Հա

Մշակոյթ

08/10/2019 - 08:00

Թուրքիայում գանձագողերը մեծ վնաս են հասցրել անգամ 2500-ամեայ բերդին

Կարինում (թուրքական անւանումը՝ Էրզրում) 1790 թ. մեր օրեր հասած հայկական Սուրբ Մինաս եկեղեցին ենթարկւում է գանձագողերի աւերածութիւններին։ Գանձ որոնողները չեն սահմանափակւել եկեղեցու պատերը պեղելով, փորել են նաեւ 2500 տարւայ հնութիւն եւ 600 մ. բարձրութիւն ունեցող Քարթալ բերդը։ 

«alikonline.ir» - Կարինում (թուրքական անւանումը՝ Էրզրում) 1790 թ. մեր օրեր հասած հայկական Սուրբ Մինաս եկեղեցին ենթարկւում է գանձագողերի աւերածութիւններին։ Գանձ որոնողները չեն սահմանափակւել եկեղեցու պատերը պեղելով, փորել են նաեւ 2500 տարւայ հնութիւն եւ 600 մ. բարձրութիւն ունեցող Քարթալ բերդը։ Այդ մասին ըստ Yerkir.am-ի՝ հաղորդում է Akunq.net-ը՝ յղում անելով թուրքական «Իհլաս» լրատւական գործակալութեանը։

Աղբիւրի համաձայն՝  ներկայիս Թուրքիայի Հանրապետութեան տարածքում գտնւող Էրզրում նահանգի Ազիզիէ գաւառում 1790 թ․ հայերի կողմից կառուցւած Սուրբ Մինաս եկեղեցում չփորւած տեղ չի մնացել։ Աղբիւրը փոխանցում է նաեւ, թէ Ազիզիէի տեղական իշխանութիւններն իբրեւ թէ նախաձեռնել են վերանորոգել եկեղեցին, սակայն պարզւել է, թէ այն պատկանում է մի գերմանաբնակ հայի։

Ինչպէս նշւում է աղբիւրում, եկեղեցում որեւէ գանձի չհանդիպած գանձագողերը սկսել են փորել նաեւ Եաքութիէ գաւառի Գիւնգեորմեզ թաղամասում դեռեւս երկաթէ դարից մնացած շուրջ 3 հազարամեայ հնութեամբ Քարթալ բերդը՝ հանդիպելով տեղի բնակիչների վրդովմունքին։

Սոյն բերդում ուսումնասիրութիւններ կատարած Էրզրումի թանգարանի տնօրէն Հիւսնիւ Գենչը յայտնել է, թէ գանձ որոնողները մեծ վնաս են հասցնում մշակութային հարստութիւններին, եւ որ դրանք պահպանելու նպատակով իրենք նախագիծ են սկսել իրականացնել ժանդարմերիայի հետ։ Նա նաեւ նշել է, թէ հարկ է արդիւնաւէտ պայքար մղել գանձագողութեան դէմ։

Յարակից լուրեր

  • Կ. Խանլարեան. «Միջազգային հանրութիւնը պէտք է հակազդի»
    Կ. Խանլարեան. «Միջազգային հանրութիւնը պէտք է հակազդի»

    Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը պատասխանելով Սիրիայի հիւսիսային տարածքներ ներխուժած Թուրքիայի բանակի զինեալ գործողութիւնների կապակցութեամբ, իրանական խոշոր ԶԼՄ-ներից «ՖԱՐՍ»-ի հարցերին, դատապարտել է երեւոյթը եւ թուրքական կողմի գործողութիւնները վերագրել է այդ երկրի ծաւալապաշտական նկրտումների էութեանը եւ կարեւորել, որ խնդիրը վերլուծելու համար պէտք է յիշել մինչ այդ Սիրիայի դէմ կատարած Թուրքիայի ոտնձգութիւններն ու ներխուժումը, որոնք ուշադրութեան են արժանի մի քանի տեսանկիւններից.

  • ԴԱԷՇ-ը վերակենդանացնելու թուրքական «Խաղաղութեան աղբիւրը»...
    ԴԱԷՇ-ը վերակենդանացնելու թուրքական «Խաղաղութեան աղբիւրը»...

    Համաշխարհային հանրութեան մտապատկերում դեռեւս թարմ է տպաւորութիւնը՝ ՄԱԿ-ի սեպտեմբերեան վեհաժողովում նոյն հանրութեան պետական-դիւանագիտական ղեկավար այրերի ելոյթները…:

  • Շարունակական վարքագիծ սուլթանից մինչեւ Էրդողան
    Շարունակական վարքագիծ սուլթանից մինչեւ Էրդողան

    Թւականիս հոկտեմբեր 9-ին թրքական բանակը ի լուր աշխարհի եւ բացէ ի բաց ներխուժեց իր հարեւան՝ Սիրիայի տարածք: Թրքական ծաւլապաշտական յարձակման թիրախ են դարձել Սիրիայի հիւսիսում գտնւող հայաբնակ Գամիշլի քաղաքը եւ այլ բնակավայրեր, որի հետեւանքով բազմաթիւ հայորդիներ ենթարկւել են Թուրքիայի բանակայինների յանցագործութիւններին․ կան բազմաթիւ տուժածներ։

  • «Իրանական շահերին դէմ է, եթէ Թուրքիան փորձի հաստատւել այս տարածաշրջանում». Իրանագէտ
    «Իրանական շահերին դէմ է, եթէ Թուրքիան փորձի հաստատւել այս տարածաշրջանում». Իրանագէտ

    Թուրքիան հոկտեմբերի 9-ին յայտարարեց Սիրիայի հիւսիսում «Խաղաղութեան աղբիւր» անւանումով ռազմական գործողութիւն անցկացնելու մասին: Վերջինս արժանացաւ միջազգային կոշտ արձագանքների: Լրատւամիջոցները պարբերաբար յայտնում են, որ Թուրքիայի բանակի գործողութիւնների հետեւանքով զոհեր կան նաեւ խաղաղ բնակչութեան շրջանում։

  • Մնալը կենաց-մահու խնդիր էր. Թէլ Աբիադից Հալէպ հասած հայերը պատմել են թուրքական ներխուժման մասին
    Մնալը կենաց-մահու խնդիր էր. Թէլ Աբիադից Հալէպ հասած հայերը պատմել են թուրքական ներխուժման մասին

    Սիրիայի Թէլ Աբիադ բնակավայրից Հալէպ հասած հայերը պատմել են Թուրքական ռազմական գործողութիւններից յետոյ այդ շրջանում եղած իրավիճակի մասին: Հալէպի «Գանձասար» պարբերականը զրուցել է Հալէպ հասած Սարգիս Նազարեանի եւ Վանէս Քեչէրեանի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։