել ասպարէզ, իր հետ բերելով նաեւ ոլորտի ակադեմիկ գիտութիւնները:    

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։